ആറുകാലത്തില്‍ ഒരു ഗാനം

Guest

കരയിലേക്ക് ഒരു കടല്‍ ദൂരം എന്ന പുതിയ ചിത്രത്തില്‍ ആറു കാലങ്ങളിലൂടെ സഞ്ചരിക്കുന്ന ഗാനം. ഈ സംഗീത വിസ്മയം രണ്ട് മിനിറ്റില്‍ ഒരുക്കിയത് എം. ജയചന്ദ്രന്‍.

ഗുരു ദേവരാജന്‍ മാസ്റ്ററുടെ മനസ്സിലെ എക്കാലത്തേയും വലിയ മോഹമായിരുന്നു ഷഡ്കാലത്തില്‍ ഒരു പാട്ട്. കരയിലേക്കൊരു കടല്‍ദൂരത്തിലെ ഗാനം എന്റെ ഗുരുവിന്റെ ആഗ്രഹപൂര്‍ത്തീകരണം കൂടിയാണ്. ജയചന്ദ്രന്‍ പറഞ്ഞു.

രസികപ്രിയ രാഗത്തില്‍ സഞ്ചരിക്കുന്ന ഗാനത്തിന്റെ വരികള്‍ ഒ.എന്‍.വി.കുറുപ്പിന്റേത്. ദേവരാജസംഗീതത്തിന്റെ സാഹിത്യമായ ഒ.എന്‍.വി. തന്നെ ജയചന്ദ്രന്റെ ഈണത്തിന് ജീവന്‍ നല്‍കാനെത്തിയെന്നതും പുണ്യമായാണ് ജയചന്ദ്രന്‍ കരുതുന്നത്. ഷഡ്കാല പല്ലവി പാടി മനോഹരമാക്കിയത് മധുബാലകൃഷ്ണനും കെ.എസ്. ചിത്രയും.

ഇരട്ടപ്രണയത്തിന്റെ കഥാസന്ദര്‍ഭത്തില്‍ മഹാഭാരതമുഹൂര്‍ത്തങ്ങള്‍ ഒരു ഫാന്റസി പോലെയാണ് ചിത്രത്തില്‍ കടന്നു വരുന്നത്. ദ്രൌപദിയ്്ക്കും ഹിഡിംബിയ്ക്കും ഇടയിലെ മന:സംഘര്‍ഷങ്ങളുമായി നില്‍ക്കുന്ന ഭീമനിലേയ്ക്കാണ് ഇന്ദ്രജിത്തിന്റെ നായകന്‍ സന്നിവേശിക്കുന്നത്. പ്രണയത്തിന്റെ ഉന്നതമായ ഈ സാന്ദ്രനിമിഷത്തിന്റെ സംഗീതമാണ് ആറുകാലത്തിലൂടെയുള്ള ദ്രുതസഞ്ചാരമായി ജയചന്ദ്രന്‍ ഒരുക്കിയത്.

Forum Boss Location : Dubai

sweet

Forum Boss

yetta

Forum Owner Location : sangeethasangamam

സ്വീറ്റ്

ചിത്രശലഭമേ ചിത്രശലഭമേ
അപ്സരസ്സുകൾ തേടും ചിത്രശലഭമേ നീ
അത്രമേൽ സ്നേഹിച്ചതെന്തിനെന്നെ
ഞാനൊരു കാട്ടുപൂവല്ലേ?
ഘനശ്യാമകാനനം കണിവച്ച പൂവല്ലേ
ചിത്രശലഭമേ...

തരുലതാവൃന്ദമാടും ഇവിടെയെൻ കളിപ്പന്തൽ
വരു! വരു! എന്നു നിന്നെ വിളിച്ചുവോ
ദലമർമ്മരങ്ങൾപോലും മധുരമായാരോ മീട്ടും
ജലതരംഗത്തിൻ ലോലശ്രുതിപോലെ

തരളലളിതമതിലോലം
തനു തഴുകി പവനനനുവേലം
മലർമിഴികളേ മധുമൊഴികളേ
വരു! തളിക നിറയെ-
യരിയൊരമൃതകളഭവുമായ്

എത്രയോ പൂവുകൾ ഹൃദയം നേദിച്ച
ചിത്രശലഭമല്ലേ!
നിനക്കെന്നെ ഇഷ്ടമെന്നെന്തിനോതി
ഇഷ്ടമെന്നെന്തിനോതി?
ചിത്രശലഭമേ...

പുളകിതയാമിനീ സഖികൾ സാക്ഷിയായ്
കളിയരങ്ങിതിലാടിത്തിമിർത്തൂ നാം
മുടിയുലഞ്ഞാടുമൊരു മുളങ്കാടുപോലെ
പീലി വിടർത്തിയ മയിൽ‌പോലെ നൃത്തമാടി ഞാൻ

ഉയിരിലുണരുമൊരു ഗാനം
കളമുരളി ചൊരിയുമൊരു നാദം
ശ്രുതിഭരിതമായ് കരൾ കവരവേ
ഒരു പ്രണയമധുര മദനലഹരിയതിലലിയേ

മറ്റൊരു പൂവിന്റെ മടിയിൽ മയങ്ങിയ
ചിത്രശലഭമല്ലേ!
നിനക്കെന്നെ ഇഷ്ടമെന്നെന്തിനോതി
ഇഷ്ടമെന്നെന്തിനോതി?
ചിത്രശലഭമേ...

Forum Boss

[You must be registered and logged in to see this image.]