ശുഷ്‌കിക്കുന്ന ഗാനശാഖ !!

Binu wrote:

ippozhathe Malayalam pattukalude raagamokke chodichal chutty pokum....
innale swthayum bhamayum anannyayum koodi mic nte munnil ninnum amaranunnathu kettu....

ivalumaraokke paadan thininjirangiyaal pinne eeswaranmarkku polum rakshapeduthan kazhiyilla....
ithinokke valam vechu kodukkunnathu aa gopisundarum

kaanunna kuttichooline vechu polum paattu padippikkuvaa...

    

Binu wrote:

ippozhathe Malayalam pattukalude raagamokke chodichal chutty pokum....
innale swthayum bhamayum anannyayum koodi mic nte munnil ninnum amaranunnathu kettu....

ivalumaraokke paadan thininjirangiyaal pinne eeswaranmarkku polum rakshapeduthan kazhiyilla....
ithinokke valam vechu kodukkunnathu aa gopisundarum

kaanunna kuttichooline vechu polum paattu padippikkuvaa...

sathyam  

ee gopi sunder food vallathum kazhikkunnundo avoo  ethrayaa movies...koodathe abhinayavum   

sandeep wrote:

Binu wrote:

ippozhathe Malayalam pattukalude raagamokke chodichal chutty pokum....
innale swthayum bhamayum anannyayum koodi mic nte munnil ninnum amaranunnathu kettu....

ivalumaraokke paadan thininjirangiyaal pinne eeswaranmarkku polum rakshapeduthan kazhiyilla....
ithinokke valam vechu kodukkunnathu aa gopisundarum

kaanunna kuttichooline vechu polum paattu padippikkuvaa...

sathyam  

ee gopi sunder food vallathum kazhikkunnundo avoo  ethrayaa movies...koodathe abhinayavum   

              

Binu wrote:

ippozhathe Malayalam pattukalude raagamokke chodichal chutty pokum....
innale swthayum bhamayum anannyayum koodi mic nte munnil ninnum amaranunnathu kettu....

ivalumaraokke paadan thininjirangiyaal pinne eeswaranmarkku polum rakshapeduthan kazhiyilla....
ithinokke valam vechu kodukkunnathu aa gopisundarum

kaanunna kuttichooline vechu polum paattu padippikkuvaa...

lyrics anu elizbhath

പച്ച മഞ്ഞ ചുവപ്പു വര്‍ണ്ണ കോലുമിഠായെനിക്കു തഞ്ചത്തില്‍ കിട്ടി കിട്ടി കിട്ടി
നോക്കി നോക്കി കൊതിച്ച നേരം പൂപ്പടക്കം എനിക്കു നെഞ്ചത്തില്‍ പൊട്ടി പൊട്ടി പൊട്ടി

balamuralee wrote:

Binu wrote:

ippozhathe Malayalam pattukalude raagamokke chodichal chutty pokum....
innale swthayum bhamayum anannyayum koodi mic nte munnil ninnum amaranunnathu kettu....

ivalumaraokke paadan thininjirangiyaal pinne eeswaranmarkku polum rakshapeduthan kazhiyilla....
ithinokke valam vechu kodukkunnathu aa gopisundarum

kaanunna kuttichooline vechu polum paattu padippikkuvaa...

lyrics anu elizbhath

പച്ച മഞ്ഞ ചുവപ്പു വര്‍ണ്ണ കോലുമിഠായെനിക്കു തഞ്ചത്തില്‍ കിട്ടി കിട്ടി കിട്ടി
നോക്കി നോക്കി കൊതിച്ച നേരം പൂപ്പടക്കം എനിക്കു നെഞ്ചത്തില്‍ പൊട്ടി പൊട്ടി പൊട്ടി

ethu kollamallo
kitty kitty kitty
potty potty potty
     

       ananya,swtha,bhama,meghna

ഉമ്മന്‍ചാണ്ടിയെ കൊണ്ട് പാട്ട് പാടിക്കാന്‍ ഗോപി സുന്ദര്‍  

മുഖ്യമന്ത്രി ഉമ്മന്‍ചാണ്ടിയെ കൊണ്ട് പാട്ട് പാടിക്കാന്‍ ആഗ്രഹമുണ്ടെന്ന് സംഗീത സംവിധായകന്‍ ഗോപി സുന്ദര്‍. ഉമ്മന്‍ചാണ്ടിയുടേത് വളരെ വ്യത്യസ്‌തമായ ശബ്‌ദമാണെന്നും ഗോപി സുന്ദര്‍ പറഞ്ഞു. സംഗീതദിനത്തില്‍ ഏഷ്യാനെറ്റ് ന്യൂസിന്റെ എന്റര്‍ടെയ്‌ന്‍മെന്റ് ന്യൂസില്‍ അതിഥിയായി പങ്കെടുത്തപ്പോഴാണ് ഗോപി സുന്ദര്‍ ഇക്കാര്യം പറഞ്ഞത്.

സംഗീത സംവിധായകന്‍ എന്ന നിലയില്‍ ഉമ്മന്‍ചാണ്ടി സാറിന്റെ വോയിസ് എനിക്ക് ഭയങ്കര ഇഷ്‌ടമാണ്. വളരെ വ്യത്യസ്‌തമായ ശബ്‌ദമാണ്. ചില പ്രത്യേക ഗാനങ്ങള്‍ക്ക് വളരെ യോജിക്കും. ഒരു വ്യക്തിയെന്ന നിലയില്‍ തനിക്ക് ഇക്കാര്യം അദ്ദേഹത്തോട് പറയാന്‍ ധൈര്യമില്ലെന്നും ഗോപി സുന്ദര്‍ പറഞ്ഞു.

ഒരു സംഗീതസംവിധായകന്‍ എന്ന നിലയില്‍ ഏതൊരു ശബ്ദം കേട്ടാലും ഒരു കൗതുകം തോന്നും.  ഉമ്മന്‍ചാണ്ടി സാറിന്റെ ശബ്ദം വളരെ ആകര്‍ഷണമുള്ളതായി എനിക്ക് തോന്നിയിട്ടുണ്ട്. അദ്ദേഹം സമ്മതിക്കുകയാണെങ്കില്‍ തീര്‍ച്ചയായും ഒരു പാട്ട് ഞാന്‍ പാടിക്കും. പക്ഷേ ഒരിക്കലുമത് സിനിമാ പാട്ടോ റൊമാന്റിക് ഗാനമോ ആയിരിക്കില്ല. ലോകമെമ്പാടുമുള്ള മലയാളികള്‍ക്ക് എന്നും മനസ്സിലിട്ട് താലോലിക്കാന്‍ പറ്റുന്ന ഗാനമായിരിക്കണം ഉമ്മന്‍ചാണ്ടി സാര്‍ പാടുന്നത്. നാലുപേര്‍ക്കെങ്കിലും ആ പാട്ട് കേട്ട് മനസ്സില്‍ നന്മ എന്ന ചിന്ത മനസ്സിലുണ്ടാകണം ഒരു സാമൂഹ്യ ദൗത്യം ഉള്ള പാട്ടായിരിക്കണം എന്നും ആഗ്രഹമുണ്ട് - ഗോപി സുന്ദര്‍ പറഞ്ഞു.

ഉമ്മന്‍ചാണ്ടി സാറിനെ കാണുകയാണെങ്കില്‍ തീര്‍ച്ചയായും ഇക്കാര്യം പറയും. ഞാന്‍ ശരാശരി പ്രേക്ഷകനാണ്. വ്യത്യസ്ത പാട്ടുകള്‍ കേള്‍ക്കണമെന്ന് ആഗ്രഹമുണ്ട്. അദ്ദേഹത്തിന്റെ  ശബ്‌ദത്തിന് വ്യത്യസ്ത ടോണുണ്ട്. അതിനാല്‍ത്തന്നെ അദ്ദേഹത്തിന്റെ ശബ്ദം കൊണ്ട് വ്യത്യസ്ത മ്യൂസിക് കൊണ്ടുവരാനാകുമെന്ന് വിശ്വാസമുണ്ട് - ഗോപി സുന്ദര്‍ പറഞ്ഞു.

    

sandeep wrote:

ഉമ്മന്‍ചാണ്ടിയെ കൊണ്ട് പാട്ട് പാടിക്കാന്‍ ഗോപി സുന്ദര്‍  

മുഖ്യമന്ത്രി ഉമ്മന്‍ചാണ്ടിയെ കൊണ്ട് പാട്ട് പാടിക്കാന്‍ ആഗ്രഹമുണ്ടെന്ന് സംഗീത സംവിധായകന്‍ ഗോപി സുന്ദര്‍. ഉമ്മന്‍ചാണ്ടിയുടേത് വളരെ വ്യത്യസ്‌തമായ ശബ്‌ദമാണെന്നും ഗോപി സുന്ദര്‍ പറഞ്ഞു. സംഗീതദിനത്തില്‍ ഏഷ്യാനെറ്റ് ന്യൂസിന്റെ എന്റര്‍ടെയ്‌ന്‍മെന്റ് ന്യൂസില്‍ അതിഥിയായി പങ്കെടുത്തപ്പോഴാണ് ഗോപി സുന്ദര്‍ ഇക്കാര്യം പറഞ്ഞത്.

സംഗീത സംവിധായകന്‍ എന്ന നിലയില്‍ ഉമ്മന്‍ചാണ്ടി സാറിന്റെ വോയിസ് എനിക്ക് ഭയങ്കര ഇഷ്‌ടമാണ്. വളരെ വ്യത്യസ്‌തമായ ശബ്‌ദമാണ്. ചില പ്രത്യേക ഗാനങ്ങള്‍ക്ക് വളരെ യോജിക്കും. ഒരു വ്യക്തിയെന്ന നിലയില്‍ തനിക്ക് ഇക്കാര്യം അദ്ദേഹത്തോട് പറയാന്‍ ധൈര്യമില്ലെന്നും ഗോപി സുന്ദര്‍ പറഞ്ഞു.

ഒരു സംഗീതസംവിധായകന്‍ എന്ന നിലയില്‍ ഏതൊരു ശബ്ദം കേട്ടാലും ഒരു കൗതുകം തോന്നും.  ഉമ്മന്‍ചാണ്ടി സാറിന്റെ ശബ്ദം വളരെ ആകര്‍ഷണമുള്ളതായി എനിക്ക് തോന്നിയിട്ടുണ്ട്. അദ്ദേഹം സമ്മതിക്കുകയാണെങ്കില്‍ തീര്‍ച്ചയായും ഒരു പാട്ട് ഞാന്‍ പാടിക്കും. പക്ഷേ ഒരിക്കലുമത് സിനിമാ പാട്ടോ റൊമാന്റിക് ഗാനമോ ആയിരിക്കില്ല. ലോകമെമ്പാടുമുള്ള മലയാളികള്‍ക്ക് എന്നും മനസ്സിലിട്ട് താലോലിക്കാന്‍ പറ്റുന്ന ഗാനമായിരിക്കണം ഉമ്മന്‍ചാണ്ടി സാര്‍ പാടുന്നത്. നാലുപേര്‍ക്കെങ്കിലും ആ പാട്ട് കേട്ട് മനസ്സില്‍ നന്മ എന്ന ചിന്ത മനസ്സിലുണ്ടാകണം ഒരു സാമൂഹ്യ ദൗത്യം ഉള്ള പാട്ടായിരിക്കണം എന്നും ആഗ്രഹമുണ്ട് - ഗോപി സുന്ദര്‍ പറഞ്ഞു.

ഉമ്മന്‍ചാണ്ടി സാറിനെ കാണുകയാണെങ്കില്‍ തീര്‍ച്ചയായും ഇക്കാര്യം പറയും. ഞാന്‍ ശരാശരി പ്രേക്ഷകനാണ്. വ്യത്യസ്ത പാട്ടുകള്‍ കേള്‍ക്കണമെന്ന് ആഗ്രഹമുണ്ട്. അദ്ദേഹത്തിന്റെ  ശബ്‌ദത്തിന് വ്യത്യസ്ത ടോണുണ്ട്. അതിനാല്‍ത്തന്നെ അദ്ദേഹത്തിന്റെ ശബ്ദം കൊണ്ട് വ്യത്യസ്ത മ്യൂസിക് കൊണ്ടുവരാനാകുമെന്ന് വിശ്വാസമുണ്ട് - ഗോപി സുന്ദര്‍ പറഞ്ഞു.

    

   

വെളുക്കാന്‍ തേച്ചത്‌ പാണ്ടായി  


ടി.പി. ശാസ്‌തമംഗലം

പുതുതലമുറ കവിതയോട്‌ മുഖംതിരിച്ച്‌ നില്‍ക്കുന്നു എന്നു പറയാനാകുമോ? തീര്‍ച്ചയായും ഇല്ല. അങ്ങനെയായിരുന്നെങ്കില്‍ കാവ്യസമാഹാരങ്ങള്‍ ഒന്നും പ്രസിദ്ധീകൃതമാവുകയില്ലായിരുന്നു. പത്രാധിപന്മാര്‍ വാരികകളില്‍ കവിതയ്‌ക്കു നീക്കിവച്ച പുറങ്ങള്‍ എന്നേ മറ്റെന്തെങ്കിലും പ്രസിദ്ധീകരിക്കാന്‍ ഉപയോഗിച്ചേനെ. കവിയരങ്ങുകള്‍ ഇന്നും സജീവമാണ്‌ എന്നതിന്റെ അര്‍ത്ഥവും മറ്റൊന്നല്ലല്ലോ. യുവകവികള്‍ ധാരാളം പേര്‍ ഇന്ന്‌ കവിതയ്‌ക്കുവേണ്ടി തൂലികയേന്തുന്നുമുണ്ട്‌.
ഇത്‌ ഒരുവശം. എന്നാല്‍ കവിതയുടെ അനുബന്ധമെന്നോ വകഭേദമെന്നോ വിവക്ഷിക്കാവുന്ന ഗാനത്തെ സംബന്ധിച്ചിടത്തോളം ഇപ്പറഞ്ഞത്‌ സത്യമായിബ്‌ഭവിക്കുന്നില്ല. ഗാനത്തില്‍ കവിത ആവശ്യമേയില്ല എന്ന അസന്ദിഗ്‌ദ്ധമായ വാദഗതിയാണ്‌ അക്കൂട്ടര്‍ക്ക്‌. അതിന്റെ പരിണിതഫലമാണ്‌ ഇന്നിറങ്ങുന്ന ഗാനാഭാസങ്ങള്‍. പുട്ടുകുറ്റിയില്‍ മാവുനിറയ്‌ക്കുമ്പോലെ ഗാനത്തില്‍ വാക്കുകള്‍ നിറയ്‌ക്കുന്നു. പുട്ട്‌ എന്ന പലഹാരത്തിന്‌ രുചിയുണ്ട്‌, ഗുണമുണ്ട്‌. ഗാനമാകുന്ന പുട്ട്‌ തീരെ രുച്യമല്ല. രുചികരമല്ലാത്ത ഭക്ഷണം ആരാണ്‌ ഇഷ്‌ടപ്പെടുക?
ഈയിടെ പ്രദര്‍ശനത്തിനു വന്ന 'ലോ പോയിന്റ്‌' എന്ന ചിത്രത്തിലൂടെ മുകളില്‍ പറഞ്ഞ വിധത്തിലുള്ള പുട്ടുണ്ടാക്കി നല്‍കിയിരിക്കുകയാണ്‌ രണ്ടു ഗാനരചയിതാക്കള്‍- സന്തോഷ്‌വര്‍മ്മയും ജോഫി തരകനും. പുട്ടിന്‌ (പിട്ട്‌ എന്നും പറയും) കള്ളം പറഞ്ഞ്‌ ഭയപ്പെടുത്തല്‍, അഹംഭാവത്തോടു കൂടിയുള്ള സംസാരം എന്നൊക്കെ അര്‍ത്ഥമുണ്ട്‌. ഈ രണ്ടു പേരുടെയും ഗാനങ്ങള്‍ പരിശോധിച്ചാല്‍ ഇപ്പോള്‍ പറഞ്ഞ അര്‍ത്ഥമാണ്‌ അവയ്‌ക്ക് കൂടുതല്‍ ഇണങ്ങുക എന്നു കാണാം. മെജോ ജോസഫിന്റെ ഈണവും നജിം അര്‍ഷാദിന്റെ ആലാപനവും സന്തോഷ്‌ വര്‍മ്മയുടെ വരികളും ഉള്‍ക്കൊള്ളുന്ന ഗാനമിങ്ങനെ:
''എവിടെയോ എവിടെയോ മുകിലുപോകുന്നതെവിടെയോ
അലസമായ്‌ ഒഴുകുമീ കുളിരിളം കാറ്റിനലകളില്‍
നിനവുകള്‍ മുകിലു പറയുമോ പൂങ്കാറ്റ്‌ കണ്ടറിയുമോ
ഇടയിലെ ദൂരമലിയുമോ ഈ യാത്രയെങ്ങുവരെയോ
മലയിലും ഹരിതവനിയിലും അതിരിനരികിലും അതിലുമകലെയോ
എവിടെയോ മറവില്‍ എവിടെയോ മറയും പൊരുളിനെ തിരയും നടനമോ''
മേഘം സഞ്ചരിക്കുന്നതു കണ്ട മഹാകവി കാളിദാസന്‌ 'മേഘസന്ദേശം' എന്ന അതുല്യമായ കാവ്യം എഴുതാന്‍ തോന്നി. മലയാളത്തിന്റെ പ്രിയകവി ഒ.എന്‍.വി. കുറുപ്പ്‌ ഒരു ചേതോഹരഗാനത്തിലൂടെ മേഘസഞ്ചാരത്തെ കാവ്യബിംബമാക്കി.
''ശ്യാമമേഘമേ! നീയെന്‍ പ്രേമ
ദൂതുമായ്‌ ദൂരെ പോയ്‌വരൂ!
എന്റെ ദേവി കേഴും ദൂര-
മന്ദിരത്തില്‍ പോയ്‌വരൂ!''
(ചിത്രം- സമയമായില്ലപോലും)
കവിത്വസിദ്ധി തീരെ അനുഗ്രഹിക്കാത്ത സന്തോഷ്‌വര്‍മ്മ മേഘം സഞ്ചരിക്കുന്നതുകണ്ട്‌ അത്‌ എവിടേയ്‌ക്കു പോകുന്നതാണെന്ന്‌ അറിയാതെ അന്തംവിട്ടു നില്‍ക്കുന്നു. കാളിദാസനും ഒ.എന്‍.വി.യും കവികളായതുകൊണ്ട്‌ ഭാവന നെയ്‌തു. അത്തരമൊരു ഭാഗ്യം വന്നുചേരാത്തതുകൊണ്ട്‌ സന്തോഷ്‌വര്‍മ്മ എന്തൊക്കെയോ പുലമ്പുന്നു. ആ പുലമ്പലിന്‌ മെജോ ജോസഫിന്റെ സംഗീതമോ, നജിം അര്‍ഷാദിന്റെ ആലാപനമോ ഗുണമായിത്തീര്‍ന്നില്ല.

