Easy Lunchbox Dishes
കുട്ടികള്ക്ക് സ്കൂളില് കൊടുത്തുവിടാന് ഉച്ചഭക്ഷണവിഭവങ്ങള് എളുപ്പത്തിലുണ്ടാക്കാം
വെജിറ്റബിള് പുലാവ്
ആവശ്യമുള്ള സാധനങ്ങള്
ബസുമതി അരി - 1/2 കപ്പ്
ബീന്സ് ചെറുതായി അരിഞ്ഞത് - 4 എണ്ണം
തക്കാളി (ചെറുതായി അരിയുക) - 1 എണ്ണം
കുരുമുളക് - 10 എണ്ണം
ഏലയ്ക്ക - 5 എണ്ണം
നെയ്യ് - 4 ടീസ്പൂണ്
മഞ്ഞള് - ഒരു നുള്ള്
ഗ്രീന്പീസ് - 20 എണ്ണം
കാരറ്റ് (ഗ്രേറ്റ് ചെയ്യുക) - ഒരെണ്ണം
ഉരുളക്കിഴങ്ങ് (ചെറുതായി അരിയുക) - 1 എണ്ണം
സവാള (കൊത്തിയരിയുക) - 1 എണ്ണം
കറുവാപ്പട്ട - 1 കഷണം
ഗ്രാമ്പൂ - 5 എണ്ണം
വെള്ളം - 1 കപ്പ്
ഉപ്പ് - പാകത്തിന്
തയാറാക്കുന്നവിധം
കുക്കറില് നെയ്യ് ചൂടാക്കി സവാള മൂപ്പിക്കുക. കുരുമുളക്, ഏലയ്ക്ക, കറുവാപ്പട്ട, ഗ്രാമ്പൂ എന്നിവ ചേര്ത്ത് ഗ്രീന്പീസ്, ബീന്സ്, കാരറ്റ്, തക്കാളി, ഉരുളക്കിഴങ്ങ് എന്നിവ ഇട്ട് വഴറ്റുക. അതില് വെള്ളമൊഴിച്ച് തിളപ്പിച്ചശേഷം അരി കഴുകിയിടുക. ഉപ്പ് ചേര്ക്കുക. ചെറുതീയില് വെള്ളം വറ്റി വേവുന്നതുവരെ വേവിച്ചെടുക്കുക.
കാരറ്റ് സാന്ഡ്വിച്ച്
ആവശ്യമുള്ള സാധനങ്ങള്
ബ്രഡ് - നാല് കഷണം
കാരറ്റ് ഗ്രേറ്റ് ചെയ്തത് - കാല്കപ്പ്
പഞ്ചസാര - അരടീസ്പൂണ്
ഒലിവ്ഓയില് - അരടേബിള്സ്പൂണ്
വിനാഗിരി - അരടീസ്പൂണ്
കുരുമുളകുപൊടി - പാകത്തിന്
ഉപ്പ് - പാകത്തിന്
ബട്ടര് - ഒരു ടേബിള്സ്പൂണ്
തയാറാക്കുന്നവിധം
ബ്രഡില് ബട്ടര് പുരട്ടുക. ബാക്കി ചേരുവയെല്ലാം ഒന്നിച്ചാക്കി ബ്രഡിനു മുകളില് പുരട്ടി മറ്റൊരു ബ്രഡുകൊണ്ട് അടച്ച് വശങ്ങള് മുറിച്ചുനീക്കി ഇഷ്ടമുള്ള ആകൃതിയില് മുറിച്ച് വിളമ്പാം.
