സ്പെഷ്യല്
പൊടിമീന് ഉലര്ത്തിയത്
ആവശ്യമുള്ള സാധനങ്ങള്
1. പൊടിമീന് - അരക്കിലോ
മഞ്ഞള്പ്പൊടി - അരടീസ്പൂണ്
മുളകുപൊടി - ഒരു ടീസ്പൂണ്
ഉപ്പ് - പാകത്തിന്
2. കടുക് - ഒരു ടീസ്പൂണ്
ഉലുവ - അരടീസ്പൂണ്
3. സവാള നീളത്തില് അരിഞ്ഞത് - ഒന്ന്
4. പച്ചമുളക് നീളത്തില് അരിഞ്ഞത് - മൂന്നെണ്ണം
ഇഞ്ചി, വെളുത്തുള്ളി പേസ്റ്റ് - ഒരു ടീസ്പൂണ്
5. കറിവേപ്പില- രണ്ട് തണ്ട്
6. തക്കാളി നീളത്തില് അരിഞ്ഞത് - രണ്ടെണ്ണം
7. പുളിവെള്ളം - രണ്ട് ടീസ്പൂണ്
8. ഉപ്പ്, എണ്ണ - പാകത്തിന്
തയാറാക്കുന്ന വിധം
വൃത്തിയാക്കിയ പൊടിമീനില് മഞ്ഞള്പ്പൊടി, മുളകുപൊടി, ഉപ്പ് എന്നിവ ചേര്ത്ത് അരമണിക്കൂര് വയ്ക്കുക. ശേഷം എണ്ണയില് വറുത്തുകോരുക.
പാനില് എണ്ണയൊഴിച്ച് കടുക്, ഉലുവ എന്നിവ പൊട്ടിക്കുക. ഇതിലേക്ക് സവാള വഴറ്റുക പച്ചമുളക്, ഇഞ്ചി- വെളുത്തുള്ളി പേസ്റ്റും ചേര്ത്ത് മൂപ്പിക്കുക. കറിവേപ്പില ചേര്ക്കുക. തക്കാളിയും പുളിവെള്ളവും ചേര്ത്തിളക്കി തിളപ്പിക്കുക. അല്പനേരം ചെറുതീയില് ഇരുന്നശേഷം വറുത്തുവച്ച പൊടിമീന് ചേര്ത്തിളക്കുക. ഗ്രേവി കട്ടിയാകുമ്പോള് വാങ്ങാം.
പൊടിമീന് തിളപ്പിച്ചത്ആവശ്യമുള്ള സാധനങ്ങള്
പൊടിമീന് - കാല്കിലോ
പച്ചക്കുരുമുളക് അരച്ചത് - രണ്ട് ടേബിള്സ്പൂണ്
പച്ചമുളക് രണ്ടായി കീറിയത് - രണ്ടെണ്ണം
ഉപ്പ്, എണ്ണ - പാകത്തിന്
തയാറാക്കുന്ന വിധം
പൊടിമീന് വൃത്തിയാക്കിയശേഷം പച്ചമുളകും കുരുമുളകും ഉപ്പും ചേര്ത്ത് അല്പം വെള്ളമൊഴിച്ച് വേവിക്കുക. കുറുകിയ ചാറായിരിക്കണം. വെന്തശേഷം വെളിച്ചെണ്ണ തൂവി വിളമ്പാം.