അരികെയെന്നാലും അരികെയല്ലാതെ വെറുതെ അനുയാത്ര പോകയോ
കഥപറഞ്ഞാലുമിനിയുമറിയാത്ത കഥകളൊരുപാട്‌ ബാക്കിയോ
മുന്നില്‍ പകല്‍ മിന്നുമ്പോഴും ഉള്ളില്‍ ഇരുള്‍ മൂടുന്നുവോ
നേര്‍രേഖകള്‍ ഏതെങ്കിലും തീരങ്ങളില്‍ ഒന്നാകുമോ''
അരികെയെന്നാലും അരികെയല്ലാത്ത അവസ്‌ഥ വല്ലാത്തതുതന്നെ എന്നേ പറയേണ്ടൂ. സമാന്തര രേഖകള്‍ കൂട്ടിമുട്ടുമോ എന്ന്‌ ചോദിക്കാറുണ്ട്‌. ഇവിടെ രചയിതാവിന്റെ സംശയം ശ്രദ്ധിച്ചോ? നേര്‍രേഖകള്‍ ഏതെങ്കിലും തീരങ്ങളില്‍ ഒന്നാകുമോ? തീരങ്ങളാണോ നേര്‍രേഖകള്‍ ഒന്നാകുന്ന സ്‌ഥലം? ഉള്ളിലുള്ളത്‌ വരികളില്‍ പ്രതിഫലിപ്പിക്കാന്‍ ഗാനരചയിതാവിന്‌ കഴിഞ്ഞിട്ടില്ല. നേര്‍ത്ത ഒരു ചരടില്‍ ആദ്യന്തം കൊരുത്തതുപോലെയാകണം വരികള്‍. ഇവിടെ അങ്ങനെയല്ല. വരികള്‍ പരസ്‌പരം വിഘടിച്ചു നില്‍ക്കുന്നു. ഗാനത്തിന്റെ തുടര്‍ന്നുള്ള ഭാഗംകൂടി ശ്രദ്ധിക്കുക. ആ ചരണം രചയിതാവിന്റെ പരാജയം എത്രത്തോളമെന്ന്‌ കൂടുതല്‍ വ്യക്‌തമാക്കും.
''വെറു ഞൊടിയില്‍ നിറതിങ്കളെ മൂടും മറവു മാഞ്ഞിടാം
സ്വയം മറയുമൊരു തിങ്കളോ തെളിയാന്‍ വൈകിടാം
ചില നിമിഷങ്ങളില്‍ മാനസം തനിയേ വിമുഖമിരുന്നിടാം
ചില ഹൃദയങ്ങള്‍ പരസ്‌പരം അറിയാതറിയും
ഋതുപലതിതുവഴി വന്നുപോയാലുമീ പാതയില്‍''
ഞൊടി എന്താണെന്നറിഞ്ഞിട്ടാണോ ഇവിടെ അത്തരമൊരു പ്രയോഗം രചയിതാവ്‌ നടത്തിയത്‌? ഞൊടിക്കാന്‍ വേണ്ടിവരുന്ന സമയമാണത്‌. എന്തായാലും ഞൊടി നേരംകൊണ്ട്‌ നിറതിങ്കളെ മൂടിയ മറവ്‌ മായുകയില്ല. മനസിന്റെ അവസ്‌ഥ വ്യക്‌തമാക്കാനാണ്‌ രചയിതാവിന്റെ ശ്രമം. പക്ഷേ അതു പാളിപ്പോയി. ഒടുവില്‍ 'ഋതുപലതിതുവഴി വന്നുപോയാലുമീ പാതയില്‍' എന്ന മട്ടിലൊരു ഏച്ചുവച്ച വരിയും കൂടി എഴുതിച്ചേര്‍ത്തിട്ടേ അദ്ദേഹം തൂലിക താഴെ വയ്‌ക്കുന്നുള്ളൂ.
അക്ഷരം നിരത്തല്‍
പ്രണയത്തെ വ്യാഖ്യാനിച്ചവരും അതിനെക്കുറിച്ച്‌ പാടിയവരും എത്രയോയുണ്ട്‌ മലയാളത്തില്‍. ഇതാ ജോഫി തരകന്റെ വക നിരീക്ഷണം. (സംഗീതം- മെജോ ജോസഫ്‌; ആലാപനം- അല ബാലന്‍, കൗശിക്‌, നിവാസ്‌)
''ഒരു മൊഴി മിണ്ടാതെ പ്രണയം
ഒളിമിഴിയൊന്നാകെ പ്രണയം
ഒന്നു കാണാതെയും ഒന്നു കേള്‍ക്കാതെയും
ഒന്നില്‍ ഒന്നായിത്തീരുന്നതീ കൗതുകം
ദൂരെയാകുമ്പോഴും ദൂരം മായുമ്പോഴും
നെഞ്ച്‌ നെഞ്ചോടു ചേരുന്ന സ്വപ്‌നോദയം''
പ്രേമത്തെക്കുറിച്ച്‌ ഇതുവരെ വന്ന പാട്ടുകളില്‍ ഏറ്റവും മോശപ്പെട്ടത്‌ ഇതാണെന്ന്‌ പ്രബുദ്ധരായ വായനക്കാരോട്‌ ഞാന്‍ പറഞ്ഞിട്ടുവേണ്ടല്ലോ നിങ്ങളറിയാന്‍. (പ്രണയാധിഷ്‌ഠിതമായ പാട്ടുകളെക്കുറിച്ച്‌ സൂചിപ്പിക്കണമെന്നുണ്ട്‌. സ്‌ഥലക്കുറവ്‌ നിമിത്തം അതിനു മുതിരുന്നില്ല.) നിശബ്‌ദമായ പ്രണയം എന്താണെന്ന്‌ നമുക്കറിയാം. 'ഒളിമിഴിയൊന്നാകെ പ്രണയം' ഈണത്തിനൊപ്പിച്ച്‌ അക്ഷരം നിരത്തിയതാണെന്നു തീര്‍ച്ച. ആദ്യത്തെ വരിയില്‍ പത്തക്ഷരം. രണ്ടാമത്തേതിലും അത്രതന്നെ. അര്‍ത്ഥമില്ലെങ്കിലെന്ത്‌, അക്ഷരം പത്തില്‍ ഒതുങ്ങിയല്ലോ. ഇങ്ങനെയെഴുതിയ 'കവി'യുടെ മുമ്പില്‍ മറ്റെല്ലാവരും തോറ്റു തൊപ്പിയിട്ടതുതന്നെ!
''വിരിയാന്‍ നേരം ഉഷസ്സിന്റെ തൂവല്‍
വിതറുംപോലാണനുരാഗം
കൊഴിഞ്ഞാല്‍ പിന്നെ നിനവിന്റെ കോണില്‍
കനലായ്‌ നീറും അനുരാഗം
അഴകെഴുമാഴത്തില്‍ തുടങ്ങും
വലിയൊരു കണ്ണീരായ്‌ ഒടുങ്ങും
നോവു തോരാതെയും മോദകമേകാതെയും
നല്ല ജന്മങ്ങള്‍ പാഴാക്കുമീ വിസ്‌മയം
നേരമില്ലാതെയും കാലമോര്‍ക്കാതെയും
പ്രേമമാശിക്കും ആത്മാവ്‌ ഭ്രാന്താലയം''
എഴുതിയെഴുതി കാടുകയറിപ്പോകുന്നു എന്നു പറയാറില്ലേ? അതിന്‌ ഏറ്റവും നല്ല ദൃഷ്‌ടാന്തമാണ്‌ ഈ വരികള്‍. പ്രേമഭംഗ ഗാനങ്ങള്‍ മലയാളത്തില്‍ ധാരാളമുണ്ട്‌. എഴുതിയവരുടെ പ്രതിഭ ശരിക്കും അളക്കാന്‍ പോന്നവ. അക്കൂട്ടത്തിലാണ്‌ ഈ ഗാനവും ചെന്നുചേരുന്നതെന്നോര്‍ക്കണം. ''സന്ന്യാസിനീ നിന്‍ പുണ്യാശ്രമത്തില്‍'' (രാജഹംസം), ''പ്രേമഭിക്ഷുകീ'' (പുനര്‍ജ്‌ജന്മം), ''സുമംഗലീ നീയോര്‍മ്മിക്കുമോ'' (വിവാഹിത) എന്നീ ഗാനങ്ങള്‍ വയലാര്‍ രാമവര്‍മ്മയെയും ''കരയുന്നോ പുഴ ചിരിക്കുന്നോ'' (മുറപ്പെണ്ണ്‌) എന്ന പാട്ട്‌ പി. ഭാസ്‌കരനെയും ''ശ്യാമസുന്ദര പുഷ്‌പമേ'' (യുദ്ധകാണ്ഡം) എന്ന ഗാനം ഒ.എന്‍.വി.യെയും ''മംഗളം നേരുന്നു ഞാന്‍'' (ഹൃദയം ഒരു ക്ഷേത്രം) എന്ന പാട്ട്‌ ശ്രീകുമാരന്‍ തമ്പിയെയും എവിടെ എത്തിച്ചു എന്ന്‌ ചിന്തിക്കുക. ഒപ്പം ഈ അറുബോറന്‍ ഗാനം ജോഫി തരകനെ എവിടെ എത്തിക്കുന്നു എന്നും.

ശരാശരിക്കു താഴെ
കടലിന്റെ പശ്‌ചാത്തലത്തിലുള്ള എത്ര പാട്ടുകളാണ്‌ നാം വെള്ളിത്തിരയില്‍ കേട്ടിട്ടുള്ളത്‌. പുതുതായി അത്തരത്തിലൊരെണ്ണം പിറക്കുമ്പോള്‍ നാം ഏറെ പ്രതീക്ഷ വച്ചുപുലര്‍ത്തും. പക്ഷേ അതുകൊണ്ട്‌ കാര്യമില്ലെന്നു തെളിയിക്കുന്നു 'മോസയിലെ കുതിരമീനുകള്‍' എന്ന ചിത്രം. പി.എസ്‌. റഫീഖ്‌ എന്ന നവാഗതന്‍ എഴുതിയ ഗാനം പ്രശാന്ത്‌ പിള്ളയുടെ സംഗീതത്തില്‍ പ്രീതി പിള്ള പാടിയിരിക്കുന്നു.
''ഐക്‌ബരീസ ഐക്‌ബരീസ ഐക്‌ബരീസ
കടലിന്നോശാ...
ഒരു കരനിന്നും മറുകര പോകും
പൂമീന്‍ പോലെ നിന്റെ ഈസ
കരയിലെത്താതെ വഴിമാഞ്ഞുപോകും
അലയുമോടം ഈസ... ഈസ നിന്റെ ഈസ
ഐക്‌ബരീസ ഐക്‌ബരീസ ഐക്‌ബരീസ
കടലിന്നോശാ...''
തിരുനല്ലൂര്‍ കരുണാകരന്‍ ലളിതഗാനമായി മുമ്പ്‌ എഴുതിയതും 'കാറ്റുവന്നു വിളിച്ചപ്പോള്‍' എന്ന ചിത്രത്തില്‍ ഉള്‍പ്പെടുത്തിയതുമായ ഗാനം ഓര്‍മ്മയില്ലേ? (സംഗീതം- എം.ജി. രാധാകൃഷ്‌ണന്‍, ആലാപനം- കെ.എസ്‌. ചിത്ര.)
'കാറ്റേ നീ വീശരുതിപ്പോള്‍
കാറേ നീ പെയ്യരുതിപ്പോള്‍
ആരോമല്‍ തോണിയിലെന്റെ
ജീവന്റെ ജീവനിരിപ്പൂ''
ഈ വരികള്‍ വളരെ ലളിതം. എങ്കിലും അവ ഉള്‍ക്കൊള്ളുന്ന ആശയത്തിന്‌ കടലോ, കായലോ പോലെ ആഴവും പരപ്പുമുണ്ട്‌. 'മോസയിലെ കുതിരമീനുകള്‍' എന്ന ചിത്രത്തിലെ ഗാനം ഇത്തരത്തില്‍ ആകര്‍ഷകമല്ല. കവിത എഴുതിത്തുടങ്ങുന്ന കൊച്ചുകുട്ടികള്‍ ഇതിനേക്കാള്‍ നല്ല വരികള്‍ സൃഷ്‌ടിക്കും. 'ചെമ്മീനി'ലെ പാട്ടുകള്‍ ഇന്നും നമ്മുടെ മനസിലുണ്ട്‌. വയലാര്‍ രാമവര്‍മ്മ പുറക്കാട്‌ കടപ്പുറത്തുള്ളവരോട്‌ മാത്രമല്ല ആ നോവലെഴുതിയ തകഴി ശിവശങ്കരപ്പിള്ളയോടും പൂര്‍ണ്ണമായും നീതി പുലര്‍ത്തി. അതുകൊണ്ടാണ്‌ 'ചെമ്മീനി'ലെ ഗാനങ്ങള്‍ ഇന്നു പിറന്നതുപോലെ പുതുമയോടെ നാം എന്നും പാടിനടക്കുന്നത്‌. പാട്ടുകളില്‍ വയലാര്‍ സൃഷ്‌ടിച്ച അരയഭാഷ ആരെയാണ്‌ വിസ്‌മയിപ്പിക്കാത്തത്‌? ചലച്ചിത്രത്തില്‍ പാടുന്നത്‌ കവിയല്ല കഥാപാത്രമാണെന്ന യാഥാര്‍ത്ഥ്യം ശരിക്കും ഗ്രഹിച്ച ഗാനരചയിതാവാണ്‌ വയലാര്‍. 'ഐക്‌ബരീസ' എന്നെഴുതിയാല്‍ കടപ്പുറത്തെ ഭാഷയാകുമോ?
''കടല്‍ക്കാറ്റില്‍ തിരക്കോളില്‍ മീനോടും വഴിയെ
വലവീശുമീ വെയിലില്‍
കടല്‍ച്ചാലില്‍ തുഴപ്പാടില്‍ മുരല്‍ തൊട്ട
പറന്നെത്തും മഴപ്പക്കീ
വേളാരം പൂകുവാന്‍ ഇനി കൂടെ വാ
ചെറുചുണ്ടിന്‍ തുമ്പിലെ കാണാപ്പൊന്നു താ
വിറവാല്‍ തൂവല്‍ക്കിളിയേ
ഐക്‌ബരീസ ഐക്‌ബരീസ ഐക്‌ബരീസ
കടലിന്നോശ''

വല വീശുന്നത്‌ വെയിലാണെന്ന സങ്കല്‌പം കൊള്ളാം. പക്ഷേ അതേ നിലവാരത്തിലുള്ള വരികള്‍ സംഭാവന ചെയ്യാന്‍ രചയിതാവിനു കഴിഞ്ഞില്ല. പ്രശാന്ത്‌ പിള്ളയുടെ സംഗീതവും പ്രീതി പിള്ളയുടെ ആലാപനവും മുമ്പെന്നപോലെ ശരാശരിക്കു താഴെയാണ്‌. ഇത്തരമൊരു ചിത്രത്തില്‍ പാട്ടിന്‌ വലിയ പ്രസക്‌തിയൊന്നുമില്ല. എന്നിട്ടും ഇരിക്കട്ടെ ഒരെണ്ണം എന്നു കരുതി പാട്ട്‌ ഉള്‍പ്പെടുത്തി. അതാകട്ടെ വെളുക്കാന്‍ തേച്ചത്‌ പാണ്ടായി എന്നു പറഞ്ഞതുപോലെയായി. പാട്ട്‌ കൂടിയേ തീരൂ എന്ന നിര്‍ബന്ധബുദ്ധി ബന്ധപ്പെട്ടവര്‍ ഉപേക്ഷിക്കേണ്ട സമയമായി എന്നാണ്‌ എന്റെ വിനീതമായ അഭിപ്രായം. ഉദാത്തഗാനങ്ങള്‍ സൃഷ്‌ടിക്കാന്‍ കഴിയാത്തവര്‍ വീട്ടിലിരിക്കട്ടെ. അങ്ങനെയൊരു ഉപകാരമെങ്കിലും ആസ്വാദകരോട്‌ അവര്‍ കാണിക്കമെന്ന്‌ നമുക്കു കരുതാം.

