പി ജയചന്ദ്രന്‍ഭാവഗായകന്‍

sweetword wrote:

[You must be registered and logged in to see this image.]

Ammu wrote:

26 വര്‍ഷത്തിനുശേഷം ജയചന്ദ്രന്‍ വീണ്ടും നടനാവുന്നു



കൊച്ചി ഇരുപത്താറ് വര്‍ഷത്തിനു ശേഷം ഗായകന്‍ പി. ജയചന്ദ്രന്‍ വീണ്ടും ക്യാമറയ്ക്കു മുന്നിലെത്തി. വി.കെ. പ്രകാശിന്റെ ഏറ്റവും പുതിയ ചിത്രമായ ട്രിവാന്‍ഡ്രം ലോഡ്ജിലാണ് ജയചന്ദ്രന്‍ പുതിയ വേഷം അണിയുന്നത്. എം.ടി. വാസുദേവന്‍ നായരുടെ രചനയില്‍ ഹരിഹരന്‍ സംവിധാനം ചെയ്ത നഖക്ഷതങ്ങളിലാണ് ജയചന്ദ്രന്‍ ഇതിനു മുമ്പ് അഭിനയിച്ചത്.

ബ്യൂട്ടിഫുള്‍ എന്ന സിനിമയുടെ അദ്ഭൂതപൂര്‍വ്വമായ വിജയത്തിനു ശേഷം അതേ ടീം ഒരുക്കുന്ന ട്രിവാന്‍ഡ്രം ലോഡ്ജിലും ജയസൂര്യയും അനൂപ് മേനോനും പ്രധാന വേഷങ്ങളിലെത്തുന്നു. നാരായണനെന്ന സാധാരണക്കാരനായ ഒരു ചായക്കടക്കാരന്റെ വേഷമാണ് ജയചന്ദ്രന്. അടുത്ത സുഹൃത്തായ വി.കെ. പ്രകാശിന്റെ നിര്‍ബന്ധത്തിനു വഴങ്ങിയാണ് അഭിനയിക്കാന്‍ തയ്യാറായതെന്നു ജയചന്ദ്രന്‍ പറഞ്ഞു.

'അഭിനയം വലിയ ഇഷ്ടമുള്ള പരിപാടിയല്ല. വി.കെ.പി. പറഞ്ഞപ്പോള്‍ വന്നു, അഭിനയിച്ചു. പാട്ട് എന്റെ സ്ഥിരം തൊഴിലാണ്. അഭിനയമെന്നു പറഞ്ഞാല്‍ നമുക്കു പറ്റിയ പരിപാടിയല്ല. നല്ല റോളാണെന്നു തോന്നിയതുകൊണ്ടും നല്ല സിനിമയാണെന്നു തോന്നിയതുകൊണ്ടും വി.കെ.പി. നിര്‍ബന്ധിച്ചതുകൊണ്ടും ഈ കഥാപാത്രം ചെയ്യുകയാണ്. ' ജയചന്ദ്രന്‍ പറഞ്ഞു.

ബ്യൂട്ടിഫുളിന്റെ പ്രധാന ലൊക്കേഷനായിരുന്ന ഫോര്‍ട്ട് കൊച്ചിയാണ് പുതിയ സിനിമയുടെയും ലൊക്കേഷന്‍. മൂന്നു ദിവസത്തെ കോള്‍ഷീറ്റാണ് ജയചന്ദ്രന്‍ ട്രിവാന്‍ഡ്രം ലോഡ്ജിനായി നല്‍കിയത്. വിനീതിന്റെ നായകകഥാപാത്രത്തിനു കൂട്ടായി വരുന്ന രസികനായ നമ്പൂതിരിയുടെ വേഷത്തിലാണ് ജയചന്ദ്രന്‍ നഖക്ഷതങ്ങളില്‍ തകര്‍പ്പന്‍ പ്രകടനം കാഴ്ചവച്ചത്.

