Ini bhagyam koodi thunachal merin nalla oru pinnanj gayika aavum
Vaal: pinne mridulakku south india yile shreya aavaamenkil Merinu junior chithrachechy aavaam
The Sorcerer Forum Owner
Subject: Re: Congratulation MERIN - ISS Season 6 Winner Fri Dec 28, 2012 2:00 am
midhun wrote:
INTERVIEW WITH MERIN
thankyou for sharing!
Ammu Forum Boss
Subject: Re: Congratulation MERIN - ISS Season 6 Winner Wed Jan 09, 2013 6:59 am
പാട്ടിന്റെ വഴികളില് പ്രതീക്ഷയുടെ പുതുശബ്ദം
തൃരുനാമകീര്ത്തനം പാടുവാനല്ലെങ്കില് നാവെനിക്കെന്തിനു നാഥാ....'' വാശിപ്പിടിച്ചു കരയുന്ന കുഞ്ഞുമെറിനെ ഉറക്കാന് അമ്മമ്മ സ്ഥിരമായി പാടുന്ന പാട്ടായിരുന്നു അത്. കേള്ക്കുമ്പോള് കുഞ്ഞുമെറിന് ഒന്നുകൂടി ഉറക്കെ കരയും പിന്നെ പതിയെ അമ്മാമ്മ പാടുന്നത് കേട്ടുമയങ്ങാന് തുടങ്ങും. പാട്ടുകേട്ടു മയങ്ങിയ കുഞ്ഞുമെറിന് വളര്ന്നപ്പോഴും പാട്ടുവിട്ടില്ല. തിരുനാമകീര്ത്തനങ്ങള്ക്കൊപ്പം മെറിനിപ്പോള് ഹിന്ദുസ്ഥാനിയും കര്ണാടകസംഗീതവും ലളിതഗാനവുമെല്ലാം വഴങ്ങും. പുതിയ മലയാളചിത്രം റോമന്സില് 'കുയില് പാടി' എന്നാലപിച്ച് സിനിമാ പിന്നണിഗാനരംഗത്തേക്കുകൂടി കടന്നിരിക്കുകയാണ് മെറിനിപ്പോള്.
ഏഷ്യാനെറ്റില് സംപ്രേഷണം ചെയ്തിരുന്ന റിയാലിറ്റി ഷോ ഐഡിയ സ്റ്റാര് സിംഗറിന്റെ ആറാം സീസണില് വിജയിയായതോടെയാണ് കോഴിക്കോട് മലാപ്പറമ്പ് സ്വദേശി മെറിന് ഗ്രിഗറി ശ്രദ്ധയാകര്ഷിക്കുന്നത്. റിയാലിറ്റി ഷോയില് വന്നതോടെ ഗാനമേളകളിലും സിനിമകളിലും പാടാന് അവസരമായി. റോമന്സിനു പുറമെ പുറത്തിറങ്ങാനിരിക്കുന്ന 'വാനിലസ്കൈ', 'അഡ്വഞ്ചറസ് പാര്ക്ക്' എന്നീ സിനിമകളിലും മെറിന് പാടിയിട്ടുണ്ട്. ഒപ്പം പ്രമുഖര്ക്കൊപ്പം സ്റ്റേജ് പരിപാടികള്ക്കും നിറയെ അവസരങ്ങള്.
മെറിന്റെ അച്ഛന് മേനച്ചേരി എരിഞ്ഞേരി ഗ്രിഗറി ബെര്ണാഡിന് സൗദിയിലായിരുന്നു ജോലിയെന്നതിനാല് ബാല്യമെല്ലാം സൗദിയിലായിരുന്നു. അവിടെ നിന്നാണ് പാട്ടുപാടി തുടങ്ങുന്നതും. ഒമ്പതാം വയസ്സിലാണ് മെറിന് സ്റ്റേജ് പരിപാടികളില് പാടിതുടങ്ങുന്നത്. ആദ്യം പാടിയ പാട്ട് ''ഇന്നെനിക്ക് പൊട്ടുകുത്താന്....'' പിന്നെ സൗദിയില് നടക്കുന്ന മലയാളി കൂട്ടായ്മകളുടെ പരിപാടികള്ക്ക് മെറിന്റെ പാട്ട് നിര്ബന്ധമായി.