 

എനിക്ക് പാട്ടിന്റെ പിൻബലമേയുള്ളു     

ചന്ദ്രികയിലലിയുന്നു ചന്ദ്രകാന്തം, അകലേ നീലാകാശം, പൊൻവെയിൽ മണിക്കച്ച അഴിഞ്ഞു വീണു, ഉത്തരാ സ്വയംവരം, നീലനിശീഥിനി, താരക രൂപിണി, നിൻ മണിയറയിലേ, പൗർണമിചന്ദ്രിക, ഹൃദയസരസിലെ തുടങ്ങി മനോഹരങ്ങളായ 3500 ലേറെ ഗാനങ്ങൾ എഴുതിയ ശ്രീകുമാരൻ തമ്പിക്ക് മികച്ച ഗാനരചയിതാവിനുളള സംസ്ഥാന അവാർഡ് എത്ര തവണ ലഭിച്ചു.?വിചിത്രമായിരിക്കും ഉത്തരം. 1971 ലും2011 ലുമായി രണ്ടേ രണ്ടു തവണ മാത്രം. ഇതിൽ വിഷമമുണ്ടോയെന്നു ശ്രീകുമാരൻ തമ്പിയോടു തന്നെ ചോദിച്ചു. അദ്ദേഹം ചിരിക്കുകയാണ് ചെയ്തത്. 'ഇപ്പോൾ ഒരു ഗാനരചയിതാവിനു മൂന്നു പാട്ടെഴുതിയപ്പോൾ തന്നെ രണ്ടു സംസ്ഥാന അവാർഡ് ലഭിച്ചില്ലേ?' പ്രശസ്ത കഥാകൃത്തും ലളിതാംബിക അന്തർജനത്തിന്റെ മകനുമായ എൻ.മോഹനൻ ഒരുപാടു കാലം പി.ആർ.ഡിയിൽ കൾച്ചറിന്റെ ചുമതല വഹിച്ചിരുന്നു. അദ്ദേഹം എന്നോടു ഒരിക്കൽ പറഞ്ഞിട്ടുണ്ട്. തമ്പിക്കു കിട്ടേണ്ട പല അവാർഡുകളും മാറിപ്പോയിട്ടുണ്ടെന്ന്. പാട്ടുപാടിയ ആളിനും സംഗീതസംവിധായകനും അവാർഡ് നൽകിയിട്ടും ഗാനരചയിതാവിനു മാത്രം അവാർഡു നൽകാതിരുന്ന എത്രയോ സന്ദർഭങ്ങൾ. എന്റെ ഭാഗത്തു നിന്ന് ഒരു കുഴപ്പമുണ്ടായിരുന്നു. ഞാൻ അന്നൊക്കെ ഭൂരിഭാഗം സമയവും  കേരളത്തിലായിരുന്നില്ലല്ലോ. മദ്രാസിലായിരുന്നു. പിന്നെ പി.ഭാസ്‌കരൻ മാസ്റ്റർക്കും വയലാറിനും ഒ.എൻ.വിക്കും എന്നും കമ്മ്യൂണിസ്റ്റ് പ്രസ്ഥാനത്തിന്റെ പിൻബലമുണ്ടായിരുന്നു. എനിക്കൊരു പാർട്ടിയുടേയും പിൻബലമില്ലായിരുന്നു. അവർക്കു പാർട്ടി അവാർഡ് നൽകിയെന്നല്ല ഞാൻ പറയുന്നത്. ഭാസ്‌കരൻ മാസ്റ്റർക്ക് ആദ്യവും മറ്റു രണ്ടുപേർക്കു എക്കാലവും സപ്പോർട്ടുണ്ടായിരുന്നു. ഇപ്പോൾ മൂന്നു പാട്ടെഴുതി രണ്ടു  സംസ്ഥാന അവാർഡുകൾ കരസ്ഥമാക്കിയ ആൾക്കും പാർട്ടിയുടെ സപ്പോർട്ടില്ലേ...

പാട്ടിന്റെ പിൻബലം മാത്രമേ ഉള്ളൂ അല്ലേ?
അതേ എനിക്കെന്നും പാട്ടിന്റെ പിൻബലമുണ്ടായിരുന്നു. അതിൽ എനിക്കഭിമാനമുണ്ട്. ഈയിടെ മലയാളം മ്യൂസിക് ഡോട്ട് കോം നടത്തിയ റിസർച്ചിൽ യേശുദാസിനും പി.ജയചന്ദ്രനും ബ്രഹ്മാനന്ദനും വേണ്ടി എറ്റവും കൂടുതൽ പാട്ടെഴുതിയത് ഞാനാണെന്നു കണ്ടെത്തിയിരുന്നു.

പി.ഭാസ്‌കരൻ , വയലാർ, ഒ.എൻ.വി.ഇവർ എങ്ങനെയാണ് തമ്പിസാറിനെ കണ്ടത്?
ഞാൻ എന്നും അവരെ ഗുരുസ്ഥാനീയരായേ കണ്ടിട്ടുളളു. അവരുടെ പാട്ടുകളാണ് എന്നിലെ എഴുത്തുകാരനു പ്രചോദനമായത്. 'ആയിരം പാദസരങ്ങൾ കിലുങ്ങി' എന്നതുപോലെ എഴുതാൻ പറ്റുമോയെന്നായിരുന്നു ഞാൻ നോക്കിയത്. അവരെപ്പോലെ എഴുതാൻ കഴിയുമോയെന്ന ചോദ്യമാണ് എന്നെ എഴുതിപ്പിച്ചത്. എല്ലാവരും എന്നേക്കാൾ പ്രായ വ്യത്യാസമുളളവരായിരുന്നു. എന്റെ ആദ്യത്തെ കവിതാ സമാഹാരത്തിനു അവതാരികയെഴുതിയത് വയലാറായിരുന്നു. അന്നു ഞങ്ങളുടെയെല്ലാം ആരാധനാ പാത്രമാണദ്ദേഹം. നല്ല അവതാരികയാണ് എഴുതിത്തന്നത്. അതു കഴിഞ്ഞ്  നാലു വർഷത്തിനുളളിൽ ഗാനരചയിതാവായി ഞാൻ വന്നത് യാദൃച്ഛികമാകാം. ഇവർ മൂന്നു പേരെയും ഞാൻ കോമ്പറ്റീറ്റർമാരായി കണ്ടിട്ടില്ല. ഭാസ്‌കരൻ മാസ്റ്ററൊക്കെ സമശീർഷനെപ്പോലെയാണ് എന്നോടു പെരുമാറിയിരുന്നത്. വയലാറിന്റെ 'ആയിരം പാദസരങ്ങൾ കിലുങ്ങി' എന്ന ഗാനം ദർബാരി രാഗത്തിലായിരുന്നു. ആ രാഗത്തിലൊരു ഗാനം വേണമെന്നു ഞാൻ അർജുനൻ മാസ്റ്ററോടു പറഞു.അങ്ങനെ വന്ന ഗാനമാണ്  'ദു:ഖമേ നിനക്കു പുലർകാല വന്ദനം'. എഴുത്തുകാരൻ എന്ന നിലയിൽ പക്വമതിയായിക്കഴിഞ്ഞുവെന്ന ധാരണ എനിക്കില്ല. ഇന്നും പഠിച്ചുകൊണ്ടിരിക്കുകയാണ് ഞാൻ. എപ്പോഴും അപ്‌ഡേറ്റഡായി കാലത്തിനൊപ്പം നടക്കുന്നു. ക്വാണ്ടം ഫിസിക്‌സാണ്  ഇപ്പോൾ ഇന്റർനെറ്റിലൂടെ പഠിച്ചുകൊണ്ടിരിക്കുന്നത്.

താങ്കളുടെ പലപാട്ടുകളും മറ്റുളളവരുടെ അക്കൗണ്ടിൽ പോയിട്ടില്ലേ?
പലപ്പോഴും അതു സംഭവിച്ചിട്ടുണ്ട്. 'കാലം മാറി വരും കാറ്റിൻ ഗതിമാറും കടൽ വറ്റി കരയാവും'...എന്ന ഗാനം സുനാമി സംഭവിച്ചപ്പോൾ ഒരു ചാനലിൽ കേൾപ്പിച്ചു. എന്നിട്ടു മറ്റൊരു കവിയെഴുതിയതാണെന്നു പറഞു. തമ്പി അങ്ങനെയൊന്നും എഴുതില്ലെന്ന മുൻവിധി. അങ്ങനെ ഒരുപാടനുഭവങ്ങൾ ഉണ്ട്. പഴയ സിനിമകൾ ഓർക്കുന്നതു തന്നെ പാട്ടുകൾ കൊണ്ടല്ലേ. അന്നത്തെ സിനിമകൾ നിലനിൽക്കുന്നതു തന്നെ പാട്ടുകളുടെ പേരിലാണ്.

പുതിയ തലമുറയിലെ പാട്ടെഴുത്തുകാരെക്കുറിച്ച് എന്താണഭിപ്രായം?
ഞങ്ങളുടെ കാലഘട്ടത്തിനു ശേഷം വന്നവരിൽ ഏറ്റവും വ്യത്യസ്തനും ഭാവനാ സമ്പന്നനുമായ എഴുത്തുകാരൻ ഗിരീഷ് പുത്തഞ്ചേരിയായിരുന്നു. ഏറ്റവും കൂടുതൽ പാട്ടുകളെഴുതിയതും പുത്തഞ്ചേരിയാണ്. അവൻ പെട്ടന്നങ്ങ് പോയില്ലേ... ശരത് നല്ല പാട്ടുകൾ എഴുതിയിട്ടുണ്ട്. പക്ഷേ, ശരത്തിനെ വയലാറുമായി താരതമ്യപ്പെടുത്തരുത്. വയലാർ ജീവിച്ചിരുന്ന കാലവും ശരത്ത് ജീവിക്കുന്ന കാലവും രണ്ടും രണ്ടാണ്. റഫീഖ് അഹമ്മദ് കൊള്ളാം. കവികൂടിയാണല്ലോ. ഹരിനാരായണൻ എന്നൊരാൾ നന്നായിട്ടെഴുതുന്നതായി പറഞു കേട്ടു. എന്റെയൊരു സ്‌കൂളാണെന്നും പറഞ്ഞു. പക്ഷേ, കേൾക്കാനവസരം കിട്ടിയില്ല. ഇപ്പോൾ ഒരു സിനിമയിൽ തന്നെ രണ്ടും മൂന്നും പാട്ടെഴുത്തുകാരല്ലേ?

സംവിധായകന്റെ റോളിൽ നിന്നു മാറിയപ്പോൾ പാട്ടെഴുത്തിലും ഇടവേള വന്നതെന്താണ്?
രണ്ടു കാരണങ്ങളാണ്. ഒന്നു ഞാൻ പോകാത്തതാണ്. മറ്റൊന്ന്എന്നെ വിളിക്കാത്തതും. ആരെയും വിളിച്ചിട്ടു പടം നന്നായിരിക്കുന്നു എന്നു പറഞ്ഞ്  സോപ്പിടാറില്ല, അവസരം ചോദിക്കാറില്ല. പിന്നെ ഇന്നത്തെ തലമുറയുടെ ചില അഭിരുചികൾക്കൊപ്പം താഴാൻ എനിക്കു പറ്റില്ല. 'ചിന്നവീട് താൻ ..പെരിയവീട് താൻ' എന്ന രീതിയിൽ എഴുതാനാകില്ല. ഒന്നു രണ്ടനുഭവങ്ങൾ ആ തരത്തിലായിരുന്നു. ഇതിൽക്കൂടുതൽ മോശമായി എഴുതാൻ പറ്റില്ലെന്ന് ഒരിക്കൽ ഞാൻ പറഞ്ഞു. പിന്നെ കുട്ടികൾക്കും എന്നോട് അങ്ങനെയൊക്കെ പറയാൻ പ്രയാസമാകും. അതുകൊണ്ടൊക്കെ കൂടിയാണ് മാറി നിന്നത്. എന്നെ ഗുരുസ്ഥാനീയനായി കാണുന്ന ഒരു തലമുറയുമുണ്ട്. അവരിൽ എന്റെ അസി.ഡയറക്ടറാകാൻ ശ്രമിച്ചവരുണ്ട്. ഒപ്പം വർക്കു ചെയ്തവരുണ്ട്. എന്നോട്  പാട്ടിന്റെ വരി മാറ്റിയെഴുതാൻ പറയാൻ പ്രയാസമുളളവരാകാം അവർ.

സ്വന്തമെന്ന പദത്തിനെന്തർത്ഥമെന്നും ബന്ധുക്കൾ ശത്രുക്കൾ എന്നുമെഴുതിയതെന്തുകൊണ്ടായിരുന്നു?
അങ്ങനെയായതു കൊണ്ട്. മഹാഭാരതം പിന്നെയെന്താണ്. ബന്ധുക്കൾ തമ്മിലുളള  കലഹം അല്ലേ?അമ്മയനുഭവിച്ച ദു:ഖം കണ്ടാണ്  ഞാൻ വളർന്നത്. അമ്മയുടെ സഹോദരിമാർ അമ്മയെ സ്‌നേഹിക്കാത്തത് എന്നെ വലുതായി വിഷമിപ്പിച്ചിട്ടുണ്ട്. മരുമക്കത്തായ പ്രകാരം പെൺമക്കൾക്കും അവരുടെ മക്കൾക്കും തുല്യ പങ്ക് ഓഹരിയാണ്. ഏറ്റവും ഇളയയാളെന്ന നിലയിൽ വീതം വയ്ക്കുമ്പോൾ അമ്മയ്ക്കു 13 വയസേ ഉണ്ടായിരുന്നുളളു. അമ്മയുടെ സഹോദരിമാർക്കൊക്കെ രണ്ടും മൂന്നും മക്കളുണ്ടായിരുന്നു. നല്ല സ്വത്തുളള തറവാടായിരുന്നു. പക്ഷേ സ്വത്തു വീതം വച്ചപ്പോൾ വലിയ അന്തരമുണ്ടായി. അമ്മയുടെ സഹോദരങ്ങളുടെ മക്കൾ വലിയ നിലയിൽ ജീവിക്കുമ്പോൾ ഞങ്ങൾ അരിഷ്ടിച്ചു കഴിയുന്ന സ്ഥിതി. ദാരിദ്ര്യമല്ല. അതു ദു:ഖം മാത്രമല്ല, കുട്ടിക്കാലത്ത് വലിയ വാശിയും പകയുമൊക്കെ സൃഷ്ടിച്ചു. മനസിലെ ആ ഫയർ എന്നും എന്നോടൊപ്പമുണ്ട്.ഇപ്പോഴും അടങ്ങിയിട്ടില്ല. അത് മുൻകോപമല്ല. എന്നോടു നേരിട്ടു ഇടപെടാത്തവരാണ് അങ്ങനെ അഭിപ്രായം പറയുന്നത്. രാജേഷിനെ എനിക്ക് എത്രയോ വർഷങ്ങളായി അറിയാം. എപ്പോഴെങ്കിലും മോശമായി പെരുമാറിയിട്ടുണ്ടോ. സുഹൃത്തിനെപ്പോലെയല്ലേ ഇടപെടാറുളളത്. ആത്മാർത്ഥതയോടെ മാത്രമേ എല്ലാവരോടും പെരുമാറാറുള്ളൂ. വേണ്ടിയിരുന്നില്ലെന്നു തോന്നിയ ഒന്നും ഞാൻ ചെയ്തിട്ടില്ല. അല്ലെങ്കിലും ആർക്കും ആരുടേയും സ്വഭാവം മാറ്റാനാവില്ല. സാഹചര്യമാണ് മനുഷ്യനെ സൃഷ്ടിക്കുന്നതെന്നു പറയുന്നത് വെറുതെയാണ്. സാഹചര്യം മനുഷ്യനെ സൃഷ്ടിക്കില്ല. മദ്യപിക്കാനും വഴിതെറ്റാനുമൊക്കെ സിനിമാരംഗത്ത് നല്ല അവസരമാണ്. എന്നിട്ടു ഞാൻ മദ്യപിക്കുകയോ വഴിതെറ്റുകയോ ചെയ്തില്ലല്ലോ. ചിലർ പറയും എല്ലാവരും കൂടെ ചേർന്നവനെ മദ്യപാനിയാക്കിയെന്ന് . അതൊന്നും ഒരിക്കലും ശരിയില്ല. സ്വഭാവമാണ്. സ്വഭാവം നേച്വറാണത്. ഒരിക്കലും മാറ്റാനാവില്ല.

ദു:ഖം എന്നും അടിസ്ഥാന വികാരമാണല്ലോ?
ദു:ഖം എന്നുംഎന്നോടൊപ്പമുണ്ട്. എന്റെ എല്ലാമെല്ലാമായ മകൻ തന്നെ പോയില്ലേ. ഞാൻ ജനിച്ച സമയത്തേക്കുറിച്ച് അമ്മ പറയുമായിരുന്നു. ഹരിപ്പാട് സുബ്രഹ്മണ്യ സ്വാമി ക്ഷേത്രത്തിനു മുന്നിലായിരുന്നു ഞങ്ങളുടെ വീട്. വേലായുധസ്വാമിയാണവിടെ. രാവിലെ ഭഗവാനെ പള്ളിയുണർത്താൻ ( ഭഗവാൻ ഉണരുന്നുണ്ടോ ഉറങ്ങുന്നുണ്ടോയെന്നത് വേറെ കാര്യം. അതൊക്കെ ഓരോ വിശ്വാസങ്ങളാണ്) ശംഖ്  ഊതും. ആ ശംഖ്  ഊതുന്ന നേരത്ത് നിന്റെ നിലവിളി കേട്ടുവെന്നാണ് അമ്മ പറഞത്. ആ സമയത്തായിരുന്നു എന്റെ ജനനം. കൂട്ടു കുടുംബത്തിൽ നിന്നും ന്യൂക്ലിയർ  കുടുംബത്തിലേക്കു വന്നയാളാണ് അമ്മ. രണ്ടര വയസു മുതൽ ദു:ഖം ഞാൻ അനുഭവിക്കുന്നു. മകൻ മരിക്കുന്ന ദിവസം രാവിലെ വിളിച്ചപ്പോഴും എന്നോടു പറഞത് അച്ഛൻ എഴുത്തിലേക്കു മടങ്ങണമെന്നായിരുന്നു. പ്രമുഖ നിർമ്മാതാവും ഫിലിം സിറ്റിയുടെ ഉടമയുമായ രാമോജിറാവുവിന്റെ കമ്പനി നേരിട്ടു വിളിച്ചാണ് അവനു പടം കൊടുത്തത്. 20 ലക്ഷം രൂപ പ്രതിഫലമുണ്ടായിരുന്നു.
പടം ഹിറ്റായാൽ അത് ഒരു കോടിയിലേക്ക് ഉയരുമെന്നും അവൻ പറഞ്ഞു. അച്ഛൻ കവിതയും നോവലുമൊക്കെ എഴുതണം. നമുക്കു ജീവിക്കാൻ ഒരാൾ സമ്പാദിച്ചാൽ മതിയെന്നും അവൻ പറഞ്ഞു. എന്റെ മകൻ ഒരിക്കലും ആത്മഹത്യ ചെയ്യില്ലെന്നു  ഞാൻ വിശ്വസിക്കുന്നതും അതിനാലാണ്. ഭാവിയെക്കുറിച്ചു അവനു വലിയ സ്വപ്നങ്ങളുണ്ടായിരുന്നു. ഉമിത്തീപോലെ അണയാതെ കിടക്കുന്നതിലും നല്ലത് ആളിക്കത്തിയമരുന്നതാണെന്നു മഹാഭാരതത്തിൽ പറയുന്നുണ്ട്. അവൻ അങ്ങനെയങ്ങു പോയി. മാർക്കണ്ഡേയ മഹർഷിയുടെ അമ്മ പുത്രനു വേണ്ടി പ്രാർത്ഥിച്ചപ്പോൾ ദൈവം പ്രത്യക്ഷപ്പെട്ടിട്ടു ചോദിച്ചു. ദീർഘകാലം ജീവിച്ചിരിക്കുന്ന കുഴപ്പക്കാരനായ മോനെ വേണോ? അതോ കുറച്ചുകാലം ജീവിച്ചിരിക്കുന്ന സത്സ്വഭാവിയും പരോപകാരിയുമായ മകനെ വേണോയെന്ന്. കുറച്ചുകാലം ജീവിച്ചിരിക്കുന്ന നല്ലവനായ മകനെ മതിയെന്ന് ആ അമ്മ പറഞ്ഞു. എന്റെ മകന്റെ മരണശേഷം ഞാനെഴുതിയ കവിതയുടെ പേര്   'പുത്രലാഭം' എന്നായിരുന്നു. പുത്രനഷ്ടം എന്നായിരുന്നില്ല. സിനിമാരംഗത്ത് പ്രവർത്തിച്ചു ചീത്തപ്പേരു കേൾപ്പിച്ചിരുന്നെങ്കിലോ? എന്റെ മകൻ എന്ന നിലയിൽ ഞാൻ വിഷമിക്കേണ്ടി വരികയില്ലായിരുന്നോ?എനിക്കെന്നും ഓർത്തോർത്ത് അഭിമാനിക്കാവുന്ന നിലയിലാണ് എന്റെ മകൻ ജീവിച്ചിരുന്നത്.

