Subject: Re: FILM News, Discussion...6 Sun Sep 22, 2013 6:03 am
മോഹന്‍ലാലിന്റെ ചിക്കന്‍പോക്‌സ് കാലം 'ആഘോഷകാലം'!
സൂപ്പര്‍താരം മോഹന്‍ലാല്‍ തിരിച്ചടികള്‍ നേരിട്ടാലും പോസിറ്റീവ്‌ ചിന്തകൊണ്ട്‌ അതിനെ മറികടക്കും. ഇക്കാര്യം അദ്ദേഹത്തിന്റെ പുതിയ ബ്ലോഗ്‌ പോസ്‌റ്റ് കണ്ടാല്‍ മനസ്സിലാവും. കഴിഞ്ഞ രണ്ടാഴ്‌ചയായി ചിക്കന്‍പോക്‌സ് പിടിപെട്ട്‌ വിശ്രമത്തിലായിരുന്ന താരം തന്റെ രോഗാനുഭവം 'രോഗത്തിന്റെ ചില്ലയില്‍ ചില പൂക്കള്‍' എന്ന പോസ്‌റ്റിലൂടെ മറ്റുളളവരുമായി പങ്കുവയ്‌ക്കുന്നു. തമിഴ്‌ ചിത്രം ജില്ലയുടെ ഷൂട്ടിംഗിനിടെയാണ്‌ മോഹന്‍ലാല്‍ രോഗബാധിതനായത്‌. വിശ്രമമില്ലാതെ ഓടിക്കൊണ്ടിരിക്കുന്ന തന്നെ തനിക്കുമാത്രമായി തിരിച്ചു കിട്ടുന്ന സുഖമാണ്‌ ഈ ദിവസങ്ങളില്‍ അനുഭവിച്ചതെന്ന്‌ താരം പറയുന്നു. സാധാരണഗതിയില്‍ അസുഖം വന്നാല്‍ മറ്റുളളവരെ ബുദ്ധിമുട്ടിക്കാതെ ജോലി തുടരുമായിരുന്നു. എന്നാല്‍, ഇത്തവണ പകര്‍ച്ചവ്യാധി പിടിപെട്ടതിനാല്‍ അതിനു കഴിഞ്ഞില്ല. അതിനാല്‍ രോഗകാലത്ത്‌ ഒന്നും ചെയ്യാതെ വെറുതെ കിടക്കുകയായിരുന്നു. രോഗത്തെ പേടിച്ചു തളരുന്നതും ശപിക്കുന്നതും അവഗണിക്കുന്നതും തെറ്റാണ്‌. രോഗങ്ങള്‍ സൂചകങ്ങളാണ്‌. ശരീരം എന്തിനോ ആവശ്യപ്പെടുകയാണ്‌. ചിലപ്പോളത്‌ വിശ്രമത്തിനാവാം ചിട്ടയായ ജീവിതക്രമത്തിനാവാം അല്ലെങ്കില്‍ ദുശ്ശീലങ്ങളില്‍ നിന്നുളള മോചനത്തിനുമാവാം. ഈ സിഗ്നലുകളെ അവഗണിച്ച്‌ മൂന്നോട്ടു പോയാല്‍ എവിടെയെങ്കിലും ഇടിച്ചു തകരും. ഓരോ രോഗാവസ്‌ഥയും ശരീരത്തെ കൂടുതല്‍ സ്‌നേഹിക്കാനും ആദരിക്കാനുമാണ്‌ തന്നെ പഠിപ്പിക്കുന്നതെന്നും മോഹന്‍ലാല്‍ പറയുന്നു. രോഗകാലം മാനസികമായ സ്വയം കണ്ടെത്തലിന്റെയും കാലമാണെന്ന്‌ താരം പറയുന്നു. മുന്നോട്ടുളള വഴികളെ കുറിച്ച്‌ മനുഷ്യര്‍ കൂടുതല്‍ ചിന്തിക്കുന്നത്‌ ഇക്കാലത്താണ്‌. തിരക്കുകള്‍ക്കിടയില്‍ ശ്രദ്ധിക്കാതെ പോകുന്ന പലകാര്യങ്ങളും കണ്ടു. പുറത്തെ ചെടിയില്‍ ഒരു പൂമ്പാറ്റ വന്നിരിക്കുന്നതിനുപോലും ഒരു അഴകുണ്ട്‌. നമ്മുടേതല്ലാത്ത ഒരു പ്രപഞ്ചവും നമുക്കു ചുറ്റും സ്‌പന്ദിക്കുന്നു. നാമാണ്‌ കേന്ദ്രമെന്ന്‌ വെറുതെ വിചാരിക്കുകയാണ്‌. വെറുമൊരു പനിയും അവിടവിടെ പൊന്തുന്ന ചെറിയ ഉണലുകളും മതി നാം കെട്ടിപ്പൊക്കി വച്ചിരിക്കുന്ന എല്ലാ അഹങ്കാരവും ശമിക്കാന്‍. 'രോഗത്തെ ആഘോഷമായി കാണുക' എന്ന ഓഷോയുടെ വാക്കുകളും മോഹന്‍ലാല്‍ ഇവിടെ പ്രയോഗിക്കുന്നു. ഇവിടെ ആഘോഷമെന്നാല്‍ ആട്ടവും പാട്ടവും എന്നല്ല പോസിറ്റീവ്‌ എന്നാണര്‍ഥമെന്ന്‌ പറയുന്ന ലാല്‍ പാഠങ്ങള്‍ പകര്‍ന്നു നല്‍കിയ രോഗകാലങ്ങള്‍ക്ക്‌ നന്ദി പറഞ്ഞാണ്‌ ബ്ലോഗ്‌ അവസാനിപ്പിക്കുന്നത്‌.
Abhijit Forum Boss
Subject: Re: FILM News, Discussion...6 Sun Sep 22, 2013 12:01 pm
2014ലെ ഓസ്കര്‍ വിദേശചിത്ര വിഭാഗത്തിലെ പുരസ്കാരത്തിന് ഇന്ത്യയെ പ്രതിനിധാനംചെയ്ത് ഗ്യാന്‍ കോറിയയുടെ ‘ദ ഗുഡ് റോഡ്’ മത്സരിക്കും. കമല്‍ഹാസന്റെവിശ്വരൂപം, കമലിന്റെമലയാളചിത്രം സെല്ലുലോയ്ഡ്, ഭാഗ് മില്‍ഖ ഭാഗ്, ഇംഗ്ളീഷ് വിംഗ്ളീഷ്, ദ ലഞ്ച് ബോക്സ് തുടങ്ങി വിവിധ ഭാഷകളിലെ 22 ചിത്രങ്ങളെ പിന്നിലാക്കിയാണ് ദേശീയ പുരസ്കാര നേട്ടവുമായി മുമ്പേ ശ്രദ്ധയാകര്‍ഷിച്ച ഗുജറാത്തി ചിത്രത്തിന് അവസാന നറുക്ക് വീണത്. ഗുജറാത്തിലെ കച്ചില്‍ അവധിയാഘോഷിക്കാനത്തെിയ കുടുംബത്തില്‍പെട്ട കുഞ്ഞിനെ കാണാതാവുകയും ഒടുവില്‍ കണ്ടത്തെുകയും ചെയ്യുന്നതാണ് സിനിമയുടെ ഇതിവൃത്തം. ‘ദ ഗുഡ് റോഡ്’ ഐകകണ്ഠ്യേനയാണ് തെരഞ്ഞെടുക്കപ്പെട്ടതെന്ന് 19 അംഗ ജൂറി ചെയര്‍മാന്‍ ഗൗതം ഘോഷ് പറഞ്ഞു. വഴിതെറ്റിയ ബാലനായി ഏഴു വയസ്സുകാരന്‍ കെവല്‍ കട്രോഡിയയാണ് വേഷമിട്ടത്. മഹ്ബൂബ് ഖാന്റെമദര്‍ ഇന്ത്യ (1957), മീരാ നായരുടെ സലാം ബോംബെ (1988), അശുതോഷ് ഗൗരിഘറുടെ ലഗാന്‍ (2001) എന്നിവ മാത്രമാണ് ഇതുവരെയായി ഇന്ത്യന്‍ ചലച്ചിത്രങ്ങളില്‍ ഓസ്കര്‍ അവസാന പട്ടികയില്‍ ഇടം നേടിയിരുന്നത്. . ‘ദ ഗുഡ് റോഡ്: അറിയേണ്ട പത്ത് വിവരങ്ങള്‍ 1. സോനാലി കുല്‍ക്കര്‍ണിയും അജയ് ഗേഹിയുമാണ് മുഖ്യവേഷത്തില്‍ എത്തുന്നത്. 2. നാല്‍പത്തിരണ്ടുകാരനായ ഗ്യാന്‍ കോറിയ ആദ്യമായി സംവിധാനം ചെയ്ത ചിത്രമാണ് ‘ദ ഗുഡ് റോഡ്’. 3. സംവിധായകന്‍ ഗ്യാന്‍ കോറിയ ഇന്ത്യയിലാകെ സഞ്ചരിച്ച് ഹൈവേകള്‍ക്ക് സമീപമുള്ളവരുടെ ജീവിതരീതി പഠിച്ചിരുന്നു. 4. ഹൈവേ എന്ന കണ്ണി കൂട്ടിയിണക്കുന്ന വിവിധ കഥകളുടെ സമാഹാരമാണ് ചിത്രം 5. മലയാളിയും ഓസ്കര്‍ ജേതാവുമായ റസൂല്‍ പൂക്കുട്ടിയാണ് സൗണ്ട് ഡിസൈനിങ് നിര്‍വഹിച്ചിരിക്കുന്നത്. 6. പ്രമുഖ സംഗീത സംവിധായകന്‍ രജത് ഡോലാക്കിയയാണ് ചിത്രത്തിന് ഈണങ്ങള്‍ ഒരുക്കിയത്. 7. മികച്ച ഗുജറാത്തി ചിത്രത്തിനുള്ള ദേശീയ അവാര്‍ഡ് ഈവര്‍ഷം ദ ഗുഡ് റോഡ് നേടിയിരുന്നു. 8. നാഷണല്‍ ഫിലിം ഡെവലപ്മെന്‍്റ് കോര്‍പറേഷന്‍്റെ സാമ്പത്തിക സഹകരണത്തോടെയാണ് ചിത്രം നിര്‍മിച്ചത്. 9. ചിത്രത്തിന്‍്റെ എഡിറ്ററായ പരേഷ് കംദാര്‍ മുമ്പ് ഏറെ നിരൂപകശ്രദ്ധനേടിയ ‘കാര്‍ഘോഷ്’, തുന്നു കി ടീന’ എന്നീ ചിത്രങ്ങള്‍ സംവിധാനം ചെയ്തിട്ടുണ്ട്. 10. ‘ചില്ലര്‍ പാര്‍ട്ടി’, കോസ്ല കാ ഖോസ്ല’ എന്നീ ചിത്രങ്ങള്‍ക്ക് കാമറ ചലിപ്പിച്ച അമിതാഭ സിങ് ആണ് ‘ദ ഗുഡ് റോഡി’ന്‍്റെ ഛായാഗ്രാഹകന്‍.
ranjith Forum Boss
Location : Dubai / Cochin
Subject: Re: FILM News, Discussion...6 Sun Sep 22, 2013 12:33 pm
Manju Warrier with Carnatic Singer Sudha Ranjith at Calicut
Home 
Publications 
Calendar
..( മൂക്കില്ലാരാജ്യത് 
)