പാസ്ത
ആവശ്യമുള്ള സാധനങ്ങള്
പാസ്ത വേവിച്ചത് - 100 ഗ്രാം
സണ്ഫ്ളവര് ഓയില് - ഒരു ടേബിള്സ്പൂണ്
വെളുത്തുള്ളി - 2 ടീസ്പൂണ്
കുരുമുളകുപൊടി- അരടീസ്പൂണ്
ഒറിഗാനോ - ഒരു നുള്ള്
ഫ്രഷ് ക്രീം- ഒരു ടിന്
ഉപ്പ് - പാകത്തിന്
ചീസ് - 100 ഗ്രാം
ബട്ടര് - ഒരു ടേബിള്സ്പൂണ്
ചിക്കണ് സ്റ്റോക്ക് - ഒരു കപ്പ് (ആവശ്യമെങ്കില്)
തയാറാക്കുന്നവിധം
പാന് ചൂടാകുമ്പോള് എണ്ണ ചേര്ത്ത് ഫ്രഷ് ക്രീം, വെളുത്തുള്ളി, കുരുമുളകുപൊടി, ഒറിഗാനോ, ചിക്കന് സ്റ്റോക്ക് എന്നിവ തിളപ്പിക്കുക. ഉപ്പുചേര്ത്ത് ഇളക്കുക. സോസ് കട്ടിയാകുന്നതിന് ചീസ് ചേര്ക്കുക. വേവിച്ച പാസ്ത ചേര്ത്തിളക്കി ബട്ടറും കുരുമുളകുപൊടിയും ചേര്ത്ത് ഉപയോഗിക്കുക.
വെജിറ്റബിള് ചപ്പാത്തി
ആവശ്യമുള്ള സാധനങ്ങള്
ചപ്പാത്തി - 2 എണ്ണം
ഉരുളക്കിഴങ്ങ് - ഒരെണ്ണം (ചെറുതായി അരിയുക)
കാരറ്റ് - ഒരെണ്ണം (ഗ്രേറ്റ് ചെയ്തത്)
ബീന്സ് - 4 എണ്ണം (ചെരിച്ച് അരിയുക)
കോളിഫ്ളവര് - അരക്കപ്പ് (ചെറിയ ഇതളുകളായി അടര്ത്തുക)
സവാള - ഒരെണ്ണം (അരിയുക)
വെളുത്തുള്ളി - 4 അല്ലി
മല്ലിപ്പൊടി - ഒരു ടേബിള്സ്പൂണ്
മുളകുപൊടി - അരടീസ്പൂൂണ്
കുരുമുളകുപൊടി - ഒരു ടീസ്പൂണ്
ഗരംമസാല - ഒരു ടീസ്പൂണ്
മഞ്ഞള്പ്പൊടി - ഒരു നുള്ള്
എണ്ണ - ഒരു ടേബിള്സ്പൂണ്
തയാറാക്കുന്നവിധം
പച്ചക്കറികള് ആവിയില് വേവിച്ചെടുക്കുക. എണ്ണ ചൂടാകുമ്പോള് സവാളയും വെളുത്തുള്ളിയും വഴറ്റി പൊടികള് മൂപ്പിക്കുക. വെന്ത പച്ചക്കറികള് ചേര്ത്ത് ചൂടാക്കി വെള്ളമയം മാറുമ്പോള് തീ നിര്ത്തുക. ചപ്പാത്തിയില് ഈ വെജിറ്റബിള് ഫില്ലിങ്വച്ച് ചുരുട്ടുക.
മസാല മക്രോണി
ആവശ്യമുള്ള സാധനങ്ങള്
മക്രോണി - രണ്ടു കപ്പ് (വെള്ളത്തില് വേവിച്ച് വെള്ളം ഊറ്റിക്കളയുക)
പച്ചക്കറികള് - കാരറ്റ്, ബീന്സ് (അരിയുക) - ഒരു കപ്പ്
സവാള - ഒരെണ്ണം
തക്കാളി - രണ്ടെണ്ണം (അരിയുക)
മുളകുപൊടി - അരടീസ്പൂണ്
ടുമാറ്റോ സോസ് - അരടേബിള്സ്പൂണ്
ചില്ലിസോസ് - അരടീസ്പൂണ്
കുരുമുളകുപൊടി - അരടീസ്പൂണ്
എണ്ണ - രണ്ടു ടേബിള്സ്പൂണ്
ഉപ്പ് - പാകത്തിന്
തയാറാക്കുന്നവിധം
ഒരു പാനില് എണ്ണ ചൂടാക്കി സവാള, വെളുത്തുള്ളി വഴറ്റുക. പച്ചക്കറികള് അരിഞ്ഞത് ഇടുക. തക്കാളി ചേര്ക്കുക. മക്രോണി, കുരുമുളകുപൊടി, സോസ് ചില്ലി ചേര്ക്കുക. മുട്ട വേവിച്ച് ഭംഗിയായി മുറിച്ച് അലങ്കരിക്കാം.