ന്യൂക്ലിയർ ഫാമിലിയുടെ കാലമാണല്ലോയിത്?
അതെ. അച്ഛനും അമ്മയും ജോലിക്കു പോകും. മക്കൾ അവർക്കു തോന്നിയ രീതിയിൽ വളരും. ഇന്നത്തെ പെണ്ണിന് ആരുമില്ല, രക്ഷാകർത്താവില്ല. പണ്ട് അവൾക്ക്  ഇഷ്ടംപോലെ ആങ്ങളമാരുണ്ടായിരുന്നു. കൂട്ടുകുടുംബമാകുമ്പോൾ വേലിക്കരികിൽ ഒരുത്തൻ സംസാരിച്ചാൽ അവൻ ആരാണെന്നു ചോദിക്കാനും പറയാനും ആങ്ങളമാരുണ്ടായിരുന്നു. ഇന്നതില്ല. അമ്മമാർ വീട്ടിലിരുന്ന് മക്കളെ നോക്കുന്ന കാലം കഴിഞ്ഞു. അമ്മമാരാകും ഇപ്പോൾ രാവിലെ ആദ്യം വീട്ടിൽ നിന്നിറങ്ങുക.

വാർദ്ധക്യമാണല്ലോ പുതിയ സിനിമയുടെ പ്രമേയം?
അതെ. ശരീരത്തിനു മാത്രമെ വാർദ്ധക്യം വരുന്നുളളു.വാർദ്ധക്യത്തെക്കുറിച്ചു ഭയപ്പെടുകയേ വേണ്ട.എനിക്ക്  70 കഴിഞ്ഞു. എന്റെ മനസിനെ വാർദ്ധക്യം ബാധിച്ചിട്ടേയില്ല. ജീവിതത്തെ എങ്ങനെ കാണുന്നുവെന്നതാണ് പ്രധാനം. എന്റെ ജീവിതം തന്നെ ഈ കഥയ്ക്കു പ്രചോദനമാണ്. മധുച്ചേട്ടനും ശാരദയുമാണ് അഭിനേതാക്കൾ.

  ammu

Ammu wrote:

Minnoos wrote:

  ammu

തമ്പി സാറിലെ കവിയെ എനിക്കിഷ്ട്ടാ ...കവിത തുളുമ്പുന്ന സിനിമാ ഗാനങ്ങളേയും...  .പക്ഷെ ഈ കാലത്ത് സിനിമ അദേഹം സംവിധാനം ചെയ്യാന്‍ പോയാല്‍ ...  ജനം സ്വീകരിക്കുമോന്നു ലേശം സംശയം..   

pullikkarante samsaaratheennu uptodate aanennalle manasilavuka.. apo nalla cinema thanne undavum ennu pratheekshikkam   

 ammuzeee  

tambi sarinte kaaryathil bad luck aanennu parayaam....

sandeep wrote:

 ammuzeee  

tambi sarinte kaaryathil bad luck aanennu parayaam....

   മോന്റെ അപമൃത്യു   , പിന്നീട് സിനിമാ സീരിയല്‍ രംഗത്ത് തിരികെ വരുവാന്‍ നടത്തിയ ശ്രമങ്ങള്‍ ഒക്കെ ഫലം കണ്ടില്ല..  ..ശ്രീവിദ്യയെ വെച്ച് എടുത്ത സീരിയല്‍ പാതി സംപ്രേക്ഷണം ചെയ്തപ്പോള്‍ ആയിരുന്നു വിദ്യാമ്മയുടെ അസുഖം കൂടിയതും , പിന്നീട് സീരിയല്‍ നിര്‍ത്തേണ്ടി വന്നതും...  

Ammu wrote:

sandeep wrote:

 ammuzeee  

tambi sarinte kaaryathil bad luck aanennu parayaam....

   മോന്റെ  അപമൃത്യു   , പിന്നീട് സിനിമാ സീരിയല്‍ രംഗത്ത് തിരികെ വരുവാന്‍ നടത്തിയ ശ്രമങ്ങള്‍ ഒക്കെ ഫലം കണ്ടില്ല..  ..ശ്രീവിദ്യയെ വെച്ച് എടുത്ത സീരിയല്‍ പാതി സംപ്രേക്ഷണം ചെയ്തപ്പോള്‍ ആയിരുന്നു വിദ്യാമ്മയുടെ അസുഖം കൂടിയതും , പിന്നീട് സീരിയല്‍ നിര്‍ത്തേണ്ടി വന്നതും...  

  makan suicide alle cheythathu?

മലയാളചലച്ചിത്രഗാനങ്ങളിലെ ഭാഷാപരിണാമം  


ആദ്യശബ്ദചിത്രമായ ബാലനോടൊപ്പമാണ്‌ (1938) മലയാളചലച്ചിത്രഗാനങ്ങളുടെയും പിറവി. താരതമ്യേന വളരെക്കുറഞ്ഞ ചരിത്രം മാത്രമുള്ള ജനുസ്സായതിനാല്‍ ഇതിലെ ഭാഷാപരിണാമമെന്നതിന്‌ ശൈലീപരിണാമമെന്ന്‌ അര്‍ത്ഥം നല്കുന്നതാവും ഉചിതം. 'ബാലാ'രിഷ്ടതകള്‍ പിന്നിട്ട്‌ ശക്തമായൊരു ജനപ്രിയസംഗീതവിഭാഗമായി മാറിയതിനുശേഷം ശൈലീപരമായി അത്‌ എങ്ങനെയൊക്കെ പരിണമിച്ചു, ആ പരിണാമം ചലച്ചിത്രത്തിന്റെതന്നെ മറ്റുമേഖലകളില്‍ സംഭവിച്ച മാറ്റങ്ങളോളം തീവ്രമായിരുന്നോ തുടങ്ങിയ അന്വേഷണങ്ങളാണ്‌ ഈ പ്രബന്ധത്തില്‍ നടത്തുന്നത്‌.
മലയാളത്തിലെ ഒരുപക്ഷേ, ഏക പോപ്പുലര്‍സംഗീതജനുസ്സാണ്‌ ചലച്ചിത്രഗാനം. നാടന്‍പാട്ടുകളോ നാടകപ്പാട്ടുകളോ ഇന്നില്ല. ആല്‍ബങ്ങളാണ്‌ മറ്റൊരു ശ്രദ്ധേയവിഭാഗം. ഇവ രൂപപരമായി ചലച്ചിത്രഗാനങ്ങളുടെ ഒപ്പം നില്ക്കുന്നു. ലളിതഗാനങ്ങള്‍, ഗസലുകള്‍ തുടങ്ങിയ വിഭാഗങ്ങള്‍ക്കൊന്നിനും മലയാളത്തില്‍ സിനിമാഗാനങ്ങളുടെ ജനപ്രിയത അവകാശപ്പെടാന്‍ കഴിയില്ല.
സിനിമാപ്പാട്ടുകളുടെ പ്രധാനസവിശേഷത അത്‌ സിനിമയെ സാകല്യത്തിന്റെ വ്യത്യസ്തമായ കലാഘടകങ്ങളില്‍ ഒന്നുമാത്രമാണ്‌ എന്നതാണ്‌. അത്‌ സിനിമയിലെ പെര്‍ഫോമന്‍സുമായി അഭേദ്യമായി ബന്ധപ്പെട്ടിരിക്കുന്നു. നൂറുശതമാനവും ദൃശ്യപരമാണ്‌ പുതിയഗാനങ്ങള്‍. ഗാനചിത്രീകരണത്തില്‍ സാങ്കേതികമായും ദൃശ്യപരമായും കടന്നുവന്നിട്ടുള്ള വികാസപരിണാമങ്ങള്‍ ഗാനശൈലിയെയും സ്വാധീനിക്കാതിരിക്കില്ല. ഇത്‌ തിരിച്ചും സംഭവിക്കാം. ദൃശ്യപരമായമാറ്റം സങ്കേതബദ്ധമാണ്‌. പ്രമേയസ്വഭാവം, അഭിനയരീതികള്‍, നാടകമുള്‍പ്പെടെയുള്ള കലകളുമായുള്ള ബന്ധം, ക്യാമറയുടെ സാദ്ധ്യതകളില്‍ വന്ന മാറ്റം, എഡിറ്റിങ്‌ രീതികളുടെ വികാസം, വര്‍ണ്ണവിന്യാസശൈലിയില്‍ വന്ന മാറ്റം തുടങ്ങി മാദ്ധ്യമപരമായ സവിശേഷതകളാണ്‌ ദൃശ്യശൈലീമാറ്റങ്ങള്‍ക്കു ഹേതു. റെക്കോഡിങ്‌ സൌകര്യങ്ങള്‍, സൌണ്ട്‌ എഞ്ചിനിയറിങ്‌ തുടങ്ങിയ മേഖലകളിലെ വികാസവും അന്യഭാഷാഗാനങ്ങളുമായുള്ള ബന്ധവും പാട്ടിന്റെ മട്ടും മാതിരിയും മാറ്റിയിട്ടുണ്ട്‌. ടെലിവിഷന്‍ കാഴ്ചകള്‍ പ്രധാനമായതോടെ, ഗാനരംഗങ്ങള്‍ക്ക്‌ സിനിമയ്ക്കുപുറത്ത്‌ അസ്തിത്വം കൈവന്നു. കഥയില്‍നിന്ന്‌ അടര്‍ത്തിമാറ്റിയാലും നിലനില്പുള്ള ഗാന,ദൃശ്യങ്ങള്‍ക്ക്‌ സിനിമയുടെ പരസ്യമെന്നനിലയിലും നിലനില്പുണ്ട്‌ ഇന്ന്‌. ചലച്ചിത്രഗാനങ്ങളിലെ ഭാഷാ,ശൈലീപരിണാമമെന്നത്‌ ഒറ്റപ്പെട്ട പ്രതിഭാസമല്ലെന്ന് ചുരുക്കം.
ആദ്യകാലസിനിമകളില്‍ പൊതുവേ, നാടകവേദിയിലെ ചലനങ്ങളെ ഓര്‍മ്മിപ്പിക്കുന്നതരത്തില്‍ പ്രത്യക്ഷപ്പെടു കഥാപാത്രങ്ങള്‍ നേരിട്ട്‌ ആലപിക്കുന്നമട്ടിലാണ്‌ ഗാനങ്ങള്‍ ചിത്രീകരിക്കുക. ക്യാമറയുടെ ചലനസ്വാതന്ത്ര്യക്കുറവും പുറംകാഴ്ചകള്‍ കാട്ടാനുള്ള അതിന്റെ ശേഷിക്കുറവുമാണ്‌ ഈ പരാധീനതയ്ക്ക്‌ പ്രധാനകാരണം. മായക്കാഴ്ചകളും ദൃശ്യസമൃദ്ധിയുടെ അമ്പരപ്പുമില്ലാത്ത ഇത്തരം നേര്‍ക്കാഴ്ചകള്‍ വ്യാകരണപരമായി ഋജുവാക്യങ്ങളാണ്‌. വളരെക്കുറച്ചുമാത്രം ഷോട്ടുകളില്‍, ഒരു വാക്യത്തിന്‌ ഒരുഷോട്ടെന്ന കണക്കിലാണ്‌ ഗാനരംഗം ചിത്രീകരിച്ചിരുത്‌. അതുതന്നെ കാണി നേരിട്ടുകാണുന്നതുപോലുള്ള മീഡിയം ഷോട്ടുകളാവുമ്പോള്‍. കഥാപാത്രങ്ങള്‍തന്നെ പാടുന്നതായുള്ള ചിത്രീകരണത്തില്‍ നേരെച്ചൊവ്വേ ഒരാശയം അവതരിപ്പിക്കാതെ വയ്യല്ലോ. അതുകൊണ്ടുതന്നെ സംഭാഷണങ്ങളുടെ ആര്‍ജ്ജവവും വ്യക്തതയും ഗാനഭാഷയ്ക്കും ഉണ്ടായിരുന്നു.
ആദ്യകാലം

സംഗീതനാടകങ്ങളിലെ ആലാപനരീതിയോടും ആട്ടപ്പദങ്ങളിലെയും കീര്‍ത്തനങ്ങളിലെയും നാടന്‍പാട്ടുകളിലെയും രചനാരീതിയോടും നിരന്നുപോകുന്ന ശൈലിയാണ്‌ ആദ്യകാലപാട്ടുകളില്‍ കാണുക. ബാലനിലെ ചില ഉദാഹരണങ്ങള്‍ കാണുക
1. ശ്രീവാസുദേവ പരനേ
ഗോകുലപാലക ശോകവിനാശക
കമലാപതിഭവസാഗരഹാരീ
മാധവഭാവുകദായകദേവോ
നിരന്തരം പദം കവ ഗതി മമ (മുതുകുളം രാഘവന്‍പിള്ള)
2. ദുര്‍ന്നയജീവിതമേ നാഥാ
വന്നതു വിധിയേ ദേവാ
മാതൃവിയോഗമേ ഈശ്വരാ
ഓരാവതോ ഹാ ഹാ (മുതുകുളം രാഘവന്‍പിള്ള)
മറ്റുചില ഉദാഹരണങ്ങള്‍:
1. ക്ഷീരാംബുധി മാനിനി നാഥാ
ജഗന്നാഥ ദേവ ദേവ ശരണം നീയേ (പ്രഹ്ലാദ 1941, കെ. മാധവവാര്യര്‍)
2. നീരിലെ കുമിളപോലെ ജീവിതം
ചപലം ലോകം
വിധിയുടെ വേല മൃതിയുടെ ലീല
മായുമേ നിഴല്‍പോലെ
മായികം ക്ഷണികം ലോകം (നിര്‍മല 1948, ജി. ശങ്കരക്കുറുപ്പ്‌)
3. ആശാഹീനം ശോകദം നിയതം
സ്വാര്‍ഥതയാലേ നിഖിലം ലോകം
യാതനയാര്‍ന്നി‍ടും സോദരന്മാര്‍ തന്‍
വേദനകാണ്മാന്‍ കനിവില്ലേതും (വെള്ളിനക്ഷത്രം 1949, അഭയദേവ്‌)
4. ആനത്തലയോളം വെണ്ണതരാമെടാ
ആനന്ദശ്രീകൃഷ്ണാ വാമുറുക്ക്‌
പൈക്കളെ മേയ്ക്കുവാന്‍ പാടത്തയക്കാം ഞാന്‍
മൈക്കണ്ണാ പൊന്നു‍ണ്ണീ വാമുറുക്ക്‌ (ജീവിതനൌക 1950, അഭയദേവ്‌)
5. അനിതരവനിതാമഹിതവിലാസ
സുരുചിരസുഖദാ സുഷമാദേവി
ആരിതുപോലൊരു നാരീ
പാരിലഹോ ശ്രീരമണീറാണീ (സ്ത്രീ 1950, തിക്കുറിശ്ശി)
6. ആത്മവിദ്യാലയമേ
അവനിയിലാത്മവിദ്യാലയമേ
അഴിനിലയില്ലാ ജീവിതമെല്ലാം
ആറടിമണ്ണില്‍ നീറിയൊടുങ്ങും (ഹരിശ്ചന്ദ്ര 1955, തിരുനയനാര്‍ കുറിച്ചി)
വൃത്തനിഷ്ഠയില്ലായ്മ, പ്രാസദീക്ഷ, ശയ്യാഗുണം, ആലാപനസൌകര്യം തുടങ്ങിയ രചനാസവിശേഷതകള്‍ എളുപ്പം ശ്രദ്ധയില്‍പ്പെടും. സംഗീതത്തിലും ഋജുത്വമുണ്ട്‌. പ്രഖ്യാതകീര്‍ത്തനങ്ങളുടെ മട്ടില്‍ ഒറ്റരാഗത്തില്‍, കലര്‍പ്പില്ലാതെയാണ്‌ കമ്പോസിങ്‌. മാനസസഞ്ചരരേ എന്ന കൃതിയുടെ നേര്‍പ്പകര്‍പ്പാണ്‌ ആത്മവിദ്യാലയമേ.
മാറ്റൊലിക്കവികള്‍