പൊടിമീന് മാങ്ങാപ്പീരആവശ്യമുള്ള സാധനങ്ങള്
1. പൊടിമീന് വൃത്തിയാക്കിയത് - അരക്കിലോ
2. പച്ചമാങ്ങ തൊലിചെത്തി നീളത്തില് അരിഞ്ഞത് - ഒന്ന്
3. ചുവന്നുള്ളി - നാലെണ്ണം
തേങ്ങ ചിരവിയത് - ഒരു കപ്പ്
4. മഞ്ഞള്പ്പൊടി - അരടീസ്പൂണ്
മുളകുപൊടി - ഒരു ടീസ്പൂണ്
5. കാന്താരിമുളക് - ആറെണ്ണം
6. കറിവേപ്പില - രണ്ട് തണ്ട്
7. എണ്ണ, ഉപ്പ്, വെള്ളം - പാകത്തിന്
തയാറാക്കുന്ന വിധം
ചട്ടിയില് അല്പം എണ്ണയൊഴിച്ച് മാങ്ങ, കാന്താരിമുളക്, മഞ്ഞള്പ്പൊടി, മുളകുപൊടി, കറിവേപ്പില, ഉപ്പ് എന്നിവ പാകത്തിന് വെള്ളമൊഴിച്ച് വേവിക്കുക. ചുവന്നുള്ളിയും തേങ്ങയും ഒന്നിച്ച് ഒതുക്കിയെടുത്ത് വെന്ത മാങ്ങായോടൊപ്പം ചേര്ക്കുക. അരപ്പ് തിളയ്ക്കുമ്പോള് പൊടിമീന് ചേര്ത്ത് അല്പനേരം അടച്ചുവയ്ക്കുക. ശേഷം വാങ്ങി ചൂട് ചോറിനൊപ്പം വിളമ്പാം.
പൊടിമീന് ഫ്രൈആവശ്യമുള്ള സാധനങ്ങള്
1. പൊടിമീന് വൃത്തിയാക്കിയത് - കാല്ക്കിലോ
2. മൈദ - അരക്കപ്പ്
3. കോണ്ഫ്ളോര് - കാല്ക്കപ്പ്
4. കുരുമുളകുപൊടി - ഒരു ടീസ്പൂണ്
5. ഉപ്പ്, എണ്ണ, വെള്ളം - പാകത്തിന്
തയാറാക്കുന്നവിധം
മൈദയും കോണ്ഫ്ളോറും ഒന്നിച്ച് കലക്കുക. ഇതിലേക്ക് കുരുമുളകുപൊടി, ഉപ്പ് ചേര്ത്തിളക്കുക. മീന് ഇതില് മുക്കി എണ്ണയില് വറുത്തെടുക്കാം.
ചെമ്മീന് മസാല1. ചെമ്മീന് വൃത്തിയാക്കിയത് - കാല്ക്കിലോ
2. ഇഞ്ചി നീളത്തില് അരിഞ്ഞത് - ചെറിയ കഷണം
പച്ചമുളക് നീളത്തില് അരിഞ്ഞത് - മൂന്നെണ്ണം
3. സവാള നാലായി മുറിച്ചത് - രണ്ടെണ്ണം
തക്കാളി ചെറുതായി അരിഞ്ഞത് - രണ്ടെണ്ണം
4. മുളകുപൊടി - ഒരു ടീസ്പൂണ്
മല്ലിയില അരിഞ്ഞത് - ഒരു ടീസ്പൂണ്
5. ഉപ്പ്, എണ്ണ - പാകത്തിന്
6. പഞ്ചസാര - അരടീസ്പൂണ്
നാരങ്ങാനീര് - രണ്ട് ടീസ്പൂണ്
ഗരംമസാല - അരടീസ്പൂണ്
7. കടുക് - ഒരു ടീസ്പൂണ്
തയാറാക്കുന്നവിധം
പാനില് എണ്ണയൊഴിച്ച് കടുക് പൊട്ടിക്കുക. ഇതിലേക്ക് ഇഞ്ചി, പച്ചമുളക് വഴറ്റുക. സവാളയും തക്കാളിയും വഴറ്റുക. വഴന്നുവരുമ്പോള് മുളകുപൊടി, മല്ലിയില, ഉപ്പ്, പഞ്ചസാര, നാരങ്ങാനീര് എന്നിവ എണ്ണ തെളിയുന്നതുവരെ വഴറ്റുക. ഇതിലേക്ക് ചെമ്മീന് പാകത്തിന് വെള്ളമൊഴിച്ച് വേവിക്കുക. വെന്തശേഷം മുകളിലായി ഗരംമസാല തൂവുക. ശേഷം വിളമ്പാം.