മത്തങ്ങ പൂരി
ആവശ്യമുള്ള സാധനങ്ങള്
പച്ചനിറമുള്ള മത്തങ്ങ - ഒരു കിലോ
ഉലുവ - കാല് ടീസ്പൂണ്
ജീരകം - കാല് ടീസ്പൂണ്
കായപ്പൊടി - കാല് ടീസ്പൂണ്
മുളകുപൊടി - ഒരു ടീസ്പൂണ്
മഞ്ഞള്പ്പൊടി - കാല്ടീസ്പൂണ്
ഉപ്പ് - പാകത്തിന്
വറ്റല്മുളക് - രണ്ടെണ്ണം
റിഫന്റ് ഓയില് - ഒരു ടേബിള്സ്പൂണ്
തയാറാക്കുന്നവിധം
പ്രഷര്കുക്കറില് എണ്ണയൊഴിച്ച് ചൂടാക്കി, ഉലുവ, ജീരകം, കായപ്പൊടി, മുളകുപൊടി, മഞ്ഞള്പ്പൊടി, വറ്റല്മുളക്, മത്തങ്ങ, ഉപ്പ് ഇവ ചേര്ത്ത് (വെള്ളം ചേര്ക്കാതെ) വേവിക്കുക. വെന്തശേഷം ഗോതമ്പുപൊടി ചേര്ത്ത് കുഴച്ച് പൂരി തയാറാക്കുക. തൈരോ അച്ചാറോ കൂട്ടി ഉപയോഗിക്കാം.
സ്റ്റഫ്ഡ് പറോട്ട
ആവശ്യമുള്ള സാധനങ്ങള്
ഗോതമ്പ്മാവ് - അരക്കിലോ
സവാള - ഒരെണ്ണം (ചെറുതായരിയുക)
ഉരുളക്കിഴങ്ങ് - അരക്കിലോ (പുഴുങ്ങി തൊലികളഞ്ഞ് ഉടച്ചുവയ്ക്കുക)
ഡാല്ഡ - ഇരുനൂറ് മില്ലി
കുരുമുളകുപൊടി - കാല്ടീസ്പൂണ്
മുളകുപൊടി - കാല്ടീസ്പൂണ്
ഗരംമസാല - കാല്ടീസ്പൂണ്
പച്ചമുളക് - രണ്ടെണ്ണം (ചെറുതായരിയുക)
ഇഞ്ചി - ഒരു ചെറിയ കഷണം
ജീരകം - കാല്ടീസ്പൂണ്
മല്ലിയില - ഒരു പിടി
ഉപ്പ് - പാകത്തിന്
തയാറാക്കുന്നവിധം
ഗോതമ്പുമാവ് ഡാല്ഡ, ഉപ്പ് ചേര്ത്ത് കുഴയ്ക്കുക. ചൂടായ എണ്ണയില് സവാള, പച്ചമുളക്, ഇഞ്ചി എന്നിവ വഴറ്റി ഗരംമസാല, കുരുമുളകുപൊടി, മുളകുപൊടി, ഉപ്പ് ചേര്ക്കുക. ഉടച്ച ഉരുളക്കിഴങ്ങ്ചേര്ത്ത് യോജിപ്പിക്കുക. ഗോതമ്പ്മാവ് ചപ്പാത്തിവലുപ്പത്തില് പരത്തുക. നെയ്മയം പുരട്ടി ഉരുളക്കിഴങ്ങുകൂട്ട് വച്ചശേഷം മുകളില് മറ്റൊരു ചപ്പാത്തിവച്ച് അരിക് ഫോര്ക്കുകൊണ്ട് അമര്ത്തി ഒട്ടിക്കുക. ഡാല്ഡ തടവിയ ദോശക്കല്ലിലിട്ട് ചട്നിയോടൊപ്പം വിളമ്പാം.