1950 ല്‍ പത്താമത്തെ മലയാളചിത്രത്തില്‍ (ചന്ദ്രിക) പാട്ടെഴുതി പി ഭാസ്കരനും 1955 ല്‍ കാലം മാറുന്നുവിലൂടെ ഒ.എന്‍.വിയും 1956 ല്‍ കൂടപ്പിറപ്പിലൂടെ വയലാറും ചലച്ചിത്രഗാനരചയിതാക്കളായതോടെ നമ്മുടെ ഗാനശാഖ ഈ ത്രിമൂര്‍ത്തികളുടെ സ്വാധീനവലയത്തിലായി എന്നതന്നെ പറയാം. ഇവര്‍ക്കുമുമ്പ്‌ മുതുകുളം രാഘവന്‍പിള്ള, തിരുനയനാര്‍ കുറിച്ചി, അഭയദേവ്‌, തിക്കുറിശ്ശി തുടങ്ങി ഏതാനുംപേര്‍ ശ്രദ്ധേയരായുണ്ടായിരുന്നുവെങ്കിലും 1960കളോടെ പാട്ടെഴുത്തില്‍ മാറ്റൊലിക്കവികളായി പ്രജാപതികള്‍.
മാറ്റൊലിക്കവികള്‍ തുടങ്ങിവച്ച ഗാനരീതി മൂന്നു് കൈവഴികളായാണ്‌ പരന്നൊഴുകിയത്‌. വയലാറിന്റെ സംസ്കൃതബഹുലവും പ്രൌഢവുമായ മട്ട്‌, ഭാസ്കരന്റെ നാടന്‍ശൈലി, ഒഎന്‍വിയുടെ അനുരഞ്ജനമാര്‍ഗം എന്നി‍ങ്ങനെ. മൂവരും ഈ പ്രഖ്യാതശൈലിവിട്ടും ഏറെയെഴുതിയിട്ടുണ്ടെന്നതും ഓര്‍ക്കണം. കഥാസന്ദര്‍ഭം ആവശ്യപ്പെടുന്നതരം തമാശപ്പാട്ടുകള്‍, വിപ്ലവഗാനങ്ങള്‍, ഭക്തിഗാനങ്ങള്‍ തുടങ്ങിയവ ഉദാഹരണം. ഈ മൂന്നിനങ്ങളിലും ഇവരുണ്ടാക്കിയ മാതൃകകള്‍ ഏതാണ്ടതേമട്ടില്‍ ഇന്നും അനുസരിക്കപ്പെടുന്നുണ്ട്. കുരുവിപ്പെട്ടീ നമ്മുടെ പെട്ടീ (സ്ഥാനാര്‍ഥിസാറാമ്മ) എന്നപാട്ടും 'വോട്ട് ‌ തിരഞ്ഞെടുപ്പടുക്കുമ്പോള്‍ വിലയുള്ളനോട്ട്‌ '(ക്ലാസ്മേറ്റ്സ്‌) എന്നപാട്ടും തമ്മില്‍ കാര്യമായ അന്തരമില്ല. കാലം മാറിയപ്പോള്‍ ബഹളം കൂടി എന്നുമാത്രം. 'നഷ്ടപ്പെടുവാനില്ലൊന്നും ഈ കൈവിലങ്ങുകളല്ലാതെ'-യും 'ചോരവീണമണ്ണില്‍നിന്നുയര്‍ന്നുവന്ന ചെങ്കൊടി'- യും തമ്മിലും എന്തുഭേദം? 'തെച്ചിമന്താരം തുളസി'യുടെ പദശയ്യതന്നെയാണ്‌ ബാബാകല്യാണിയിലെ 'കൈനിറയേ വെണ്ണതരാ'മിന്റേത്‌.
പദങ്ങളിലെയും കീര്‍ത്തനങ്ങളിലെയും നാടന്‍പാട്ടുകളിലെയും എഴുത്തുരീതിയില്‍ നിന്നു് ഭിന്നമായി, മാറ്റൊലിക്കവികള്‍ ഗാനത്തെ കവിതയോടടുപ്പിച്ചു. സംഗീതം, ഈണം, ഭാവം എന്നിവയ്ക്കുപറ്റിയ ഗാനസാഹിത്യം എന്ന കേവലാവസ്ഥയില്‍ നിന്ന്‌ പാട്ടെഴുത്തിനെ കാവ്യഗുണംതികഞ്ഞ ഗാനശില്പം എന്നനിലയിലേക്കുമാറ്റിയെടുത്തു, ഇവര്‍. 'സാമ്യമകന്നോരുദ്യാനം, എത്രയുമഭിരമ്യമിതിനുണ്ടതു നൂനം' എന്ന നളചരിതപദവും 'സാമ്യമകോരുദ്യാനമേ കല്പകോദ്യാനമേ നിന്റെ കഥകളിമുദ്രയാം കമലദളത്തിലെന്‍ ദേവിയുണ്ടോ ദേവി' എന്ന വയലാര്‍ഗാനവും (ദേവി, 1972) താരതമ്യം ചെയ്താല്‍ ഇതുബോദ്ധ്യപ്പെടും. കാളിദാസന്‍തൊട്ട്‌ എഴുത്തച്ഛനും ഉണ്ണായിയും ആശാനും ചങ്ങമ്പുഴയും വരെ നീളുന്ന കാവ്യപാരമ്പര്യത്തില്‍ നിന്നാണു് മാറ്റൊലിക്കവികള്‍ ഊര്‍ജ്ജം സ്വീകരിച്ചത്‌. ഗാനങ്ങളില്‍ ആവര്‍ത്തിച്ചുപ്രത്യക്ഷപ്പെടു പദസംഘാതങ്ങളുടെയും രമണീയമായ സമസ്തപദങ്ങളുടെയും പാഠാന്തരബന്ധങ്ങള്‍ അന്വേഷിച്ചാല്‍ ഇതുബോദ്ധ്യമാകും. സാമ്യമകന്നോരുദ്യാനം ഒരുദാഹരണം മാത്രം. ഈ പദക്കൂട്ടം നളചരിതത്തെയാണ്‌ അഭിസംബോധനചെയ്യുന്നത്‌.
ഗാനങ്ങളെ വയലാര്‍ കവിതകളാക്കിമാറ്റിയെന്ന്‌ എന്‍. വി കൃഷ്ണവാര്യര്‍ നിരീക്ഷിച്ചിട്ടുണ്ട്. ശബ്ദസൌകുമാര്യത്തോടൊപ്പം ആശയസൌന്ദര്യവും വയലാര്‍ ഗാനങ്ങളില്‍ നിറച്ചുവെന്ന്‌ അദ്ദേഹം പറയുന്നു. ഗാനത്തിലും കവിതയിലും വേണ്ടതെന്തൊക്കെയെന്ന വ്യവച്ഛേദനമാണിത്‌. ചലച്ചിത്രഗാനങ്ങളുടെ സാങ്കേതികപരിമിതികള്‍ക്കകത്തു് നിന്നുകൊണ്ടുതന്നെ കവിത കൈമോശം വരാതെനോക്കി വയലാറെന്ന്‌ ഒ.എന്‍.വി എഴുതി. ചലച്ചിത്രഗാനം എങ്ങനെയാവണമെന്ന ചില നിരീക്ഷണങ്ങള്‍കൂടി അദ്ദേഹം ഒപ്പം അവതരിപ്പിച്ചിട്ടുണ്ട്‌.
"മൂന്നോ നാലോ നിമിഷങ്ങളിലൊതുങ്ങിനില്ക്കുന്ന ഒരു സ്വരശില്പമാണ്‌ ചലച്ചിത്രഗാനം. തന്ത്രീലയസമന്വിതമായി അല്പം ചില വരികള്‍. അവയിലൂടെ ഒരു ഭാവത്തിന്റെ ഉന്മീലനം. വിരല്‍ത്തുമ്പുകൊണ്ടൊന്നു് തൊട്ടാലുടനെ പൊട്ടിവിടരുന്ന ചില പൂമൊട്ടുകളെ അനുസ്മരിപ്പിക്കുംവിധം അനായാസമധുരമായ ഭാവപ്രകാശനം - പദങ്ങളും ഇമേജുകളുമെല്ലാം അതിനുതകുംവിധമാവണം. ഇതിനൊക്കെപ്പുറമേ, നമ്മുടെ സഞ്ചിതസംസ്കാരത്തിന്റെയോ സ്മൃതിമേഖലയുടെയോ ഏതോചിലകോണുകളില്‍ വെളിച്ചംവീശുന്ന എന്തോചിലതുകൂടി സമന്വയിച്ചുവെങ്കിലോ, അപൂര്‍വ്വസുന്ദരമായ ഒരനുഭവമായിപ്പരിണമിക്കുമതു്."
കാവ്യഗുണമെന്ന്‌ ഒഎന്‍വി എഴുതുന്നില്ലെന്നത്‌ ശ്രദ്ധിക്കണം. എന്നാല്‍ സ്വരശില്പമെന്നുണ്ട്‌. ശില്പഭംഗി പ്രധാനമാണ്‌. ഈ ഉദ്ധരണിയില്‍ത്തന്നെ മിനിറ്റ്‌ എതിനുപകരം നിമിഷമെന്ന അര്‍ഥസന്ദിഗ്ദ്ധതയുള്ള പദമുപയോഗിച്ചതെന്തിനാണ്‌? ഇംഗ്ലീഷ്‌ ഒഴിവാക്കാനായിരുന്നെങ്കില്‍ ഇമേജെന്ന വാക്കോ? ശില്പഭംഗി ഗദ്യത്തിലുമുണ്ടെന്ന് ചുരുക്കം.
കായലരികത്ത്‌ വലയെറിഞ്ഞപ്പോള്‍ തുടങ്ങി അസംഖ്യം പാട്ടുകളിലൂടെ മാപ്പിളപ്പാട്ടിന്റെ ഗാന, ആലാപന സങ്കേതങ്ങളും നാടന്‍പാട്ടുകളുടെ ചന്തവും ചെത്തവും ചൂരുമൊക്കെ സിനിമാപ്പാട്ടിലേക്കുകൊണ്ടുവരികയും മലയാളഗാനപാരമ്പര്യം എന്നൊരു തുടര്‍ച്ച ഉണ്ടാക്കാന്‍ ശ്രമിക്കുകയും ചെയ്ത പി.ഭാസ്കരന്‍ കാവ്യ, ശില്പഭംഗിക്കാര്യത്തില്‍ വേറിട്ടുനില്ക്കുന്നു. നാഴൂരിപ്പാലുകൊണ്ട്‌ നാടാകെ കല്യാണം, അല്ലിയാമ്പല്‍, നാളികേരത്തിന്റെ, കദളിവാഴക്കയ്യിലിരുന്ന് പോലുള്ള എഴുത്തുശൈലി ഏറെ ചര്‍ച്ചചെയ്യപ്പെട്ടിട്ടുണ്ട്.
ഒരുതരം വീണയെക്കുറിക്കുന്ന lyre എന്ന പദത്തില്‍ നിന്നുണ്ടാക്കിയ lyric എന്ന വാക്കാണ്‌ ഇംഗ്ലീഷുകാര്‍ ഭാവഗീതത്തിനും ഗാനങ്ങളുടെ സ്ക്രിപ്റ്റിനു പൊതുവിലും ഉപയോഗിക്കുന്നത്‌. നമുക്ക്‌ രണ്ടിനും പകരമായി ഉപയോഗിക്കാനുള്ളത്‌ ഗാനം എന്ന വാക്കാണ്‌. എന്നാല്‍ സ്ക്രിപ്റ്റിനെക്കുറിച്ചുപറയാന്‍ ഗാനസാഹിത്യം എന്ന പദമാണ്‌ നമുക്കു പഥ്യം. കര്‍ണാടകസംഗീതത്തില്‍ വാഗ്ഗേയകാരന്മാരെഴുതുന്നത്‌ സാഹിത്യവും കൃതിയുമൊക്കെയാണല്ലോ. പാട്ടിനു് ആലാപനബാഹ്യമായ അസ്തിത്വം വേണമെന്ന നിലപാടാണിത്‌. കഥകളിയരങ്ങിലല്ലാതെ നിലനില്ക്കുന്ന ആട്ടക്കഥകളെ ഓര്‍ക്കുക. ചലച്ചിത്രഗാനങ്ങളുടെ ആലാപനസന്ദര്‍ഭങ്ങള്‍ പരിമിതമായിരുന്നു അക്കാലത്ത്‌. പാട്ടുകേള്‍ക്കാന്‍ സിനിമകാണണം, അല്ലെങ്കില്‍ റേഡിയോവില്‍ വരുന്നതും കാത്തിരിക്കണം. റേഡിയോതന്നെ വ്യാപകമാവുന്നത്‌ എഴുപതുകളോടെമാത്രമാണ്‌. ഓര്‍ത്തിരിക്കാന്‍ തക്ക അര്‍ഥവും ദര്‍ശനവും സൌന്ദര്യവും വൈകാരികതയുമൊക്കെയുള്‍ക്കൊള്ളുന്ന, ഒറ്റക്കേള്‍വിയില്‍ മനസ്സിലാകുന്ന അര്‍ത്ഥവും അഴകുമുള്ള, കവിതതയൊവണമത്‌ എന്ന വാശിക്ക്‌ സാങ്കേതികപരിമിതിയുടെ ന്യായീകരണമുണ്ടെന്നര്‍ഥം.

ഈണക്കാര്യത്തിലും ക്ലാസിക്‌ വാശികളുണ്ടായിരുന്നുവെന്നത്‌ വ്യക്തം. ദേവരാജന്‍, ദക്ഷിണാമൂര്‍ത്തി, ബാബുരാജ്‌, കെ രാഘവന്‍ തുടങ്ങിയ പേരുകള്‍തന്നെ ദൃഷ്ടാന്തം. അതേസമയം ചിലവാക്കുകള്‍ മാറ്റണമെന്ന സംഗീതസംവിധായകരുടെ ആവശ്യം നിഷ്കരുണം തള്ളിയ ഉദ്ധതരായ രചയിതാക്കളെപ്പറ്റിയുള്ള കഥകളുമുണ്ട്‌. മൌനസമാധിയില്‍ കവിതചെത്തിമിനുക്കിയൊരുക്കുന്നുവെന്ന്‌ സങ്കല്പിക്കപ്പെടുന്ന ഇതേ കവികളെ ചുറ്റിപ്പറ്റിത്തന്നെ പാട്ട്‌ പാതിമയക്കത്തില്‍ ഫോണില്‍ പറഞ്ഞുകൊടുത്തു തുടങ്ങിയ കഥകളും കേള്‍ക്കാം.
പുതിയഭാവുകത്വം


എഴുപതുകളിലും എണ്‍പതുകളിലുമായി നിരവധി ഗാനരചയിതാക്കളും സംഗീതസംവിധായകരും രംഗത്തുവന്നു. ശ്രീകുമാരന്‍തമ്പി, ബിച്ചുതിരുമല, പൂവച്ചല്‍ ഖാദര്‍, യൂസഫലി, ഷിബു ചക്രവര്‍ത്തി തടങ്ങിയവര്‍ എഴുത്തിലും എല്‍. പി. ആര്‍. വര്‍മ്മ, എം. ബി. ശ്രീനിവാസന്‍, സലില്‍ ചൌധരി, എ. ടി. ഉമ്മര്‍, കെ. ജെ. ജോയ്‌, ജെറി അമല്‍ദേവ്‌, അര്‍ജുനന്‍, ജോസ, കണ്ണൂര്‍ രാജന്‍, എം. ജി. രാധാകൃഷ്ണന്‍, ബോംബെ രവി, രവീന്ദ്രന്‍ തുടങ്ങിയവര്‍ ഈണത്തിലും പുതിയ മട്ടും ഭാവവും കൊണ്ടുവന്നവരാണ്‌. ചിലരെങ്കിലും അറുപതുകളില്‍ത്തന്നെ ശ്രദ്ധേയരുമായിരുന്നു. എഴുപതുകളിലും എണ്‍പതുകളിലുമായി സിനിമയുടെ ഇതരമേഖലകളിലുണ്ടായതിനനുസൃതമായി ഗാനരംഗത്തും മാറ്റങ്ങളുണ്ടായെന്ന്‌ ചുരുക്കം. കളര്‍സിനിമ സൃഷ്ടിച്ച പുതിയഭാവുകത്വം, ജനപ്രിയതയുടെ ചേരുവകളില്‍ വന്ന മാറ്റങ്ങള്‍, പുതിയ താരങ്ങളുടെ വരവും താരാധിപത്യവും, ചിത്രങ്ങളുടെ എണ്ണത്തില്‍ വന്ന ഭീമമായ വര്‍ധന, അതുകൊണ്ടുതെന്നെ പടം വിജയിപ്പിക്കാനുള്ള തത്രപ്പാട്‌ എന്നി‍ങ്ങനെ വിവിധഘടകങ്ങള്‍ ഗാനശൈലിയെക്കൂടി ബാധിച്ചു.
അങ്ങാടി (1980)യിലെ 'കണ്ണും കണ്ണും തമ്മില്‍ത്തമ്മില്‍' പോലുള്ള ഗാനങ്ങളെ ഈ ഭാവുകത്വപരിണാമത്തിന്റെ അടയാളമായിക്കാണാം. സുന്ദരപദങ്ങളാണെല്ലാം. അരങ്ങത്ത്‌ പാരമ്പര്യക്കാരുടെ നെറ്റിചുളിപ്പിക്കുന്ന വേഷവും ചുവടുമായി പുത്തന്‍തലമുറയിലെ ജയനും സീമയുമൊക്കെ. പഴയ മരം ചുറ്റിയോട്ടമല്ല, നിറപ്പകിട്ടാര്‍ന്ന സുന്ദരദൃശ്യങ്ങള്‍. സ്ലോമോഷന്‍പോലെയുള്ള വിസ്മയങ്ങള്‍. നിമിഷം കൊണ്ട്‌ കുപ്പായം മാറുന്ന നായകര്‍. ഗാനരംഗങ്ങള്‍ക്ക്‌ കഥാഗതിയില്‍നിന്നു് വ്യത്യസ്തമായ അസ്തിത്വം കൈവന്നു. ഏതുദരിദ്രനും സ്വപ്നത്തില്‍ അടിച്ചുപൊളിക്കാം. ഈ വിസ്മയദൃശ്യങ്ങള്‍ക്കിടെ കഥാപാത്രങ്ങള്‍ പാടുന്നമട്ടിലുള്ള ചിത്രീകരണം അസംഗതമാവുക സ്വാഭാവികം. താളമേളങ്ങള്‍ക്കിണങ്ങുന്ന ആലാപനരീതിയും രചനാശൈലിയും രൂപപ്പെട്ടു. ഓര്‍ക്കസ്ട്രേഷനെക്കുറിച്ചുള്ള പുതിയ കാഴ്ചപ്പാടില്‍ വരികള്‍ പതുക്കെ പിണിയിലായിത്തീര്‍ന്നു.
പഴയ സ്വാധീനതകളില്‍നിന്ന്‌ ഏറെക്കുറെ മുക്തമാണ്‌ സമകാലികഗാനമെഴുത്ത്‌. എങ്കിലും ഗാനത്തിന്‌ പ്രൌഢികിട്ടണമെങ്കില്‍ സംസ്കൃതപദങ്ങള്‍ ധാരാളമുപയോഗിക്കണം എന്ന മട്ടിലുള്ള ചിലധാരണകള്‍ വേരുറച്ചിട്ടുണ്ട്. അതുപോലെ പാട്ടില്‍ ഇംഗ്ലീഷ്‌ വാക്കുകടന്നുവന്നാല്‍ അത്‌ ഹാസ്യാത്മകമോ നാഗരികമോ അതിനവീനമോ ആകുമെന്ന് നാം കരുതുന്നു. 'ഓ മൈ ഡാര്‍ലിങ്‌' പോലുള്ളവ പഴയ ഉദാഹരണങ്ങള്‍. ദാര്‍ശനികമോ വിഷാദപൂര്‍ണമോ വാത്സല്യാത്മകമോ ആയ സന്ദര്‍ഭങ്ങളിലൊന്നും ഇംഗ്ലീഷ്‌ യോജിക്കില്ലെന്ന് കരുതുതിനു പിന്നില്‍ കാവ്യശില്പയുക്തിയാണുള്ളത്‌. എന്‍.വിയും എം. ഗോവിന്ദനും കവിതയെ കവിതയേ അല്ലാതാക്കിയെന്നും എന്‍.വി തുടങ്ങിവച്ച ആംഗലമലയാളമണിപ്രവാളശൈലി വരുത്തിയ വിനയില്‍നിന്ന്‌ ഇന്നും (1986 ലാണിതെഴുതിയത്‌) ഭാഷാകവിത മോചിതയായിട്ടില്ലെന്നും ഒരിക്കല്‍ സച്ചിദാനന്ദന്‍ എഴുതിയിട്ടുണ്ട് . ഭാഷാസംബന്ധിയായ സവര്‍ണയുക്തികളില്‍നിന്ന്‌ ആധുനികനായ സച്ചിദാനന്ദന്‍പോലും മുക്തനല്ല.