ചെമ്മീന് പൊരിച്ചത്ആവശ്യമുള്ള സാധനങ്ങള്
1. ചെമ്മീന് - പത്തെണ്ണം
2. ഇഞ്ചി, വെളുത്തുള്ളി അരച്ചത് - ഒരു ടീസ്പൂണ്
നാരങ്ങാനീര് - ഒരു ടീസ്പൂണ്
ഉപ്പ് - പാകത്തിന്
3. റവ - 50 ഗ്രാം
4. എണ്ണ - പാകത്തിന്
തയാറാക്കുന്നവിധം
ചെമ്മീനില് ഇഞ്ചി - വെളുത്തുള്ളി അരച്ചത്, നാരങ്ങാനീര്, ഉപ്പ് എന്നിവ പുരട്ടി അരമണിക്കൂര് വയ്ക്കുക. ശേഷം ചെമ്മീന് റവയില് മുക്കി ചൂടായ എണ്ണയില് വറുത്തെടുക്കുക.
ചെമ്മീന് മുളകും പുളിയും
ആവശ്യമുള്ള സാധനങ്ങള്
1. വൃത്തിയാക്കിയ ചെമ്മീന് - അരക്കിലോ
2. പച്ചമുളക് ചതച്ചത് - ആറെണ്ണം
ഇഞ്ചി ചതച്ചത് - ചെറിയ കഷണം
ചുവന്നുള്ളി നീളത്തില് അരിഞ്ഞത് - അരക്കപ്പ്
3. മഞ്ഞള്പ്പൊടി - അരടീസ്പൂണ്
മുളകുപൊടി - ഒരു ടീസ്പൂണ്
4. കുടംപുളി ഉപ്പിട്ട് ചൂടുവെള്ളത്തില്
കുതിര്ത്തത് - 4 ചുള
5. കറിവേപ്പില - രണ്ട് തണ്ട്
6. ഉപ്പ്, എണ്ണ - പാകത്തിന്
തയാറാക്കുന്നവിധം
പാനില് എണ്ണയൊഴിച്ച് പച്ചമുളക്, ഇഞ്ചി, ചുവന്നുള്ളി, കറിവേപ്പില എന്നിവ വഴറ്റുക. ഇതിലേക്ക് മഞ്ഞള്പ്പൊടിയും മുളകുപൊടിയും ഇട്ട്മൂപ്പിക്കുക. ഇതിലേക്ക് കുടംപുളി, കുതിര്ത്ത വെള്ളത്തോടൊപ്പം ചേര്ക്കുക. തിളച്ചശേഷം ചെമ്മീനിട്ട് വേവിച്ച് വാങ്ങാം.
പനഞ്ഞില് ഉലര്ത്തിയത്ആവശ്യമുള്ള സാധനങ്ങള്
പനഞ്ഞില് - 100 ഗ്രാം
ഇഞ്ചി (പൊടിയായി അരിഞ്ഞത്) - ഇടത്തരം കഷണം
വെളുത്തുള്ളി (നീളത്തില് അരിഞ്ഞത്) - 10 അല്ലി
പച്ചമുളക് (നീളത്തില് അരിഞ്ഞത്) - 5 എണ്ണം
ചുവന്നുള്ളി (നീളത്തില് അരിഞ്ഞത്) - അര കപ്പ്
മുളകുപൊടി - ഒന്നര ടീസ്പൂണ്
മഞ്ഞള്പൊടി - അര കപ്പ്
ഗരം മസാല - ഒരു ടീസ്പൂണ്
കുരുമുളകുപൊടി - അര ടീസ്പൂണ്
ഉപ്പ്, എണ്ണ - പാകത്തിന്
തയാറാക്കുന്നവിധം
പാനില് എണ്ണയൊഴിച്ച് ചുവന്നുള്ളി, ഇഞ്ചി, പച്ചമുളക്, വെളുത്തുള്ളി, ചുവന്നുള്ളി എന്നിവ വഴറ്റുക. ഇതിലേക്ക് മുളകുപൊടി, മഞ്ഞള്പൊടി, ഗരംമസാല, കുരുമുളകുപൊടി ചേര്ത്തിളക്കുക. പനഞ്ഞില് ചേര്ത്ത് ചെറുതീയില് മൂടിവച്ച് വേവിക്കുക. വെന്ത ശേഷം പാകത്തിന് എണ്ണയൊഴിച്ച് ഉലര്ത്തിയെടുക്കുക.