ഇഡ്ഡലി പീറ്റ്സ
ആവശ്യമുള്ള സാധനങ്ങള്
ഉഴുന്ന് (കുതിര്ത്ത്) - ഒരു കപ്പ്
റവ - ഒരു കപ്പ്
വെള്ളം - 2 കപ്പ്
തക്കാളി നീളത്തിലരിഞ്ഞത് - 2 എണ്ണം
കാപ്സിക്കം നീളത്തിലരിഞ്ഞത്-2 എണ്ണം
ചീസ് ഗ്രേറ്റ് ചെയ്തത് - 1 കപ്പ്
ഉപ്പ് - പാകത്തിന്
തയാറാക്കുന്നവിധം
ഉഴുന്ന് വെള്ളം ചേര്ത്തരയ്ക്കുക. ഇതിലേക്ക് റവയും ഉപ്പും ചേര്ത്ത് ഒരു രാത്രി പുളിക്കാന് വയ്ക്കുക. മാവ് പരന്ന പാത്രത്തിലൊഴിച്ച് അഞ്ചുമിനിറ്റ് ആവികയറ്റുക. പകുതിവെന്ത മാവിന്റെ മുകളില് ചീസ്, തക്കാളി, കാപ്സിക്കം എന്നിവ വിതറുക. ശേഷം പത്തുമിനിറ്റ് വീണ്ടും ആവിയില് വയ്ക്കുക. മുറിച്ച് വിളമ്പാം.
ചില്ലി പറോട്ട
ആവശ്യമുള്ള സാധനങ്ങള്
പറോട്ട കഷണങ്ങളാക്കിയത് - രണ്ട് കപ്പ്
ഇഞ്ചി അരിഞ്ഞത് - കാല്ടീസ്പൂണ്
വെളുത്തുള്ളി അരിഞ്ഞത് - കാല്ടീസ്പൂണ്
അണ്ടിപ്പരിപ്പ് അരച്ചത് - നാല് ടീസ്പൂണ്
കായം - ഒരു നുള്ള്
തക്കാളി - രണ്ടെണ്ണം
മല്ലിപ്പൊടി - ഒരു ടീസ്പൂണ്
മുളകുപൊടി - ഒരു ടീസ്പൂണ്
മഞ്ഞള്പ്പൊടി - കാല്ടീസ്പൂണ്
സവാള - രണ്ടെണ്ണം (കൊത്തിയരിയുക)
പച്ചമുളക് - രണ്ടെണ്ണം (ചെറുതായരിയുക)
മല്ലിയില അരിഞ്ഞത് - (രണ്ട് ടീസ്പൂണ്)
വെളിച്ചെണ്ണ - കാല്കപ്പ്
അജിനോമോട്ടോ -
ഗരംമസാല - കാല്ടീസ്പൂണ്
തയാറാക്കുന്നവിധം
ഇഞ്ചി, കായം, തക്കാളി, വെളുത്തുള്ളി, അണ്ടിപ്പരിപ്പ് എന്നിവ ഒന്നിച്ചരച്ച് ചൂടായ എണ്ണയില് വഴറ്റുക. മുളകുപൊടി, മല്ലിപ്പൊടി, മഞ്ഞള്പ്പൊടി ചേര്ക്കുക. ചീനച്ചട്ടിയില് എണ്ണ ചൂടാക്കി പൊറോട്ട വഴറ്റി കോരുക. സവാള, പച്ചമുളക്, ഗരംമസാല, മല്ലിയില വഴറ്റുക. ഗ്രേവി, പൊറോട്ട, ഉപ്പ്, സവാളക്കൂട്ട് ചേര്ത്തിളക്കുക. തൈര് സാലഡിനൊപ്പം വിളമ്പാം.
