ChristianDevotionalSongs

ക്രിസ്ത്യന്‍ ഭക്തിഗാനം ...ആല്‍ബം ദൈവപുത്രന്‍ ...പാടിയത് യേശുദാസ്‌ ..

1.) രാത്രി രാത്രി രജത രാത്രി രാജാധി രാജന്‍ പിറന്ന രാത്രി

ദുഖങ്ങളെല്ലാം അകലുന്ന രാത്രി..
ദുഖിതര്‍ക്കാശ്വാസം ഏകുന്ന രാത്രി
നീഹാര ശീതള രാത്രി.. സ്വര്‍ഗ്ഗീയ രാത്രി
ഗ്ലോറിയ..ഗ്ലോറിയ..ഗ്ലോറിയ..
ഗ്ലോറിയ ഇന്‍ എക്സല്‍സീസ് ദേവൂ..

താരാകുമാരികള്‍ തന്‍ സംഗീത മാധുരി
താരാപഥങ്ങളില്‍ ഉയരുന്ന രാത്രി
തൂമഞ്ഞു പെയ്യുന്ന രാത്രി.. സ്വര്‍ഗ്ഗീയ രാത്രി
ഗ്ലോറിയ..ഗ്ലോറിയ..ഗ്ലോറിയ..
ഗ്ലോറിയ ഇന്‍ എക്സല്‍സീസ് ദേവൂ..

ദൈവീക സ്നേഹം മേരി തന്‍ സുതനായ്‌..
ഈ മണ്ണിന്‍റെ മടിയില്‍ മയങ്ങുന്ന രാത്രി
സന്മനസ്സുള്ളോര്‍ തന്‍ രാത്രി.. സ്വര്‍ഗ്ഗീയ രാത്രി
ഗ്ലോറിയ..ഗ്ലോറിയ..ഗ്ലോറിയ..
ഗ്ലോറിയ ഇന്‍ എക്സല്‍സീസ് ദേവൂ..

2)പൈതലാം യേശുവേ..
ഉമ്മവെച്ചുമ്മവെച്ചുണര്‍ത്തിയ..
ആട്ടിടയര്‍ ഉന്നതരേ..
നിങ്ങള്‍ തന്‍ ഹൃത്തില്‍ യേശുനാഥന്‍ പിറന്നു..
ലലലാ..ലലലാ..ലലലലലാ..ലലാ...
അഹാ..അഹാ..അഹാഹാ..ഉം...ഉം...

താലപ്പൊലിയേകാന്‍ തംബുരു മീട്ടുവാന്‍..
താരാട്ടു പാടിയുറക്കീടുവാന്‍...
താരാഗണങ്ങളാല്‍ ആഗതരാകുന്നു..
വാനാരൂപികള്‍ ഗായകര്‍ ശ്രേഷ്ഠര്‍..
പൈതലാം യേശുവേ..
ഉമ്മവെച്ചുമ്മവെച്ചുണര്‍ത്തിയ..
ആട്ടിടയര്‍ ഉന്നതരേ..
നിങ്ങള്‍തന്‍ ഹൃത്തില്‍ യേശു നാഥന്‍ പിറന്നു..
ലലലാ..ലലലാ..ലലലലലാ..ലലാ...
അഹാ..അഹാ..അഹാഹാ..ഉം...ഉം...

ഉള്ളില്‍ തിരതല്ലും മോദത്തോടെത്തും
പാരാകെ പ്രേക്ഷകര്‍ നിരനിരയായ്..
നാഥാധി നാഥനായ് വാഴുമെന്നീശനായ്..
ഉണര്‍വോടേകുന്നെന്‍ ഉള്‍തടം ഞാന്‍..
പൈതലാം യേശുവേ..
ഉമ്മവെച്ചുമ്മവെച്ചുണര്‍ത്തിയ..
ആട്ടിടയര്‍ ഉന്നതരേ..
നിങ്ങള്‍ തന്‍ ഹൃത്തില്‍ യേശുനാഥന്‍ പിറന്നു..
ലലലാ..ലലലാ..ലലലലലാ..ലലാ...
അഹാ..അഹാ..അഹാഹാ..ഉം...ഉം...