ഡിയര്‍, ലൌ, എസ്‌. എം .എസ്‌, ഇമെയില്‍, ബുക്ക്‌, ബൈക്ക്‌, വോട്ട്‌, കോളജ്‌, ക്ലാസ്‌, ഷര്‍ട്ട് പോലുള്ള അതിസാധാരണപദങ്ങള്‍പോലും ഗാനങ്ങളില്‍ വരുമ്പോള്‍ പാട്ടി‍ന്റെ സ്വഭാവം മാറുന്നത്‌ നിരീക്ഷിക്കുക. ഒരു ദാര്‍ശനികഗാനസന്ദര്‍ഭത്തില്‍ പെന്‍ഡുലം എന്നൊരു വാക്കുവന്നത്‌ ഇന്നും അപഹസിക്കപ്പെടുന്നു‍ണ്ട്‌. പിന്‍നിലാവ്‌ എന്ന ചിത്രത്തിനായി യൂസഫലി എഴുതിയ 'മാനേ മധുരക്കരിമ്പേ' എന്ന പാട്ടി‍ല്‍ ഇംഗ്ലീഷ്‌ പദങ്ങള്‍ മലയാളംപോലെ ചേര്‍ത്ത്‌ ആഹ്ലാദകരമായ പ്രണയാനുഭവം സൃഷ്ടിച്ചിട്ടു‍ണ്ട്‌. ലോട്ടസ്സൊത്ത മിഴി, സ്പീക്കിക്കൂടെ, ലൌഗാനം, കരിഫിഷ്‌കണ്ണ്‌, ഗോള്‍ഡന്‍ നുണക്കുഴി തുടങ്ങിയ പ്രയോഗങ്ങള്‍ ഉദാഹരണം.  

സമകാലശൈലി

സാങ്കേതികത്തികവില്‍ അഭിരമിക്കുന്ന സമകാലസിനിമകളിലെ ഗാനങ്ങളുടെ ഭാഷാശൈലിയില്‍ കാണുന്ന പ്രധാനസവിശേഷതകള്‍ ഇങ്ങനെ സംഗ്രഹിക്കാം.
ആദ്യവരികളില്‍-പല്ലവിയില്‍ കാണു ശ്രദ്ധ പിന്നങ്ങോട്ടി‍ല്ല. തുടക്കം ശ്രദ്ധേയമാകലാണ്‌ പ്രധാനം.
പശ്ചാത്തലസംഗീതത്തിനും കോറസിനും പ്രാമുഖ്യംകൂടി, നിരവധി ഉപകരണങ്ങള്‍ പിണിയില്‍ നിരന്നു, നിരവധിപേര്‍ സ്ക്രീനിലും. അതിദ്രുതം ദൃശ്യങ്ങള്‍ കട്ട് ‍ചെയ്യപ്പെടുന്ന എഡിറ്റിങ്‌ രീതി ചടുലതയുടെ മുദ്രയായി.
വര്‍ണലയതാളമേളങ്ങള്‍ക്കിടയില്‍ വരികള്‍ കാര്യമായി ശ്രദ്ധിക്കപ്പെടുന്നി‍ല്ല എന്നതിനാല്‍ എഴുത്തിന്റെ പ്രാധാന്യം കുറഞ്ഞു. കാവ്യഗുണം കൊണ്ടല്ല, ഈണം കൊണ്ടും സന്ദര്‍ഭത്തിന്റെ ഔചിത്യഭംഗികള്‍ കൊണ്ടുമാണ്‌ ഗാനം ശ്രദ്ധിക്കപ്പെടുന്നത്‌.
സംഗീതത്തെ വഹിക്കാനുള്ള വെറും ജഡവസ്തുവായി വരികള്‍. സുന്ദരപദങ്ങള്‍ വാരിനിരത്തുമ്പോഴും സവിശേഷമായൊരു അനുഭൂതിയോ അര്‍ഥമോ ലഭിക്കാത്തവിധം ശിഥിലമാണ്‌ വാക്യഘടന. ഈണമാണ്‌ അതിന്റെ വ്യാകരണം. നീലക്കുയിലിലെ ഒരു ഗാനസന്ദര്‍ഭത്തിലും ശിഥിലമായ വാക്യഘടന ഇണങ്ങില്ല. കാരണം ദൃശ്യം ഋജുവാണ്‌.
കാലം മാറിയകാര്യം പാട്ടി‍ലെ വാക്കുകളില്‍ നിന്ന് ഊഹിച്ചെടുക്കുക പ്രയാസമാണ്‌. ഭൂരിപക്ഷം ഗാനങ്ങളിലും വൊക്കാബുലറി പഴയതുതന്നെ ‍. വാക്യഘടനയാണ്‌ ചിതറിപ്പോയത്‌.
ഗാനം ആവര്‍ത്തിച്ചുകേള്‍ക്കാനുള്ള സാദ്ധ്യത വളരെ വ്യാപകമായതോടെ അത്‌ ആരെങ്കിലും എഴുതിയെടുക്കാനുള്ള സാധ്യതയും നേന്നേ കുറഞ്ഞു. വരികളുടെ പ്രാധാന്യം തീരെക്കുറയാന്‍ ഇതും കാരണമായിട്ടു‍ണ്ടാകാം.

സംഘമായി താളമിട്ട്‍ പാടിരസിക്കാന്‍ തക്കവണ്ണമാണ്‌ മിക്കഗാനങ്ങളും ചിട്ടപ്പെടുത്തുന്നത്‌. ഏകാന്തതയില്‍ സ്വയം പാടിലയിക്കുക, കാലങ്ങളോളം ഓര്‍ത്തുവെക്കുക തുടങ്ങിയ ലക്ഷ്യങ്ങളൊന്നും പാട്ടി‍ന്റെ മുന്നി‍ലില്ല.
പോപ്പ്‌ മ്യൂസിക്‌ എന്ന സംഗീതജനുസ്സില്‍ വരികള്‍ക്കുള്ള പ്രാധാന്യം സംബന്ധിച്ച്‌ ആ മേഖലയിലെ പലപ്രമുഖരുടെയും അഭിപ്രായം ദായ്‌ ഗ്രിഫിത്‌സ് സംഗ്രഹിച്ചിട്ടു‍ണ്ട്‌.
1. വരികളുടെ അര്‍ത്ഥം തിരയുക സാമൂഹികശാസ്ത്രജ്ഞരുടെ പണിയാണ്‌, ഞങ്ങളത്‌ നോക്കാറില്ല.
2. പാട്ട്‌ ഹിറ്റായി ആളുകള്‍ ഒപ്പം ഡാന്‍സുചെയ്യാന്‍ തുടങ്ങിയാല്‍പ്പിന്നെ‍ അതിലെ വരികള്‍ എത്ര തല്ലിപ്പൊളിയാണെങ്കിലും ഒന്നു‍രണ്ടുകൊല്ലത്തേക്ക്‌ ആരുമതറിയില്ല.
3. പാട്ടു‍കാരന്‍ പെര്‍ഫോം ചെയ്യുതൊന്നും വരികളില്‍ കാണില്ല; വരികള്‍ക്കപ്പുറമാണതെല്ലാം.
4. സംഗീതചര്‍ച്ചയിലെ അശ്ലീലപദമാണ്‌ കവിത. ഇതെല്ലാം നമുക്കും ബാധകമാണെന്നും കാണാം.
സമകാലഗാനങ്ങളെ പഴയ ക്ലാസിക്കുകളുമായി താരതമ്യം ചെയ്യുതില്‍ കുഴപ്പമുണ്ട്‌. ഒന്ന്‌, പഴയ അസംഖ്യം ഗാനങ്ങളില്‍ ദൃശ്യനിരപേക്ഷമായി കാലത്തെ അതിജീവിച്ചവയാണ്‌ ഇന്നും നമ്മള്‍ ഓര്‍ക്കുന്നത്‌. ഇന്നത്തെ പാട്ടു‍കളില്‍ എത്രയെണ്ണത്തിന്‌ നിലനില്പുണ്ടെന്ന്‌ പറയാറായിട്ടി‍ല്ല. മറ്റൊന്ന്‌, ക്ലാസിക്‌ ആവുക എന്നത്‌ പുതിയപാട്ടു‍കളുടെ ലക്ഷ്യമേയല്ല.
ജനപ്രിയമായ ഒരുഗാനത്തിന്റെ വാക്യഘടനയിലൂടെ കടന്നുപോകാം.

കിഴക്കുപൂക്കും മുരിക്കിനെന്തൊരു ചൊകചൊകപ്പാണേ
പുതുക്കപ്പെണ്ണിന്‍ കവിളിലെന്തൊരു തുടുതുടുപ്പാണേ
എനിക്കുനെഞ്ചില്‍ കരിക്കുമായി പറന്നുവന്നൊരുമാരന്‍
തുടിക്കും കണ്ണില്‍ കനവുമായി തിരഞ്ഞുവൊരു തോഴന്‍
ഖല്‍ബിലെത്തീ (5)
പൂവാണോ പൂവാണോ പൊന്നി‍ളവെയിലോ പൊന്നി‍ളവെയിലോ
തേനൂറും തേനൂറും പുഞ്ചിരിയാണോ
അലകള്‍ ഞൊറിയണ പാല്‍നിലാവോ
പാല്‍നിലാവോ തേന്‍കിനാവോ നാണമോ
പെരിശമാകും ചിറകുവീശി അരുമയായിനി കുറുകുവാന്‍
ഖല്‍ബിലെത്തീ (5)
ശവ്വാലിന്‍ പട്ടു‍റുമാലിന്‍ പൂതുന്നും അമ്പിളിപോലെ
മൊഴികള്‍ മൌനത്തിന്‍ കസവുനൂലില്‍ കനകനൂലില്‍ കോര്‍ക്കുവാന്‍
അരിയമഞ്ഞിന്‍ കുളിരുമേകി കറുകനാമ്പുകളുണരുവാന്‍
ഖല്‍ബിലെത്തീ (5) (അന്‍വര്‍ ,2010, റഫീക്ക്‌ അഹമ്മദ്‌)

പൂവ്‌, തേന്‍, ഇളവെയില്‍, നിലാവ്‌, നാണം, അല, മൌനം തുടങ്ങി ഗാനോചിതങ്ങളാണ്‌ ഇതിലെ വാക്കുകളെല്ലാം. പുതുക്കപ്പെണ്ണ്‌, ഖല്‍ബ്‌, ശവ്വാല്‍, പട്ടു‍റുമാല്‍ എന്നീ‍ പദങ്ങളിലൂടെ ഒപ്പനയുടെ അന്തരീക്ഷവും ഒരുക്കിയിട്ടു‍ണ്ട്‌. സുന്ദരവും മതേതരവുമായ വാക്കുകളും ഒപ്പം സന്ദര്‍ഭനിഷ്ഠമായി മതാത്മകപദങ്ങളും. ഒടുവില്‍ പക്ഷേ, കറുക എന്നൊരു 'സവര്‍ണഫാസിസ്റ്റു' പദം കയറിവന്നതുകാണാം. ശ്രദ്ധക്കുറവാണ്‌ പ്രശ്നം.
കസ്തൂരിത്തൈയിലമിട്ട് ‌, മയില്‍പ്പീലിക്കണ്ണുകൊണ്ട്‌ തുടങ്ങി, എന്റെ ഖല്‍ബിലെ വരെയുള്ള പാട്ടു‍കളെല്ലാം ഇതേ രചനാതന്ത്രം തന്നെയാണ്‌ ഉപയോഗിച്ചിരിക്കുന്നത്‌.
പല്ലവിയെഴുതുമ്പോള്‍ കാണിച്ച ശ്രദ്ധ പിന്നീ‍ടില്ല. വിജാതീയങ്ങളെ വികല്‍പനിപാതം കൊണ്ടു ബന്ധപ്പെടുത്തുക തുടങ്ങിയ വ്യാകരണത്തെറ്റുകള്‍ ഒഴിവാക്കിയാല്‍ പോലും മൊത്തത്തില്‍ എന്തെങ്കിലും ഉദ്ദേശിച്ചിട്ടു‍ണ്ടോ എന്നു‍ വ്യക്തമല്ല.

സവിശേഷമായി ഒരാശയം അവതരിപ്പിക്കലല്ല പാട്ടി‍ന്റെ ലക്ഷ്യമെന്നുകാണാം. സംഘമായി നൃത്തംചെയ്യാനുള്ള പശ്ചാത്തലവിഭവം മാത്രമായി പദങ്ങള്‍ മാറുന്നു‍. അലോസരപ്പെടുത്തുന്ന വിഷമപദങ്ങള്‍ പാടില്ലെന്നേ‍യുള്ളൂ. നൃത്തത്തിനും ഉപകരണസംഗീതത്തിനും ഒപ്പം പോകുന്ന വോക്കല്‍ സപ്പോര്‍ട്ടു‍മാത്രമാണിത്‌. ഈ മാറ്റം ആലാപനത്തിലും കാണാം. വിഷാദാത്മകമായ, പശ്ചാത്തലസംഗീതം നാമമാത്രമാകുന്ന സന്ദര്‍ഭങ്ങളില്‍ വരികള്‍ക്ക്‌ സ്വയം നിലനില്ക്കാനുള്ള കെല്പുണ്ടായേ പറ്റൂ. വ്രീളാഭരിതയായ്‌ വീണ്ടുമൊരു പുലര്‍വേള (നഖക്ഷതങ്ങള്‍)എന്ന ഗാനം ഉദാഹരണം. താളപ്രധാനമല്ല, ഭാവപ്രധാനമാണ്‌ ഇത്തരം പാട്ടു‍കള്‍. മൂകം, വിമൂകം, വിധുരം, യാമം, ജന്മം, അകലെ, നീറുക, നോവ്‌, നൊമ്പരം തുടങ്ങിയ വാക്കുകള്‍ ചേരുംപടി ചേര്‍ത്ത്‌ രചിക്കപ്പെട്ടിട്ടും സംഗീതം കൊണ്ടുമാത്രം രക്ഷപ്പെട്ട പാട്ടു‍കളും കാണാം. ഗദ്ദാമയിലെ വിധുരമീ യാത്ര ഉദാഹരണം.
പുതിയ ഗാനങ്ങളെ വ്യത്യാസപ്പെടുത്തുന്ന ഭാഷാപരമായ സവിശേഷത ഇതാണ്‌. ഇവയിലെ ആശയപ്രകാശന ഏകകം വാക്ക്‌ ആണ്‌. പദതലത്തിലാണ്‌ ഗാനം സംവേദനം ചെയ്യപ്പെടുത്‌. കവിതാഗുണമവകാശപ്പെടുന്ന പഴയവയാകട്ടെ വാക്യ, പ്രകരണതലങ്ങളിലാണ്‌ അര്‍ത്ഥസംവേദനം സാധിക്കുന്നത്‌. ചലച്ചിത്രഗാനങ്ങളിലെ ഭാഷാപരിണാമമെന്നത്‌, വാക്യ/പ്രകരണ തലങ്ങളില്‍ നിന്ന് പദതലത്തിലേക്കുള്ള ചുവടുമാറ്റമാണ്‌. ദൃശ്യതലത്തില്‍ ഇതിനുസമാന്തരമായി, നീണ്ട ഷോട്ടു‍കള്‍ ചെറുഷോട്ടു‍കള്‍ക്കും ലളിതമായ പശ്ചാത്തലങ്ങള്‍ ദൃശ്യസമൃദ്ധിക്കും വഴിമാറി. മീഡിയം ഷോട്ടു‍കളുടെ സ്വാഭാവികത അതിസമീപദൃശ്യങ്ങളുടെ മായികതയ്ക്കും വഴിമാറി. അര്‍ത്ഥയുക്തമായ വാക്യങ്ങള്‍ ചിതറിയപദസമൂഹമായി മാറുന്നു‍, അനുഭൂതിയെ അര്‍ത്ഥത്തിനു പകരം വെക്കുന്നു‍. ലളിതകോമളകാന്തപദാവലികളാല്‍ സൌന്ദര്യാനുഭൂതി സൃഷ്ടിക്കാമെന്നും ഈ പുകമറയില്‍ രക്ഷപ്പെടാമെന്നുമുള്ള രഹസ്യം കവിത തന്നെയാവാം പാട്ടി‍ന്‌ പറഞ്ഞുകൊടുത്തത്‌.