ബര്ഗര്
ആവശ്യമുള്ള സാധനങ്ങള്
ടിന്നില് കിട്ടുന്ന മഷ്റൂം - 1 കപ്പ്
ചുവന്നുള്ളി - 4 അല്ലി (ചതയ്ക്കുക)
വെളുത്തുള്ളി - 2 ടേബിള്സ്പൂണ് (ചതയ്ക്കുക)
ഇഞ്ചി - 1 1/2 ടേബിള് സ്പൂണ് (ചെറുതായി അരിയുക)
മുളകുപൊടി - 1 ടീസ്പൂണ്
മൈദ - 1/2 കപ്പ്
ബണ് - 4 എണ്ണം
എണ്ണ, ഉപ്പ് - പാകത്തിന്
സാലഡ് കുക്കുമ്പര് സ്ളൈസ് - 4 എണ്ണം
തക്കാളി വട്ടത്തിലരിഞ്ഞത് - 4 എണ്ണം
തയാറാക്കുന്നവിധം
മഷ്റൂം, ചുവന്നുള്ളി, വെളുത്തുള്ളി ചതച്ചത്, മല്ലിയില, ഇഞ്ചി ചെറുതായി അരിഞ്ഞത്, മുളകുപൊടി എന്നിവ ചേര്ത്ത് കട്ലറ്റിന്റെ ഷേപ്പില് പരത്തുക. മൈദയും ഉപ്പും ഒരുമിച്ചിളക്കുക. കട്ലറ്റ് മൈദപ്പൊടിയില് ഉരുട്ടിയെടുക്കുക. ഇത് ചൂടായ എണ്ണയില് വറുത്തെടുക്കുക. ബണ്ണിന്റെ ഉള്ളില് ഈ കട്ലറ്റ് വയ്ക്കുക. സാലഡ് കുക്കുമ്പര്, തക്കാളി ഇവ വട്ടത്തില് മുറിച്ചതുവച്ച് ടുമാറ്റോ സോസിനൊപ്പം വിളമ്പാവുന്നതാണ്.
ആലൂ പൊറോട്ട
ഗോതമ്പുപൊടി - ഒരു കപ്പ്
ഉരുളക്കിഴങ്ങ് - രണ്ടെണ്ണം (പുഴുങ്ങി പൊടിക്കുക)
മുളകുപൊടി - കാല്ടീസ്പൂണ്
കുരുമുളകുപൊടി - കാല്ടീസ്പൂണ്
ഗരംമസാല - അരടീസ്പൂണ്
ഉപ്പ് - പാകത്തിന്
വെള്ളം - പാകത്തിന്
തയാറാക്കുന്നവിധം
ഗോതമ്പുപൊടി ഉപ്പും വെള്ളവും ചേര്ത്ത് കുഴയ്ക്കുക. ഉരുളക്കിഴങ്ങ്, മുളകുപൊടി, ഉപ്പ്, ഗരംമസാല ചേര്ത്തിളക്കി ഉരുളകളാക്കുക. ഗോതമ്പുമാവ് ഉരുട്ടി പപ്പടത്തിന്റെ വട്ടത്തില് കട്ടിയില് പരത്തുക. ഉരുളക്കിഴങ്ങ് ഉരുള നടുക്കുവച്ച് മാവ് അടയ്ക്കുക. പരത്തി തവയില് നെയ് പുരട്ടി ചുട്ടെടുക്കുക.
സേമിയാ ഉപ്പുമാവ്
ആവശ്യമുള്ള സാധനങ്ങള്
സേമിയ ചെറുതായി മുറിച്ചത് - മൂന്ന് കപ്പ്
തേങ്ങ ചിരവിയത് - രണ്ട് ടേബിള്സ്പൂണ്
സവാള - രണ്ടെണ്ണം (നീളത്തിലരിയുക)
പച്ചമുളക് - രണ്ടെണ്ണം (വട്ടത്തിലരിയുക)
ഇഞ്ചി - ഒരു ചെറിയ കഷണം
വറ്റല്മുളക് - രണ്ടെണ്ണം (നീളത്തിലരിയുക)
കടുക് - ഒരു ടീസ്പൂണ്
കറിവേപ്പില - രണ്ടു കതിര്
ഉപ്പ് - പാകത്തിന്
ഡാല്ഡ - രണ്ട് ടേബിള്സ്പൂണ്
തയാറാക്കുന്നവിധം
സേമിയ ചുമക്കുന്നതുവരെ ചൂടാക്കി വറുക്കുക. ഡാല്ഡ ചൂടാകുമ്പോള് കടുക് പൊട്ടിച്ച് സവാള, പച്ചമുളക്, ഇഞ്ചി, പച്ചമുളക് എന്നിവ വഴറ്റുക. ഉപ്പും വെള്ളവും, ഒഴിച്ച് സേമിയ വേവിക്കുക. വെന്ത സേമിയ, വഴറ്റിയതിലേക്ക് ചേര്ത്തിളക്കുക. തേങ്ങ ചിരവിയത് വിതറി തേങ്ങാ ചട്നിക്കൊപ്പം കഴിക്കാം.