സൗദിയിലെ നിയമപ്രകാരം ഗായികമാര്ക്ക് മറ്റു രാജ്യങ്ങളില് നിന്ന് വന്നുപാടാന് സാധിക്കില്ല. അതോടെ നാട്ടില് നിന്നെത്തുന്ന പ്രമുഖ ഗായകര്ക്കൊപ്പം പാട്ടുപാടാനും മെറിന് അവസരമൊരുങ്ങി. അഞ്ചാം ക്ലാസ്സില് പഠിക്കുമ്പോള് യേശുദാസിനൊപ്പംപാടി. കളിക്കമ്പം മാറാത്ത അഞ്ചാംക്ലാസ്സുകാരിയോട് ശബ്ദം സൂക്ഷിക്കണം, തണുപ്പുള്ളതൊന്നും കഴിക്കരുതെന്ന് അന്ന് ദാസേട്ടന് ഓര്മിപ്പിച്ചു. ഗായകരായ എം.ജി. ശ്രീകുമാര്, വേണുഗോപാല്, അഫ്സല്, നാദിര്ഷ തുടങ്ങിയവര്ക്കൊപ്പവും മെറിന് സ്റ്റേജ് പ്രോഗ്രാമുകള് അവതരിപ്പിച്ചിട്ടുണ്ട്. ഇതിനിടെ ഏഷ്യാനെറ്റിന്റെത്തന്നെ ജൂനിയര് ലിറ്റില് മാസ്റ്റേഴ്സ് 2007-ല് വിജയിയായി.
ഇതോടെയാണ് പാട്ടില് കൂടുതല് ശ്രദ്ധ കേന്ദ്രീകരിക്കാന് തീരുമാനിച്ചത്. അതോടെ മെറിന് അമ്മ ഫിലോ ഗ്രിഗറിക്കും അനുജത്തി തെരേസ് ഗ്രിഗറിക്കുമൊപ്പം മലാപ്പറമ്പ് ഹൗസിങ്ങ് കോളനിയിലെ വീട്ടിലേക്കു താമസംമാറ്റി. നെടുമങ്ങാട്ശശിധരന് നായര്ക്ക് കീഴിലാണ് മെറിന് കര്ണാടക സംഗീതം അഭ്യസിക്കുന്നത്. റിയാലിറ്റി ഷോകള്ക്കുവേണ്ടി പാട്ടുപഠിപ്പിക്കുന്നത് കോഴിക്കോട് സതീഷ് ബാബുവാണ്.
മെലഡി ഗാനങ്ങള് കേള്ക്കാനും പാടാനുമാണ് മെറിന് ഇഷ്ടം. ശ്രേയ ഘോഷാല് ആണ് ഇഷ്ടഗായിക. ദേവരാജന് മാസ്റ്ററുടെയും ജോണ്സണിന്റെയും പഴയ പാട്ടുകളും പ്രിയം. പക്ഷേ, ആസ്വാദകരുടെ ആവശ്യം കൂടി പരിഗണിച്ച് ഇപ്പോള് ഫാസ്റ്റ് നമ്പറുകളും പാടാറുണ്ട്. കോഴിക്കോട് പ്രോവിഡന്സ് കോളേജിലെ ഒന്നാം വര്ഷ ബിരുദവിദ്യാര്ഥിയാണ് മെറിന് ഗ്രിഗറി. ബിരുദ പഠനം പൂര്ത്തിയാക്കിയശേഷം പാട്ടില് മുഴുവന് സമയവും ശ്രദ്ധിക്കുവാനാണ് മെറിന്റെ തീരുമാനം. സൗദിയിലെ ജോലിയില് നിന്നും വിരമിച്ച് അച്ഛന് ഗ്രിഗറി കൂടി നാട്ടിലെത്തിയതോടെ പാട്ടിന് പൂര്ണ പിന്തുണയായെന്ന് മെറിന് പറയുന്നു.
ചെറുപ്പത്തില് അപരിചിതര് ആവശ്യപ്പെട്ടാല് പോലും നിര്ത്താതെ പാടിക്കൊണ്ടിരിക്കുന്ന കുട്ടി പാട്ടുകാരിയായി പേരെടുത്ത സന്തോഷത്തിലാണ് വീട്ടുകാര്. ഇപ്പോള് സിനിമയിലും കൂടി പാടിയതോടെ പഠിച്ച സ്കൂളിലും കോളേജിലുമെല്ലാം ചെറിയൊരു സെലിബ്രറ്റി പരിവേഷം. നാലുക്ലാസുകാരിയായ അനുജത്തി സ്കൂള് വിട്ടുവരുമ്പോള് ഇപ്പോള് ചേച്ചിയുടെ പേരുംപറഞ്ഞ് കുറെ ഓട്ടോഗ്രാഫുകളും കൂടെ കൊണ്ടുവരുന്നുണ്ട്. അതെല്ലാം അനുജത്തിയുടെ വികൃതിയെന്നുപറഞ്ഞ് ചിരിക്കുമ്പോഴും മെറിന് മെല്ലേ ഒരു പാട്ടുകൂടി മൂളിതുടങ്ങി.
parutty Forum Boss
Subject: Re: Congratulation MERIN - ISS Season 6 Winner Wed Jan 09, 2013 7:29 am
merin
Ammu Forum Boss
Subject: Re: Congratulation MERIN - ISS Season 6 Winner Wed Jan 09, 2013 9:21 am