എന്നാല്‍ അഭിനയത്തെ ഗൗരവമായി കാണാന്‍ ജയചന്ദ്രന്‍ പിന്നീടു തയ്യാറായില്ല. ഒരിടക്കാലത്തെ മൗനത്തിനു ശേഷം ഗാനരംഗത്ത് അതിശക്തമായ തിരിച്ചുവന്ന ജയചന്ദ്രന്‍ അഭിനയരംഗത്തും അതേ മികവ് കാഴ്ചവയ്ക്കുമെന്ന് സംവിധായകന്‍ വി.കെ. പ്രകാശിനു പ്രതീക്ഷയുണ്ട്.

chumma pulliyippo sthiram athinte munnilaaa

daivameee

Best wishes PJ ji

sandeep wrote:

ഗാനമേളയ്ക്ക് ട്രാക്ക് വെച്ച് പാടുന്നവരെ തല്ലണമെന്ന് പി. ജയചന്ദ്രന്‍

കൊച്ചി: ഗാനമേളയ്ക്ക് ട്രാക്ക് വെച്ച് പാടുന്നത് തെറ്റാണെന്നും ഇത്തരക്കാരെ വേദിയില്‍ കയറി തല്ലണമെന്നും ഗായകന്‍ പി. ജയചന്ദ്രന്‍. പ്രസ് ക്ലബ്ബില്‍ 'പുഷ്പാഞ്ജലി പ്രസാദം' എന്ന ഭക്തിഗാന സിഡി പ്രകാശനത്തിനെത്തിയതായിരുന്നു ജയചന്ദ്രന്‍. റിയാലിറ്റി ഷോയ്ക്ക് മികച്ച ഗായകരെ സൃഷ്ടിക്കാന്‍ കഴിയില്ല. റിയാലിറ്റി ഷോയില്‍ പങ്കെടുക്കുന്നവര്‍ക്ക് പിന്നീട് ഗാനമേളകള്‍ നടത്തി പണമുണ്ടാക്കാന്‍ കഴിയും. കൊലവെറി പോലുള്ള ഗാനങ്ങള്‍ക്ക് അല്‍പായുസ്സേ ഉണ്ടാകൂ എന്നും ജയചന്ദ്രന്‍ പറഞ്ഞു.

ഏറെ സമയമെടുത്ത് കമ്പോസ് ചെയ്തിരുന്നതിനാലാണ് പഴയ പാട്ടുകള്‍ പുതിയവയെക്കാള്‍ മെച്ചമായിരിക്കുന്നത്. സംഗീത സംവിധാനത്തില്‍ എ.ആര്‍. റഹ്മാനെക്കാളും പ്രാഗത്ഭ്യം ഇളയരാജയ്ക്കാണെന്നും അദ്ദേഹം പറഞ്ഞു. സംവിധായകന്‍ വി.കെ. പ്രകാശ് നിര്‍ബന്ധിച്ചതുകൊണ്ടാണ് അദ്ദേഹത്തിന്റെ പുതിയ ചിത്രത്തില്‍ അഭിനയിച്ചത്. അഭിനയം തുടര്‍ന്ന് കൊണ്ടുപോകില്ല. ഗായകനായി യാതൊരു അവാര്‍ഡും ആവശ്യമില്ലെന്നും ജനങ്ങളുടെ അംഗീകാരമാണ് ഏറ്റവും വലിയ അവാര്‍ഡെന്നും ജയചന്ദ്രന്‍ പറഞ്ഞു.

പി.എസ്. നമ്പീശനും പി.എന്‍. ശ്രീധരനുമാണ് പുഷ്പാഞ്ജലി പ്രസാദത്തിന്റെ രചന നിര്‍വഹിച്ചത്. പി.കെ. കേശവന്‍ നമ്പൂതിരിയാണ് സംഗീത സംവിധാനം. പ്രസ് ക്ലബ്ബില്‍ നടന്ന ചടങ്ങില്‍ ജയചന്ദ്രന്റെ ഭാര്യ ലളിത, ജി.എസ്. രാധാകൃഷ്ണന് ആദ്യ സി.ഡി. കൈമാറി.