എഗ്ഗ് പുലാവ്
ആവശ്യമുള്ള സാധനങ്ങള്
ബിരിയാണിഅരി - ഒരു കപ്പ്
ഗ്രാമ്പൂ, പട്ട, ഏലയ്ക്ക, (ചതച്ചത്) - രണ്ടെണ്ണം വീതം
മുട്ട - രണ്ടെണ്ണം (അടിച്ചുവയ്ക്കുക)
വലിയ സവാള - ഒന്ന് (നീളത്തില് അരിയുക)
ഉണക്കമുളക് - ഒന്ന്
പച്ചമുളക്- -- ഒന്ന്
ഇഞ്ചി - ഒരു കഷണം
വെളുത്തുള്ളി- രണ്ടല്ലി
പെരുംജീരകം - അരടീസ്പൂണ് (ഇവ ഒരുമിച്ചരയ്ക്കുക)
നാരങ്ങാനീര് - പകുതി നാരങ്ങയുടേത്
പുതിനയില - ഒരു പിടി
ഉപ്പ് - പാകത്തിന്
നെയ്യ് - രണ്ട് ടേബിള്സ്പൂണ്
തയാറാക്കുന്നവിധം
വെള്ളം തിളയ്ക്കുമ്പോള് ഗ്രാമ്പൂ, പട്ട, ഏലയ്ക്ക, മഞ്ഞള്പ്പൊടി ചേര്ത്ത് അരി ഇട്ട് വേവിക്കുക. ഉപ്പ് ചേര്ത്ത് വാങ്ങി വെള്ളം ഊറ്റിക്കളയുക. ചൂടായ നെയ്യില് സവാള വറുത്തുകോരുക. ഉണക്കമുളക്, പച്ചമുളക്, ഇഞ്ചി, വെളുത്തുള്ളി, പെരുംജീരകം ഇവ അരച്ചതു ചേര്ക്കുക. മൂത്തശേഷം മുട്ട ചേര്ത്ത് ചിക്കി പൊരിക്കുക. ചോറ് ചേര്ത്തിളക്കുക. നാരങ്ങാനീര്, പുതിനയില ചേര്ക്കുക. ആവശ്യമെങ്കില് ഉപ്പിടുക. റൈയ്ത്ത പപ്പടം എന്നിവയോടൊപ്പം വിളമ്പാം.
സ്പ്രിങ്റോള്
ആവശ്യമുള്ള സാധനങ്ങള്
കോഴിയിറച്ചി - ഒന്നരക്കിലോ
കാപ്സിക്കം ചെറുതായി അരിഞ്ഞത് - 100 ഗ്രാം
സവാള കൊത്തിയരിഞ്ഞത് - 250 ഗ്രാം
കാരറ്റ് ചെറുതായി ചുരണ്ടിയെടുത്തത് - 150 ഗ്രാം
ബീന്സ് കനംകുറച്ചരിഞ്ഞത് - 150 ഗ്രാം
പാല് - അരലിറ്റര്
മൈദ - ഒരു കിലോ
മുട്ട - 5 എണ്ണം
വെളുത്തുള്ളി - 6 അല്ലി
ഇഞ്ചി - ഒരു കഷണം
റൊട്ടിപ്പൊടി - അരക്കിലോ
ഉപ്പ്, വിനാഗിരി എണ്ണ - പാകത്തിന്
തയാറാക്കുന്നവിധം
ഇറച്ചി ഉപ്പും വിനാഗിരിയും ചേര്ത്ത് വേവിക്കുക. വെന്ത ഇറച്ചി എല്ലുനീക്കി ചെറുതായി പിച്ചിക്കീറിയെടുക്കുക. എണ്ണ ചൂടാകുമ്പോള് ഇഞ്ചി, വെളുത്തുള്ളി പേസ്റ്റ് എന്നിവ വഴറ്റുക. ശേഷം ഇറച്ചി ചേര്ത്ത് വഴറ്റുക. പാല്, മൈദ, മുട്ട, ഉപ്പ് എന്നിവ ഒരുമിച്ച് കട്ടയില്ലാതെ ഇളക്കുക. ഈ മാവ് കനംകുറച്ച് ദോശപോലെ കനംകുറച്ച് മൂടിവച്ച് ചുട്ടെടുക്കുക. മറിച്ചിടേണ്ട. തയാറാക്കിയ ഇറച്ചിക്കൂട്ട് കുറച്ച് വീതം ഉള്ളില്വച്ച് ഇത് ഉരുട്ടി അറ്റം മൈദ കുറുക്കിയതുകൊണ്ട് ഒട്ടിക്കുക. മുട്ട അടിച്ചതില് മുക്കി റൊട്ടിപ്പൊടിയില് ഉരുട്ടി എണ്ണയില് വറുത്തെടുക്കുക. സോസിനൊപ്പം വിളമ്പാം.