മത്തി മുക്കി വറുത്തത്ആവശ്യമുള്ള സാധനങ്ങള്
1. മത്തി - കാല്ക്കിലോ
2. മുളകുപൊടി - ഒരു ടീസ്പൂണ്
മഞ്ഞള്പ്പൊടി - അരടീസ്പൂണ്
കുരുമുളകുപൊടി - അരടീസ്പൂണ്
3. മൈദ - ഒരു കപ്പ്
4. ഉപ്പ്, എണ്ണ, വെള്ളം - പാകത്തിന്
തയാറാക്കുന്ന വിധം
മത്തി കഴുകി വൃത്തിയാക്കി വരയുക. മുളകുപൊടി, മഞ്ഞള്പ്പൊടി, കുരുമുളകുപൊടി, ഉപ്പ് എന്നിവ മീനില് പുരട്ടി അല്പനേരം വയ്ക്കുക. മൈദയില് പാകത്തിന് വെള്ളം ചേര്ത്ത് നീട്ടി കലക്കി മത്തി അതില് മുക്കി വറുത്തെടുക്കുക.
മത്തി പൊള്ളിച്ചത്ആവശ്യമുള്ള സാധനങ്ങള്
1. നെയ്യുള്ള മത്തി - അരക്കിലോ
2. തക്കാളി ദശ - അരക്കപ്പ്
കുരുമുളകുപൊടി - ഒരു ടീസ്പൂണ്
ചുവന്നുള്ളി - അരക്കപ്പ്
പെരുഞ്ചീരകം - ഒരു ടീസ്പൂണ്
വെളുത്തുള്ളി - അഞ്ച് അല്ലി
മുളകുപൊടി - ഒരു ടീസ്പൂണ്
മഞ്ഞള്പ്പൊടി - അരടീസ്പൂണ്
ഉപ്പ് - പാകത്തിന്
3. വാഴയില ചതുരത്തില് മുറിച്ചത് - ഒന്ന്
തയാറാക്കുന്നവിധം
നെയ്യുള്ള മത്തി കഴുകി വൃത്തിയാക്കി വരയുക. തക്കാളിദശ, കുരുമുളകുപൊടി, ചുവന്നുള്ളി, പെരുഞ്ചീരകം, വെളുത്തുള്ളി, മുളകുപൊടി, മഞ്ഞള്പ്പൊടി, ഉപ്പ് എന്നിവ വെള്ളമൊഴിക്കാതെ മിക്സിയില് തരുതരുപ്പായി അരയ്ക്കുക. ഇത് മീനില്പുരട്ടി വാഴയിലയില് പൊതിഞ്ഞ് പാനില്വച്ച് പൊള്ളിച്ചെടുക്കുക.
കുരുമുളക് മത്തിആവശ്യമുള്ള സാധനങ്ങള്
1. മത്തി വൃത്തിയാക്കിയത് - അരക്കിലോ
2. ഇഞ്ചി - വലിയ കഷണം
വെളുത്തുള്ളി - 10 ചുള
പെരുഞ്ചീരകം - ഒരു ടീസ്പൂണ്
കടുക് - ഒരു ടീസ്പൂണ്
പച്ചക്കുരുമുളക്/ ഉണക്കക്കുരുമുളക് - ഒരു ടീസ്പൂണ്
മുളകുപൊടി - ഒന്നരടീസ്പൂണ്
മഞ്ഞള്പ്പൊടി
- അരടീസ്പൂണ്
3. അരി - രണ്ട് ടേബിള്സ്പൂണ്
4. ഉപ്പ്, എണ്ണ - പാകത്തിന്
തയാറാക്കുന്നവിധം
മത്തി കഴുകി വൃത്തിയാക്കി വരയുക. ഇഞ്ചി, വെളുത്തുള്ളി, പെരുഞ്ചീരകം, കടുക്, പച്ചക്കുരുമുളക്, മുളകുപൊടി, ഉപ്പ്, മഞ്ഞള്പ്പൊടി എന്നിവ ഒരുമിച്ച് മിക്സിയില് അരയ്ക്കുക. ഈ അരപ്പ് മീനില് പുരട്ടി അല്പനേരം വയ്ക്കുക. എണ്ണ ചൂടാകുമ്പോള് മീനോടൊപ്പം അരി ചേര്ത്ത് വറുത്തെടുക്കുക.
