ഓര്‍മ്മപൂക്കള്‍

സരസ്വതീദേവിയുടെ പുരുഷാവതാരമായ സ്വാമി വിടപറഞ്ഞിട്ട് 3 വർഷം ...പ്രണാമം

Ammu wrote:

  മൌനത്തിന്റെ ഇടനാഴികളിലെ ഏതോ ജാലകം പാതി തുറന്ന് ആരോടും മിണ്ടാതെ പൊയ്ക്കളഞ്ഞു ജോണ്‍സന്‍ ! മലയാളിക്ക് സ്നേഹദൂദ് പകരാന്‍ ജോണ്‍സന്‍ എന്ന രാജഹംസം ഇനിയില്ല ,ആ വിരലുകളില്‍ ദൈവം മുത്തമിട്ടിരിക്കുന്നു.മെലഡിയുടെ മാസ്മരിക സ്പര്‍ശമായിരുന്നു ജോണ്‍സന്‍ന്റെ സംഗീതത്തിന്റെ മുഖമുദ്ര .ആയിരം കൈനീട്ടി മലയാളികള്‍ അവയൊക്കെ നെഞ്ചോടു ചേര്‍ക്കുകയും ചെയ്തു .ദേവാങ്കണങ്ങള്‍ക്ക് കയ്യൊഴിയാന്‍ പറ്റാത്ത താരകമാണ് ജോണ്‍സന്‍ മാഷ്‌ .മലയാളിയുടെ പ്രണയത്രെ ഇത്ര മേല്‍ ആര്‍ദ്രമാക്കിയ ഈണങ്ങളുടെ ഈ ഗന്ധര്‍വന് മരണമില്ല .
ഗിത്താറിന്റെ തന്ത്രികളില്‍ ജോണ്‍സന്‍ വിരല്‍ തൊടുമ്പോള്‍ ഹൃദയങ്ങളില്‍ ഒരു കുളിര്‍ മഴയുടെ നനവ്‌ പടര്‍ത്തി പെയ്തു തോര്‍ന്നത് ഏതൊക്കെ രാഗങ്ങള്‍ ആയിരുന്നു . പാടിയത് ആരൊക്കെ ആയിരുന്നു ?പ്രിയ മോഹനം? , മേഖ മല്‍ഹാര്‍? , ശിവ രഞ്ജിനി ?എന്താണ് നഷ്ടമായത് ? …..ആരാണ് കൂടെ ഉള്ളത് ? കിരീടവും ചെങ്കോലും ആരെയാണ് ഏല്പിച്ചത് ?