ഓട്സ് ഇഡ്ഡലി
ആവശ്യമുള്ള സാധനങ്ങള്
ഓട്സ് - ഒരു കപ്പ് (കുതിര്ക്കുക)
ഉഴുന്ന് - കാല്കപ്പ് (കുതിര്ത്തതിനു ശേഷം അരയ്ക്കുക)
കുരുമുളക് - അരടീസ്പൂണ്
ജീരകം - അരടീസ്പൂണ്
ഇഞ്ചി - ഒരു ചെറിയ കഷണം
ഉപ്പ് - പാകത്തിന്
നല്ലെണ്ണ - ഒരു ടേബിള് സ്പൂണ്
തയാറാക്കുന്നവിധം
ഉഴുന്ന് അരച്ചത്, ഓട്സ് ചേര്ത്ത് കുഴയ്ക്കുക. കുരുമുളക്, ജീരകം, ഇഞ്ചി അരച്ചതു ചേര്ക്കുക. ഉപ്പു ചേര്ത്ത് രണ്ടുമണിക്കൂര് പൊങ്ങാന് വയ്ക്കുക. നല്ലെണ്ണ പുരട്ടിയ ഇഡ്ഡലിത്തട്ടില് മാവ് കോരിയൊഴിച്ച് വേവിച്ചെടുക്കുക. തേങ്ങാച്ചമ്മന്തിക്കൊപ്പം വിളമ്പാം.
ഫ്യൂസിലി പാസ്ത
ആവശ്യമുള്ള സാധനങ്ങള്
ഫ്യൂസിലി പാസ്ത - നൂറ് ഗ്രാം (വെള്ളം തിളപ്പിച്ച് പാസ്ത ഇട്ട് വേവിക്കുക. വാങ്ങാന് നേരം ഒരു ടീസ്പൂണ് റിഫൈന്റ് ഓയിലും പാകത്തിന് ഉപ്പും ചേര്ത്ത് വെള്ളം ഊറ്റിക്കളയുക)
ടുമാറ്റോ സോസ് - നൂറ്റമ്പത് മില്ലി
വെളുത്തുള്ളി - രണ്ട് ടീസ്പൂണ് (വട്ടത്തിലരിയുക)
തക്കാളി - രണ്ടെണ്ണം (ചെറുതായരിയുക)
മഷ്റൂം - ഒരു ടേബിള്സ്പൂണ്
സേസില് - കാല്ടീസ്പൂണ്
ഒറിഗാനോ - കാല് ടീസ്പൂണ്
കുരുമുളകുപൊടി - കാല് ടീസ്പൂണ്
റിഫൈന്റ് ഓയില് - ഒരു ടേബിള്സ്പൂണ്
ഉപ്പ് - പാകത്തിന്
തയാറാക്കുന്നവിധം
ചൂടായ എണ്ണയില് വെളുത്തുള്ളി, മഷ്റൂം, സേസില്, ഒറിഗാനോ ചേര്ക്കുക. തക്കാളി, ടുമാറ്റോസോസ് ചേര്ത്ത് തിളപ്പിക്കുക. പാസ്ത ചേര്ത്തിളക്കുക. ഫ്യൂസിലി പാസ്ത തയാര്.
Home 
Publications 
Calendar
ath ithra valya sambhavamaaano
chechi. ethu njan 
nokkum
easy aanu 
nettooranyetta