കൂണ്കറി
ആവശ്യമുള്ള സാധനങ്ങള്
ഇടത്തരം കഷണങ്ങളാക്കിയ കൂണ് മഞ്ഞള്വെള്ളത്തില് കലക്കിയത് - ഒരു കപ്പ്
ഇടത്തരം കഷണങ്ങളാക്കിയ സവാള - ഒന്ന്
വറ്റല്മുളക് - മൂന്നെണ്ണം
മഞ്ഞള്പ്പൊടി - അരടീസ്പൂണ്
മുളകുപൊടി - ഒരു ടീസ്പൂണ്
മല്ലിപ്പൊടി - ഒരു ടീസ്പൂണ്
തേങ്ങാപ്പാല് - അരക്കപ്പ്
കടുക് - ഒരു ടീസ്പൂണ്
കറിവേപ്പില - രണ്ട് തണ്ട്
ഉപ്പ്, എണ്ണ - പാകത്തിന്
തയാറാക്കുന്നവിധം
പാനില് എണ്ണയൊഴിച്ച് കടുക് പൊട്ടിക്കുക. ഇതിലേക്ക് വറ്റല്മുളകും കറിവേപ്പിലയും മൂപ്പിക്കുക. മഞ്ഞള്പ്പൊടി, മുളകുപൊടി, മല്ലിപ്പൊടി എന്നിവ ചേര്ത്തിളക്കുക. കൂണും സവാളയും ഇതിലേക്ക് ചേര്ത്ത് വഴറ്റുക. തേങ്ങാപ്പാലും ഉപ്പും ചേര്ത്തിളക്കുക. തിളച്ചശേഷം വാങ്ങി ചൂട് ചോറിനൊപ്പം വിളമ്പാം.
കൂണ് ഉലര്ത്തിയത്ആവശ്യമുള്ള സാധനങ്ങള്
1. കഷണങ്ങളാക്കി മുറിച്ച കൂണ് മഞ്ഞള്പ്പൊടി കലക്കിയ വെള്ളത്തില് ഇട്ടത് - ഒരു കപ്പ്
2. ഇഞ്ചി - ചെറിയ കഷണം
പച്ചമുളക് - ആറെണ്ണം
വെളുത്തുള്ളി - ഏഴ് ചുള
(എല്ലാം കൂടി ഒന്നിച്ച് അരയ്ക്കുക)
3. മുളകുപൊടി - ഒരു ടീസ്പൂണ്
മഞ്ഞള്പൊടി - അരടീസ്പൂണ്
ഗരംമസാല - ഒരു ടീസ്പൂണ്
കുരുമുളകുപൊടി - അരടീസ്പൂണ്
4. സവാള ഇടത്തരം കഷണങ്ങളാക്കിയത് - ഒന്ന് വലുത്
5. തക്കാളി ഇടത്തരം കഷണങ്ങളാക്കിയത് - രണ്ട് വലുത്
6. ഉപ്പ്, എണ്ണ - പാകത്തിന്
7. കറിവേപ്പില - ആവശ്യത്തിന്
തയാറാക്കുന്നവിധം
പാനില് എണ്ണയൊഴിച്ച് ഇഞ്ചി, പച്ചമുളക്, വെളുത്തുള്ളി എന്നിവ അരച്ചത് വഴറ്റുക. ഇതിലേക്ക് മുളകുപൊടി, മഞ്ഞള്പൊടി, ഗരംമസാല, കുരുമുളകുപൊടി എന്നിവ ചേര്ത്തിളക്കുക. സവാള ചേര്ത്ത് വഴറ്റുക. തക്കാളിയും ഉപ്പും ചേര്ത്തിളക്കി അരപ്പ് തിളച്ചുവരുമ്പോള് കൂണ് ചേര്ത്ത് അല്പനേരംചെറുതീയില് വയ്ക്കുക. വെള്ളം വലിഞ്ഞ് ഗ്രേവി നല്ല കട്ടിയായി വരുമ്പോള് വാങ്ങാം.