ന്യൂ ജനറേഷന്‍ ഗാനങ്ങള്‍ നിലനില്‍ക്കുമോ എന്ന കാര്യത്തില്‍ സംശയമുണ്ടെന്ന് ഗായകന്‍ പി ജയചന്ദ്രന്‍. ഇത് സിനിമാ ഗാനങ്ങളുടെ നിലനില്‍പ്പിനെ ബാധിച്ചിട്ടുണ്ട്. റിയാലിറ്റി ഷോകള്‍ ബിസനസ്സുകളായി മാറുകയാണെന്നും പി ജയചന്ദ്രന്‍ കുറ്റപ്പെടുത്തി. പുതിയ സിനിമകളില്‍ ഗാനങ്ങള്‍ ആവശ്യമുള്ള കഥാ സന്ദര്‍ഭങ്ങള്‍ ഉണ്ടാകുന്നില്ലെന്നും ജയചന്ദ്രന്‍ പറഞ്ഞു.

പുതിയ സിനിമകളിലെ പല ഗാനങ്ങളും കഥാ സന്ദര്‍ഭങ്ങള്‍ക്ക് അനുയോജ്യമാകുന്നില്ലെന്ന് പി ജയചന്ദ്രന്‍ പറയുന്നു. മെലഡികള്‍ക്ക് മാത്രം നിലനില്‍പ്പുള്ള കാലമാണിത്. ന്യൂ ജനറേഷന്‍ ഗാനങ്ങള്‍ നിലനില്‍ക്കുമോ എന്ന കാര്യത്തില്‍ സംശയമുള്ളതായും ജയചന്ദ്രന്‍ പറഞ്ഞു.

പുതിയ സംഗീത സംവീധായകരിലും പ്രതിഭകളുണ്ട്. പാട്ടുകാര്‍ക്ക് നല്ല പാട്ടുകള്‍ ഉണ്ടാവണം. പുതിയ ഗായകരെ സൃഷ്ടിക്കുന്ന റിയാലിറ്റി ഷോകള്‍ പലപ്പോഴും ബിസനസ്സുകളായി മാത്രം മാറുന്നതായും ജയചന്ദ്രന്‍ കുറ്റപ്പെടുത്തി.

പിന്നണി ഗാനരംഗത്ത് സുവര്‍ണ്ണ ജൂബിലി വര്‍ഷമാണ് ജയചന്ദ്രനിത്.സ്വര്‍ണ്ണഗോപുര നര്‍ത്തകി ശില്‍പ്പം ജയചന്ദ്രന് ആദരമര്‍പ്പിക്കാന്‍ അടുത്ത ആഴ്ച കൊച്ചിയില്‍ സംഗീത നിശയും സംഘടിപ്പിച്ചിട്ടുണ്ട്.

  

പാട്ടിനു ഫുള്‍ മാര്‍ക്ക്‌   

അന്‍വറിലെ ഖല്‍ബിലെത്തീ...ഉസ്‌താദ്‌ ഹോട്ടലിലെ ചെഞ്ചുണ്ടില്‍... 1983ലെ ഓലഞ്ഞാലിക്കുരുവീ... ബാംഗ്ലൂര്‍ ഡെയ്‌സിലെ മാംഗല്യം... എന്നിങ്ങനെ ഒരു പിടി ഹിറ്റുഗാനങ്ങള്‍ മലയാളത്തിനു സമ്മാനിച്ച യുവ സംഗീതസംവിധായകന്‍ ഗോപീസുന്ദര്‍ മുന്‍നിരയിലേക്ക്‌.
പല ക്ലാസുകളിലും തോറ്റുതോറ്റ്‌ ഗോപി സുന്ദര്‍ എന്ന പയ്യന്‍ പത്താം ക്ലാസിലും തോറ്റു. അതായിരുന്നു അവസാന തോല്‍വി. അതോടെ വീട്ടുകാര്‍ ഗോപിയെ സ്വന്തം പാട്ടിനുവിട്ടു. പിന്നീടു പാട്ടിന്റെ പരീക്ഷകളിലെല്ലാം ഗോപി നേടിയതു ഫുള്‍മാര്‍ക്കും സ്വര്‍ണ പതക്കങ്ങളും.
സിനിമാ സംഗീത രംഗത്ത്‌ സ്വന്തം ഇടം കണ്ടെത്തിയ ആളാണിന്നു ഗോപി സുന്ദര്‍. സംഗീതം സാങ്കേതിക വിദ്യയുമായി കൂട്ടുചേര്‍ന്നപ്പോള്‍ മാധുര്യമിരട്ടിച്ചകാര്യം മലയാളി മനസിലാക്കിയത്‌ ഗോപിയുടെ പാട്ടുകള്‍ കേട്ടപ്പോഴാണ്‌. ഈണംനല്‍കിയ പാട്ടുകളിലെ വ്യത്യസ്‌തതയ്‌ക്കൊപ്പം പശ്‌ചാത്തല സംഗീതത്തിലെ പുതുമകൊണ്ടുകൂടിയാണ്‌ ഗോപി ശ്രദ്ധേയനായത്‌. കടന്നുവന്ന പാട്ടുവഴികളെക്കുറിച്ച്‌ ഗോപി പറയുന്നു.
? സിനിമയില്‍ ഇപ്പോള്‍ ന്യൂ ജെനറേഷന്‍ കാലമാണല്ലോ. പാട്ടിലും അങ്ങനെയൊരു ന്യൂ ജെനറേഷന്‍ ഉണ്ടോ
ജെനറേഷന്‍ വ്യത്യാസമുണ്ട്‌. എന്നാല്‍ അതു പാട്ടിലല്ല കേള്‍ക്കുന്നവരുടെ താല്‍പര്യങ്ങളിലാണെന്നുമാത്രം. പ്രേക്ഷകരുടെ താല്‍പര്യങ്ങള്‍ മാറിയതുകൊണ്ടാണ്‌ ഇപ്പോള്‍ സിനിമ മാറിയത്‌. അത്തരം സിനിമകള്‍ ആവശ്യപ്പെടുന്ന സംഗീതമാണ്‌ ഞാന്‍ ചെയ്യുന്നത്‌. സാഗര്‍ ഏലിയാസ്‌ ജാക്കിപോലൊരു സിനിമയ്‌ക്ക് പഴയ മട്ടിലുള്ള പാട്ട്‌ ചേരില്ലല്ലോ.
? ഇപ്പോഴും ഫോണ്‍ ഇന്‍ പ്രോഗാമുകളിലും മറ്റും ആളുകള്‍ ആവശ്യപ്പെടുന്നത്‌ എണ്‍പതുകളിലെ ഗാനങ്ങളാണല്ലോ
ദേവരാജന്‍ മാസ്‌റ്ററുടേയും ബാബുരാജിന്റെയുമൊക്കെ ആരാധകനാണു ഞാന്‍. പക്ഷേ ഇപ്പോഴത്തെ സിനിമകള്‍ക്കുവേണ്ടത്‌ അത്തരം പാട്ടുകളല്ല. എണ്‍പതുകളിലെ എല്ലാ പാട്ടുകളും നല്ലതാണെന്ന അഭിപ്രായവും എനിക്കില്ല. അന്നും നിലവാരമില്ലാത്ത പാട്ടുകള്‍ ഉണ്ടായിട്ടുണ്ട്‌. പക്ഷേ അതൊന്നും കാലത്തെ അതിജീവിച്ചില്ലെന്നുമാത്രം.
? എങ്ങനെയാണ്‌ പാട്ടിന്റെ വഴികളില്‍ എത്തിയത്‌
സ്വദേശം തൃശൂരാണെങ്കിലും ഞാന്‍ വളര്‍ന്നത്‌ എറണാകുളത്താണ്‌. സംഗീത പാരമ്പര്യമൊന്നുമുള്ള കുടുംബമായിരുന്നില്ല. അച്‌ഛന്‍ സുരേഷ്‌ബാബു എറണാകുളത്ത്‌ സിനിമാ തിയറ്റര്‍ നടത്തിയിരുന്നു. ചെറുപ്പംതൊട്ടേ പാട്ടില്‍ വലിയ കമ്പമായിരുന്നു. എവിടെയെങ്കിലും ഇരുന്നാല്‍ വെറുതേ താളം പിടിച്ചുകൊണ്ടിരിക്കും. അങ്ങനെ ആറാം ക്‌ളാസ്‌ മുതല്‍ തബല പഠിക്കാന്‍തുടങ്ങി. വെറുമൊരു തമാശയ്‌ക്കു തുടങ്ങിയതാണെങ്കിലും പിന്നീടത്‌ ഗൗരവമായി.
? കുടുംബം
അച്‌ഛനും അമ്മയും ഇപ്പോള്‍ തൃശൂരാണു താമസം ഭാര്യ പ്രിയയും മക്കളായ പത്തുവയസുകാരന്‍ മാധവും എട്ടു വയസുകാരന്‍ യാദവും ചെന്നൈയിലാണ്‌.
? പത്താം ക്ലാസില്‍ തോറ്റ ആളാണെന്നു കേട്ടിട്ടുണ്ട്‌
പത്തില്‍മാത്രമല്ല പത്തിലെത്തുംവരെ പല ക്‌ളാസുകളിലും തോറ്റു.   അഞ്ചു സ്‌കൂളാണു മാറിയത്‌. ഒരിടത്തു തോറ്റുകഴിഞ്ഞാല്‍ പാസായെന്നുള്ള ടി.സി. വാങ്ങി അച്‌ഛന്‍ എന്നെ അടുത്ത സ്‌കൂളില്‍ ചേര്‍ക്കുന്നതായിരുന്നു പതിവ്‌.  

? സംഗീതത്തില്‍ മുഴുകിയതായിരുന്നോ പഠനം ഉഴപ്പാന്‍ കാരണം
പത്താം ക്‌ളാസ്‌ വരെ വേണ്ടതും വേണ്ടാത്തതുമായ എല്ലാം പഠിക്കണം, പത്തുകഴിഞ്ഞാല്‍ ഇഷ്‌ടമുള്ള കാര്യങ്ങള്‍ തെരഞ്ഞെടുത്തു പഠിക്കാം എന്നതാണല്ലോ രീതി. ഞാന്‍ അതു നേരത്തേ നടപ്പാക്കിയെന്നുമാത്രം. കണക്കും ഇംഗ്ലീഷും ജീവിതത്തില്‍ ആവശ്യമുള്ള കാര്യങ്ങളായതുകൊണ്ട്‌ അതൊക്കെ നന്നായി പഠിച്ചു. എനിക്ക്‌ ഉപകരിക്കില്ല എന്നു തോന്നിയതുകൊണ്ട്‌ കെമിസ്‌ട്രിയും ബയോളജിയുമൊന്നും പഠിച്ചില്ല. അങ്ങനെ എനിക്കു വേണ്ടതുമാത്രം പഠിച്ചപ്പോള്‍ ചില ക്ലാസുകളില്‍ തോറ്റു.
? സംഗീതം ജീവിതമാര്‍ഗമായി തെരഞ്ഞെടുക്കാന്‍ തീരുമാനിച്ചത്‌ എപ്പോഴാണ്‌
പത്തില്‍ തോറ്റതോടെ മറ്റേതെങ്കിലും കോഴ്‌സിനു ചേരാനുള്ള വഴിയടഞ്ഞു. പിന്നീടുള്ള ഒരു മാര്‍ഗം സംഗീതം പഠിക്കാന്‍ പോവുക എന്നതാണ്‌. അങ്ങനെയാണ്‌ അഡയാറിലേക്ക്‌ വണ്ടി കയറുന്നത്‌. അവിടെ വാദ്യവിശാരദ്‌ എന്ന സംഗീത കോഴ്‌സിനു ചേര്‍ന്നു. അതിന്‌ എട്ടാം ക്ലാസ്‌ ജയിച്ചാല്‍ മതിയായിരുന്നു. അവിടെ എനിക്ക്‌ താല്‍പര്യമുള്ള കാര്യങ്ങളായിരുന്നു പഠിക്കാനുണ്ടായിരുന്നത്‌. സ്‌കൂളില്‍ തോറ്റ ഞാന്‍ അവിടെ ഗോള്‍ഡ്‌ മെഡലില്‍ പാസായി.
? അതു കഴിഞ്ഞാണോ സിനിമാ സംഗീത രംഗത്ത്‌ എത്തുന്നത്‌
എന്റെ ജീവിതത്തില്‍ ഒരു കാര്യം കഴിഞ്ഞ്‌ മറ്റൊന്ന്‌ എന്ന രീതിയേ ഇല്ല. കാര്യങ്ങളെ ഒരു ബിസിനസ്‌ ആംഗിളില്‍ കാണുന്ന ആളാണു ഞാന്‍. സ്‌കൂളില്‍ പഠിക്കുന്ന സമയത്ത്‌ ഞാന്‍ സൈക്കിള്‍ വാടകയ്‌ക്കു കൊടുത്ത്‌ വട്ടച്ചെലവിനുള്ള കാശുണ്ടാക്കുമായിരുന്നു. വാദ്യവിശാരദ്‌ കോഴ്‌സിനു പഠിക്കുന്ന സമയത്തുതന്നെ ഔസേപ്പച്ചന്‍ സാറിന്റെ സഹായിയായിക്കൂടി. അതിനിടയ്‌ക്ക് കീബോര്‍ഡ്‌ വായിക്കാന്‍ പഠിക്കണമെന്നു തോന്നി ഒരു കീ ബോര്‍ഡ്‌ വാങ്ങി സ്വയം പഠിച്ചു. ഔസേപ്പച്ചന്‍ സാറിനൊപ്പം ജോലിചെയ്‌തിരുന്ന സമയത്തുതന്നെ പരസ്യചിത്രങ്ങള്‍ക്ക്‌ ഈണം പകരാന്‍ തുടങ്ങി.
? എങ്ങനെയാണ്‌ ഔസേപ്പച്ചന്റെ അടുത്തെത്തുന്നത്‌
എന്റെ അച്‌ഛനും ഔസേപ്പച്ചന്‍സാറും സഹപാഠികളായിരുന്നു. ആ ബന്ധം വച്ചാണ്‌ അദ്ദേഹം എന്നെ കൂടെ നിര്‍ത്തിയത്‌. ആദ്യമൊക്കെ കടയില്‍പോയി മുറുക്കാന്‍ വാങ്ങിക്കൊണ്ടു കൊടുക്കുന്ന തരത്തിലുള്ള ബന്ധമായിരുന്നു. പിന്നീട്‌ പാട്ടു കമ്പോസ്‌ ചെയ്യുമ്പോള്‍ കേട്ടു നില്‍ക്കാമെന്നായി. കുറച്ചു കഴിഞ്ഞപ്പോള്‍ അവിടെയിരുന്നു സംശയം ചോദിക്കാമെന്നായി.
പിന്നീട്‌ ചെറിയ അഭിപ്രായങ്ങള്‍ പറയാനുള്ള സ്വാതന്ത്ര്യം കിട്ടി. തുടര്‍ന്നുള്ള വര്‍ഷങ്ങളില്‍ അദ്ദേഹത്തിനുവേണ്ടി കീബോര്‍ഡില്‍ ഓര്‍ക്കസ്‌ട്ര സെറ്റുചെയ്യാനുള്ള ഭാഗ്യംവരെ കിട്ടി. ഞാന്‍ സ്വതന്ത്ര സംഗീത സംവിധായകനായ ശേഷവും പ്രാഞ്ചിയേട്ടന്‍ ആന്റ്‌ ദ സെയിന്റ്‌ എന്ന സിനിമവരെ അദ്ദേഹത്തിനൊപ്പം വര്‍ക്ക്‌ ചെയ്‌തു.
? എങ്ങനെയാണ്‌ ഹൃദ്യമായ ട്യൂണുകള്‍ സൃഷ്‌ടിക്കുന്നത്‌
എന്റെ തോന്നിയ വാസങ്ങളാണ്‌ എന്റെ പാട്ടുകളെന്നു വേണമെങ്കില്‍ പറയാം. എല്ലാ സൃഷ്‌ടി കഴിയുമ്പോഴും ആരോ നമ്മെക്കൊണ്ട്‌ എന്തോ ചെയ്യിക്കുകയായിരുന്നു എന്നു തോന്നാറുണ്ട്‌. ട്യൂണുകള്‍ അങ്ങനെയങ്ങ്‌ ഉണ്ടായിപ്പോവുന്നതാണ്‌. ദൈവത്തിനെ നേരില്‍ കാണുന്നതുപോലെയുള്ള ഒരു നിമിഷാര്‍ദ്ധത്തിലാണ്‌ പുതിയ ഈണങ്ങള്‍ വന്നു പിറക്കുന്നത്‌. അതിനെ ഊതിപ്പിടിപ്പിച്ചു പാട്ടാക്കിമാറ്റുകയാണ്‌.
വാതില്‍തുറക്കുമ്പോഴുള്ള വിജാഗിരിയുടെ കരച്ചില്‍, രണ്ടു ബസ്സുകള്‍ ഹോണടിച്ച്‌ കടന്നുപോകുന്ന ശബ്‌ദം, ചായക്കടയില്‍ ഇരിക്കുമ്പോള്‍ കാതില്‍വന്നു വീഴുന്ന ഏതോ പാട്ടിന്റെ ശകലം അങ്ങനെ പലതില്‍നിന്നുമാണ്‌ എന്റെ പാട്ടുകള്‍ പിറന്നിട്ടുള്ളത്‌.
? ഗോപിയുടെ ചില ഈണങ്ങള്‍ അനുകരണങ്ങളാണെന്നും വിമര്‍ശനമുണ്ടല്ലോ
അല്ല എന്നു ഞാന്‍ പറയില്ല. ഒന്നില്‍നിന്നേ മറ്റൊന്നുണ്ടാവൂ. പാട്ടുണ്ടാക്കാനുള്ള ഒരു ത്രെഡ്‌ നമുക്ക്‌ കിട്ടുന്നത്‌ ചിലപ്പോള്‍ മറ്റൊരു പാട്ടില്‍നിന്നാവാം. പാട്ടുണ്ടാക്കാനുള്ള ഘടകങ്ങള്‍ എവിടെനിന്നു കിട്ടി എന്നതല്ല പാട്ടുകള്‍ ആളുകള്‍ക്ക്‌ ഇഷ്‌ടപ്പെടുന്നുണ്ടോ എന്നതാണു കാര്യം.
? പശ്‌ചാത്തലസംഗീതം ചെയ്യുന്നതാണോ ഈണം നല്‍കുന്നതാണോ കൂടുതല്‍ ശ്രമകരം.
സംഗീതബോധമുള്ള ആര്‍ക്കുവേണമെങ്കിലും ട്യൂണ്‍ ചെയ്യാം. അമ്മമാര്‍ ചിലപ്പോള്‍ താരാട്ടുപാടുന്നത്‌ പുതിയ ട്യൂണുകളിലായിരിക്കും. എന്നാല്‍ സിനിമയുടെ പശ്‌ചാത്തല സംഗീതം അങ്ങനെയല്ല. അത്‌ ശ്രമകരമായ ജോലിയാണ്‌. പശ്‌ചാത്തല സംഗീതം എവിടെ തുടങ്ങണം എവിടെ അവസാനിപ്പിക്കണം എന്ന്‌ സംഗീതം നല്‍കുന്നയാള്‍ക്ക്‌ അറിവുണ്ടായിരിണം.
പശ്‌ചാത്തല സംഗീതത്തിലൂടെ ഒരു രംഗം ഗൗരവമുള്ളതോ തമാശയോ ആക്കിമാറ്റാം. ബിഗ്‌ ബി എന്ന സിനിമയില്‍ ചില സീനുകളില്‍ മമ്മൂട്ടിക്ക്‌ സംഭാഷണമില്ല. നോട്ടം മാത്രമേ ഉള്ളൂ. പശ്‌ചാത്തല സംഗീതത്തിലൂടെയാണ്‌ കമ്യൂണിക്കേഷന്‍ നടക്കുന്നത്‌.