മലയാള സിനിമാ ഗാനങ്ങളുടെ ഋതുവില്‍ ചിത്രശലഭങ്ങളായി അദ്ധേഹത്തിന്റെ ഓരോ ഗാനവും പറന്നുയര്‍ന്നു എന്നതാണ് സത്യം .1968ല്‍ സുഹൃത്തുക്കളോടൊപ്പം രൂപീകരിച്ച വോയ്‌സ് ഓഫ് ട്രിച്ചൂര്‍ എന്ന സംഗീത ട്രൂപ്പിലൂടെയാണ് ജോണ്‍സണ്‍ ശ്രദ്ധേയനാവുന്നത്. ദേവരാജന്‍ മാസ്റ്ററുടെ ശിഷ്യനായി എഴുപതുകളിലാണ് ജോണ്‍സണ്‍ സിനിമയിലെത്തുന്നത്. 1978ല്‍ ആരവം എന്ന ചിത്രത്തിന് പശ്ചാത്തല സംഗീതം ഒരുക്കിയായിരുന്നു സിനിമയിലേക്കുള്ള വരവറിയിച്ചത്.
മലയാളികള്‍ക്ക് സുകൃതങ്ങളായ നിരവധി ഗാനങ്ങള്‍ ആണ് ഇന്നലെ വീണുടഞ്ഞു പോയ പുള്ളോര്‍ക്കുടത്തില്‍ നിന്നും ഉതിര്‍ന്നു വീണത് …., പാതിരാപ്പുള്ളുണര്‍ന്നു…, നീലരാവില്‍ ഇന്നു നിന്റെ.., മായാ മയൂരം പീലി വിടര്‍ത്തി, തങ്കത്തോണി, അനുരാഗിണി ഇതായെന്‍, ഗോപികേ നിന്‍ വിരല്‍, ഏതോ ജന്മകല്പനയില്‍, ആടിവാ കാറ്റേ, പൂവേണം പൂപ്പടവേണം, മെല്ലെ മെല്ലെ മുഖപടം, ദേവാംഗനങ്ങള്‍, സ്വര്‍ണമുഖിലേ..,ചന്ദനച്ചോലയില്‍ മുങ്ങിനീരാടും,കണ്ണീര്‍ പൂവിന്റെ കവിളില്‍,മധുരം ജീവാമൃത ബിന്ദു, ശ്യാമാംബരം നീളെ , എന്തേ കണ്ണനു കറുപ്പുനിറം, ചൈത്രനിലാവിന്‍ പൊന്‍പീലിയില്‍…, ദേവീ.. ആത്മരാഗമേകാന്‍..മൗനത്തിന്‍ ഇടനാഴിയില്‍…, ആരോടും മിണ്ടാതെ മിഴികളില്‍ നോക്കാതെ, എന്റെ മണ്‍വീണയില്‍, മന്ദാരച്ചെപ്പുണ്ടോ മാണിക്യ…, എന്നിട്ടും നീയെന്നെ അറിഞ്ഞില്ലല്ലോ, ഒന്നുതൊടാനുള്ളില്‍ തീരാമോഹം…, രാജഹംസമേ…,പൊന്നില്‍കുളിച്ചുനിന്നു…, പഞ്ചവര്‍ണ പൈങ്കിളിപ്പെണ്ണേ, പുടമുറിക്കല്യാണം.
മെല്ലെ മെല്ലെ മുഖ പടം നീര്‍ത്തി മരണം വന്നു വിളിച്ചാല്‍ കൂടെ പോയെ പറ്റൂ .പക്ഷെ നിമിഷ വേഗത്തില്‍ ജോണ്‍സന്‍ മാഷും പെയ്തു തോര്‍ന്നു പോയല്ലോ . ദൈവത്തിന്റെ മുന്തിരി തോപ്പുകളില്‍ പദ്മരജനും ഭരതനും ഗിരീഷും ലോഹിയും , ചന്ദന ചോലയില്‍ മുങ്ങി നീരാടാനും , ദേവിക്ക് ആത്മരാഗമെകാനും കൂട്ടുകാരന്‍ വീണ്ടും എത്തിയതിനു സന്തോഷിക്കുന്നുണ്ടാവും ! .
. സ്നേഹഗായകാ കാത്തിരിക്കുന്നു ഞങ്ങള്‍ ഒരു ഗന്ധര്‍വനെപോലെ ഒരിക്കല്‍ കൂടി ഭൂമിയിലേക്ക് ഇറങ്ങി വരൂ …….
ജോണ്‍സന്‍ മാസ്റെറിന്  ആദരം      

ജോണ്‍സണ്‍ മാസ്റ്റര്‍- ഓര്‍മ്മയിലൊരു കണ്ണീര്‍പൂവ്‌

രാജീവ്ഗാന്ധിയുടെ ജ്വലിക്കുന്ന ഓര്‍മ്മകള്‍ക്ക് മുന്നില്‍ പ്രണാമം.

രാധിക തിലക് വിടവാങ്ങിയിട്ട് ഒരാണ്ട്...പ്രണാമം...

ആ വശ്യത മാഞ്ഞിട്ട് 20‍ വര്‍ഷം...

നടന തിലകം മാഞ്ഞിട്ട് നാല് വര്‍ഷം.!

തിലകന്‍ ചേട്ടന്‍റെ ഓര്‍മ്മകള്‍ക്ക് മുന്നില്‍ ശതകോടി പ്രണാമം.!

മലയാളത്തിന്റെ എക്കാലത്തെയും പ്രിയ സംവിധായകൻ പത്മരാജൻ ഓർമ്മയായിട്ട് 26 വര്ഷം....
പ്രിയ സംവിധായകനു പ്രണാമം

മരിക്കാത്ത ഓർമകൾക്ക് ഇന്നേക്ക് ഒരു വയസ് ..

[You must be registered and logged in to see this image.]

മലയാളത്തിന്റെ ഹാസ്യ റാണിക്ക് പ്രണാമം