3)ദൈവം പിറക്കുന്നു മനുഷ്യനായി ബെത്‌ലഹേമിൽ.
മഞ്ഞുപെയ്യുന്ന മലമടക്കിൽ ..ഹല്ലേലൂയാ..ഹല്ലേലൂയാ
മണ്ണിലും വിണ്ണിലും മന്ദഹാസം പെയ്യും മധുരമനോഹരഗാനം..
ഹല്ലേലൂയാ..ഹല്ലേലൂയാ... ( ദൈവം പിറക്കുന്നു )

പാതിരാവിൻ മഞ്ഞേറ്റീറനായ് ..പാരിന്റെ നാഥൻ പിറക്കുകയായ് (2)
പാടിയാര്‍ക്കൂ വീണമീട്ടൂ..ദൈവത്തിൻ ദാസരെ ഒന്നു ചേരൂ (2)
(ദൈവം പിറക്കുന്നു )

പകലോനു മുൻപേ പിതാവിന്റെ ഹൃത്തിലെ ശ്രീയേകസൂനുവാമുദയസൂര്യൻ (2)
പ്രാഭവപൂര്‍ണ്ണനായ് ഉയരുന്നിതാ പ്രതാപമോടിന്നേശുനാഥൻ (2)

(ദൈവം പിറക്കുന്നു )

4)കാനായിലെ കല്യാണനാളില്‍
കല്‍ഭരണിയിലെ വെള്ളം മുന്തിരിനീരായ്
വിസ്മയത്തില്‍ മുഴുകി ലോകമിന്ന്
മഹിമകാട്ടി യേശുനാഥന്‍

കാലികള്‍ മേയും പുല്‍ത്തൊഴുത്തില്‍
മര്‍ത്ത്യനായ് ജന്മമേകി ഈശന്‍
മെഴുതിരിനാളം പോലെയെന്നും
വെളിച്ചമേകി ജഗത്തിനിന്നും
അഹാ ഞാനെത്ര ഭാഗ്യവാന്‍
യേശുവെന്‍ ജീവനേ

ഊമനെ സൗഖ്യമാക്കിയിടയന്‍
അന്ധനു കാഴ്ചയേകി നാഥന്‍
പാരിതില്‍ സ്നേഹസൂനം വിതറി
കാല്‍വരിയില്‍ നാഥന്‍ പാദമിടറി
അഹാ ഞാനെത്ര ഭാഗ്യവാന്‍
യേശുവെന്‍ ജീവനേ

5)പൊന്നൊളിയില്‍ കല്ലറ മിന്നുന്നു
മഹിമയോടെ നാഥനുയിര്‍ക്കുന്നു
മുറിവുകളാല്‍ മൂടിയ മേനിയിതാ
നിറമോലും പ്രഭയില്‍ മുഴുകുന്നു.....(പൊന്നൊളി...)
തിരുശിരസ്സില്‍ മുള്‍മുടി ചൂടിയവന്‍
സുരഭിലമാം പൂങ്കതിരണിയുന്നു
കണ്ണീരില്‍ മുങ്ങിയ നയനങ്ങള്‍
കനകം പോല്‍ വിങ്ങി വിളങ്ങുന്നു....(2)....പൊന്നൊളി...
പുകപൊങ്ങും മരണത്താഴ്വരയില്‍
പുതുജീവന്‍ പൂന്തളിരണിയുന്നു
മാനവരും സ്വര്‍ഗ്ഗനിവാസികളും
വിജയാനന്ദത്തില്‍ മുഴുകുന്നു....(2)....പൊന്നൊളി...

ammukuttiyammeyyyyyyyyy