? സംഗീത സംവിധായകന്‍ എന്ന നിലയില്‍ അമിതമായി ഉപയോഗിക്കപ്പെടുന്നു എന്നു തോന്നുന്നുണ്ടോ
വ്യത്യസ്‌ത സാഹചര്യങ്ങളില്‍ പ്രവര്‍ത്തിക്കാന്‍ ശ്രദ്ധിക്കാറുണ്ട്‌. സ്‌ഥിരം പാറ്റേണിലുള്ള പാട്ടുകള്‍ മനപ്പൂര്‍വം ഒഴിവാക്കും. പുതിയ സംവിധായകര്‍ക്കൊപ്പം വ്യത്യസ്‌തമായ സ്‌ക്രിപ്‌റ്റുകള്‍ക്കുവേണ്ടി പ്രവര്‍ത്തിക്കണം എന്നതാണ്‌ ലക്ഷ്യം. അതിനുവേണ്ടി 'ഗോപി സുന്ദര്‍ മ്യൂസിക്ക്‌ കമ്പനി' എന്ന പേരില്‍ ഒരു സംരംഭം ആലോചിക്കുന്നുണ്ട്‌.
പുതുതായി ഈ രംഗത്ത്‌ പ്രവര്‍ത്തിക്കാന്‍ താല്‍പര്യമുള്ള ആളുകളുടെ കൂട്ടായ്‌മയാണ്‌ ഇത്‌. നല്ല പ്ര?ജക്‌ടുമായി വരുന്ന ചെറിയ നിര്‍മാതാക്കള്‍ക്കുവേണ്ടി സിനിമയുടെ സംഗീത ജോലികള്‍ ചെയ്‌തുകൊടുക്കുക എന്നതാണ്‌ ഉദ്ദേശിക്കുന്നത്‌. പകരം സിനിമയിലെ ഗാനങ്ങളുടെ പകര്‍പ്പവകാശംമാത്രം കമ്പനി പ്രതിഫലമായി സ്വീകരിക്കും.
? സ്‌ഥിരം ഗായകരെ ഒഴിവാക്കി അഭിനേതാക്കളെക്കൊണ്ടുതന്നെ പാടിക്കുന്നത്‌
നന്നായി ഫൈറ്റ്‌ ചെയ്യുന്ന നായകന്‌ ഡ്യൂപ്പ്‌ വേണ്ടല്ലോ. അതുപോലെ നന്നായി പാടുന്ന നടനോ നടിക്കോ മറ്റൊരാളുടെ ശബ്‌ദം കടംവാങ്ങേണ്ട ആവശ്യമില്ല. പഴയ ചില സിനിമകളില്‍ പരുക്കന്‍ ശബ്‌ദമുള്ള നായകന്‍ പെട്ടെന്നു മധുരമുള്ള ശബ്‌ദത്തില്‍ പാടുന്നതു കണ്ടിട്ട്‌ എനിക്ക്‌ തമാശ തോന്നിയിട്ടുണ്ട്‌.
പൃഥ്വിരാജ്‌, രമ്യാ നമ്പീശന്‍, നസ്രിയ, മമ്‌ത എന്നിവരൊക്കെ മികച്ച പാട്ടുകാരാണ്‌. പുതിയ സിനിമയായ ഹണ്‍ഡ്രഡ്‌ ഡിഗ്രി സെല്‍ഷ്യസില്‍ ശ്വേത, അനന്യ, ഭാമ, മേഘ്‌ന എന്നിങ്ങനെ നാല്‌ അഭിനേതാക്കള്‍ പാടുന്നുണ്ട്‌
? മലയാള സിനിമയില്‍ മുന്‍പും അഭിനേതാക്കള്‍ പാടിയിട്ടുണ്ട്‌. അതു പലപ്പോഴും പ്രേക്ഷകര്‍ക്കുള്ള ശിക്ഷയായിപ്പോയി എന്ന വിമര്‍ശനവും ഉണ്ടായിട്ടുണ്ട്‌
പാടാന്‍ കഴിവുള്ള അഭിനേതാക്കളെക്കൊണ്ട്‌ പാടിപ്പിക്കുന്നതില്‍ തെറ്റില്ല. അല്ലാതെ വരുമ്പോഴാണ്‌ അതു പ്രേക്ഷകര്‍ക്ക്‌ ശിക്ഷയാവുന്നത്‌. ഞാന്‍ പാടിപ്പിച്ചിട്ടുള്ള അഭിനേതാക്കളെല്ലാം നന്നായി പാടാന്‍ കഴിവുള്ളവര്‍തന്നെയാണ്‌. അഭിനേതാക്കള്‍ കൊടുക്കുന്ന ഫീല്‍ പലപ്പോഴും പിന്നണിഗായകര്‍ക്ക്‌ നല്‍കാന്‍ കഴിയാറില്ല എന്നതാണ്‌ എന്റെ അനുഭവം.
പണ്ടത്തേതില്‍നിന്ന്‌ ഇപ്പോള്‍ സാങ്കേതികവിദ്യ വളരെ വളര്‍ന്നിരിക്കുന്നു. പാടുമ്പോഴുള്ള കുറവുകളൊക്കെ ഇപ്പോള്‍ കമ്പ്യൂട്ടറിലൂടെ പരിഹരിക്കാന്‍ കഴിയും. തൊണ്ടയിലൂടെ ഭാവം വരുത്താന്‍ കഴിയുന്ന ആര്‍ക്കും പാടാം. സ്വരമാധുര്യവും ശ്രുതിയുമെല്ലാം പിന്നീട്‌ ശരിപ്പെടുത്താവുന്നരീതിയിലേക്ക്‌ സാങ്കേതികവിദ്യ വളര്‍ന്നിരിക്കുന്നു. പക്ഷേ സംഗീത സംവിധായകന്‌ അത്‌ ഉപയോഗിക്കാന്‍ അറിയണം എന്നുമാത്രം.
? ഇന്നു മലയാളത്തില്‍ സാങ്കേതിക വിദ്യ ഉപയോഗിക്കാന്‍ പ്രാഗത്ഭ്യമുളള ആളായാണ്‌ ഗോപി അറിയപ്പെടുന്നത്‌. എങ്ങനെയാണ്‌ അതു കൈവരിച്ചത്‌
അതെല്ലാം ഞാന്‍ സ്വയം പഠിച്ചതാണെന്നു വേണമെങ്കില്‍ പറയാം. പത്താം ക്‌ളാസ്‌ സര്‍ട്ടിഫിക്കറ്റ്‌ പോലും ഇല്ലാതിരുന്നതുകൊണ്ട്‌ കോഴ്‌സിനു ചേര്‍ന്നു കമ്പ്യൂട്ടര്‍ പഠിക്കാനുള്ള സാഹചര്യം ഉണ്ടായിരുന്നില്ല. ആദ്യം തെറ്റുകളും അബ്‌ദ്ധങ്ങളുമൊക്കെ ചെയ്‌ത് പിന്നീടത്‌ പരിഹരിച്ചാണ്‌ ഞാന്‍ പഠിച്ചത്‌. ആദ്യ കാലത്ത്‌ ഒരു മ്യൂസിക്‌ ഫയല്‍ എങ്ങനെ സേവ്‌ ചെയ്യണം എന്നറിയാതെ ഞാന്‍ വിഷമിച്ചിട്ടുണ്ട്‌. സ്വന്തമായി മ്യൂസിക്‌ കീബോര്‍ഡ്‌ വാങ്ങിയാണ്‌ വായിക്കാന്‍ പഠിച്ചത്‌.

? ഏകദേശം പതിനെട്ടു വര്‍ഷക്കാലം പിന്നണിയില്‍ മാത്രം പ്രവര്‍ത്തിച്ചശേഷമാണ്‌ ഗോപി സ്വതന്ത്രമായി സിനിമാ സംഗീതം ചെയ്യുന്നത്‌. എന്തായിരുന്നു ഇത്രവലിയ ഗ്യാപ്പ്‌
സംഗീതം എനിക്ക്‌ ജീവിതമാര്‍ഗമായിരുന്നെങ്കിലും സിനിമ ഒരിക്കലും എന്റെ സ്വപ്‌നമായിരുന്നില്ല. സിനിമയില്‍ വരും മുമ്പ്‌ അയ്യായിരത്തിലധികം പരസ്യങ്ങള്‍ക്ക്‌ ഈണം പകര്‍ന്നിരുന്നു. അതു സ്‌ഥിര വരുമാനമാര്‍ഗമായിരുന്നു. പിന്നീട്‌ വിവാഹമൊക്കെ കഴിഞ്ഞ്‌ സെറ്റില്‍ഡായ ശേഷമാണ്‌ സിനിമയില്‍ ഒരു കൈ നോക്കുന്നത്‌. അപ്പോഴും സിനിമ സ്‌ഥിരം തട്ടകമാക്കണം എന്ന ഉദ്ദേശം ഉണ്ടായിരുന്നില്ല. വല്ലപ്പോഴും ഒരു സിനിമ ചെയ്യുക എന്നതുമാത്രമായിരുന്നു ഉദ്ദേശം. ചെയ്‌ത പാട്ടുകള്‍ ആളുകള്‍ക്ക്‌ ഇഷ്‌ടപ്പെടുന്നു എന്നു തോന്നിയതുകൊണ്ടാണ്‌ ഈ രംഗത്ത്‌ തുടര്‍ന്നത്‌.
? ന്യൂ ജനറേഷന്‍ സിനിമയില്‍ പുതിയ ഒരുപാടുപേര്‍ക്ക്‌ അവസരം ലഭിക്കുന്നുണ്ടെങ്കിലും പുതിയ ഗായകര്‍ക്ക്‌ അവസരം കുറയുന്നത്‌ എന്തുകൊണ്ടാണ്‌.
പ്ലേബാക്‌ സിങ്ങിംഗ്‌ എന്നത്‌ അത്ര നിസാരമായ കാര്യമല്ല. ഒരു സംഗീത സംവിധായകന്റെ ആശയത്തിനു ജീവന്‍ കൊടുക്കുകയാണ്‌ ഒരു പിന്നണിഗായകന്‍ ചെയ്യേണ്ടത്‌.
മ്യൂസിക്‌ റിയാലിറ്റി ഷോകളിലൂടെ നൂറുകണക്കിന്‌ പുതിയ ഗായകരാണ്‌ ഓരോ വര്‍ഷവും വരുന്നത്‌. വലിയ പിന്നണിഗായകരാകണം എന്നാഗ്രഹിച്ചാണ്‌ മാതാപിതാക്കള്‍ റിയാലിറ്റി ഷോകളിലേക്കു കുട്ടികളെ അയക്കുന്നത്‌. എന്നാല്‍ റിയാറ്റി ഷോകളിലെല്ലാം നേരത്തേ സൃഷ്‌ടിക്കപ്പെട്ട പാട്ടുകള്‍ അതേപടി അനുകരിക്കുന്നതിനാണ്‌ മാര്‍ക്ക്‌. അങ്ങനെയുള്ളവര്‍ നല്ല ഗാനമേളക്കാര്‍ ആകും ഒരിക്കലും നല്ല പിന്നണിഗായകരാവില്ല.
? റിയാലിറ്റി ഷോയിലൂടെ വരുന്നവര്‍ മികച്ച ഗായകരല്ല എന്നാണോ
മികച്ച ഗായകരായിരിക്കാം എന്നാല്‍ പിന്നണിഗായകര്‍ ആവണമെന്നില്ല. റിയാലിറ്റി ഷോകളില്‍ തിളങ്ങുന്നവരില്‍ അപൂര്‍വം ചിലര്‍ക്കേ പിന്നണിപാടാന്‍ കഴിവുള്ളൂ. ഞാന്‍ അനുഭവത്തില്‍നിന്നാണു പറയുന്നത്‌. നിരവധിപേരെ ഞാന്‍ പാടിച്ചു നോക്കി. നമ്മള്‍ പാടിക്കൊടുക്കുന്നത്‌ അതുപോലെ തിരിച്ചു പാടിത്തരുകയാണ്‌ അവര്‍ ചെയ്യുന്നത്‌. അവരുടെ ഭാഗത്തുനിന്ന്‌ യാതൊരു സംഭാവനയും ഇല്ല. റിയാലിറ്റി ഷോകളില്‍ പാട്ടുകളെ അനുകരിക്കാനുള്ള പരിശീലനമാണ്‌ കിട്ടുന്നത്‌.
? കഴിവുള്ള പുതിയ ഗായകര്‍ അറിയപ്പെടാനുള്ള അവസരം കിട്ടുന്നുണ്ടല്ലോ
അവരൊക്കെ എവിടെ എത്തിനില്‍ക്കുന്നു എന്നുകൂടി നോക്കുന്നത്‌ നന്നായിരിക്കും. വിരലില്‍ എണ്ണാവുന്നവര്‍ക്കേ സിനിമയിലോ അതുപോലെയുള്ള മീഡിയത്തിലോ അവസരം കിട്ടിയിട്ടുള്ളൂ. സിനിമയില്‍ പാടാന്‍ അവസരം കിട്ടുന്നതിന്‌ റിയാലിറ്റിഷോ ഒരിക്കലും നല്ല മാര്‍ഗമല്ല.
? സാധാരണക്കാരായ ആളുകള്‍ക്ക്‌ പിന്നെ എന്താണു മാര്‍ഗം
ചന്ദ്രലേഖ എന്ന ഒരു യുവതിക്ക്‌ സിനിമയില്‍ പാടാന്‍ കഴിഞ്ഞത്‌ റിയാലിറ്റി ഷോയില്‍ പങ്കെടുത്തിട്ടല്ലല്ലോ. പാടാനുള്ള കഴിവുണ്ടെങ്കില്‍ പാട്ട്‌ മൊബൈലില്‍ റെക്കോഡ്‌ ചെയ്‌ത് യൂ ട്യൂബില്‍ ഇട്ടാല്‍ മതി. നല്ലതാണെങ്കില്‍ ജനങ്ങള്‍ അത്‌ ഏറ്റെടുത്തോളും. അവസരങ്ങള്‍ തേടിവരും. ഒരു ജഡ്‌ജിന്റെ മുമ്പിലും തൊഴുതുനില്‍ക്കേണ്ടിവരില്ല.
? റിയാലിറ്റി ഷോകളിലെ വിധികര്‍ത്താക്കളോട്‌ അഭിപ്രായ വ്യത്യാസമുണ്ടോ
വിധികര്‍ത്താക്കളില്‍ മിക്കവരും കഴിവും അനുഭവ സമ്പത്തുമൊക്കെ ഉള്ളവരാണ്‌. എന്നാല്‍ ചിലരുടെ സമീപനത്തോട്‌ എനിക്കു വിയോജിപ്പുണ്ട്‌. കുട്ടികള്‍ ഒറിജിനലില്‍നിന്ന്‌ അല്‍പം വ്യതിചലിച്ചു പാടിയാല്‍ അവരെ ശാസിക്കുന്നതു കണ്ടിട്ടുണ്ട്‌. അതൊക്കെ അവരുടെ പ്രതിഭ നശിപ്പിക്കും. മറ്റു ചിലര്‍ക്കാവട്ടെ പാട്ടു പാടുന്നവരെയല്ല പാട്ടിനേയും അതുണ്ടാക്കിയവരേയും വിധിക്കാനാണ്‌ ഉത്സാഹം. ഇതെന്തുപാട്ടാണ്‌, ഇങ്ങനത്തെ പാട്ട്‌ എന്തിനാണ്‌ പാടാന്‍ തെരഞ്ഞെടുത്തത്‌ എന്നെല്ലാം ചോദിക്കുന്നത്‌ മര്യാദയല്ല.